5 فضفضه

**megaman** · 19-07-2010 01:28 PM

ممكن يا جماعه افضفض معاكوا شويه انا متزوج من7 سنوات واب لطفله 5 سنوات وطفل 2 سنه موظف قطاع خاص بطلع من البيت 11 وارجع على الاقل 11 او12 وساعات 1 عربيتى تقسيط قاطم وسطى غير مصاريف الحياه اللى انتوا عارفينها حتقولولى فين المشكله المشكله انى بحب اسرتى جدا بس مبلقيش راحتى فى البيت من زن الاستاذ الصغير ووجوده فى كل الاماكن تحت رجلى فى المطبخ او الحمام واثناء ما بلبس هدومى دائم الطلبات والبكاء والزن الرخم فبشتكى منه بصوت امام زوجتى وابنتى للدرجه اللى خلت زوجتى تمل من وجودى فى البيت وشكوتى المستمره من الولد وطلبى منه انه يمشى بعيد فى الغرفه التانيه واتهمتنى زوجتى بالانانيه وبنتى بكت بالامس وقالتلى احنا يوم الاجازه بتاعتك حنام طول اليوم انا عارف ان ده غلط على نفسيتهم كلهم وبحاول انى اخرجهم من جو البيت بس احنا مش مشتركين فى نادى واى ترفيه تانى بيكلف ويا ريت الخروج معاهم بيبقى ممتع برضه علشان زن الولد مابقاش عندى صبر ولا اعصاب نفسى ارتاح من غير ما ازعلهم منى والله انا مش انانى ولا ما بحبهمش بس انا نفسى زهقان وتعبان لو حد عنده راى يا ريت ما يبخلش على اخوكم

**زينة الله** · 19-07-2010 01:41 PM

السلام عليكم يا أخى الكريم
واضح إن ضغوط العمل والحياة مخلياك مش مستحمل زن الولد الصغير كمان
مع ان الاطفال بيكون واحشهم الاب قوى و وجوده تحت رجليك فى كل مكان دليل انه بيحبك و عايز يبقى جنبك بس مش فاهم انك تعبان و محتاج تستريح متهيألى حبه ليك يخليك تعذره و تتحمله
حاول تاخد اجازة تريح فيها نفسك شوية و تتفسح مع زوجتك وأولادك وتقرب من ابنك و بنتك بردوا
و حاول تصاحبه و تعمل معاه ميثاق شرف انه يحترم تعبك شويه و لو انه صغير قوى و ما أعتقدش حيفهم
و حاول برضوا تشغله فى انشطة مناسبه لسنه علمه قرأن يلعب بلعبة بمناسبة ليه و هكذا
و ربنا يباركلك فيهم و يكرمك

**أحمد كمال** · 19-07-2010 01:43 PM

الحال من بعضه

لما بتقول انك عاوز ترتاح بتتفهم غلط .... مع انك بترتاح منهم عشانهم .... عشان تقدر تستمر في شغلك عشانهم برضه

بص اتفق مع مراتك على اتفاق ظريف جدا

اول ما تروح البيت ليك ساعة تقعدها لوحدك و هي تاخد الاولاد في اوضة تانية و تتصرف هي معاهم

و الساعة دي قضيها في اي نشاط ما بيشغلش المخ و لا الجسم عشان تفك الضغط

زي مثلا تقرا جرنال او مجلة .... تاخد اللابتوب على حجرك في السرير و تتصفح المنتدى .... الخ

و تتفق معاها كانك الساعة دي انت جيت بعدها يعني انت مش موجود

و بعدها اقعد معاهم

هي نفسها بعد فترة هتلاقيها بتحافظ لك عالساعة اما هتحس بمردودها عليها هي و الاولاد

**أحمد كمال** · 19-07-2010 01:43 PM

الحال من بعضه

لما بتقول انك عاوز ترتاح بتتفهم غلط .... مع انك بترتاح منهم عشانهم .... عشان تقدر تستمر في شغلك عشانهم برضه

بص اتفق مع مراتك على اتفاق ظريف جدا

اول ما تروح البيت ليك ساعة تقعدها لوحدك و هي تاخد الاولاد في اوضة تانية و تتصرف هي معاهم

و الساعة دي قضيها في اي نشاط ما بيشغلش المخ و لا الجسم عشان تفك الضغط

زي مثلا تقرا جرنال او مجلة .... تاخد اللابتوب على حجرك في السرير و تتصفح المنتدى .... الخ

و تتفق معاها كانك الساعة دي انت جيت بعدها يعني انت مش موجود

و بعدها اقعد معاهم

هي نفسها بعد فترة هتلاقيها بتحافظ لك عالساعة اما هتحس بمردودها عليها هي و الاولاد

**megaman** · 19-07-2010 01:57 PM

اول مره يا جماعه اشعر ان لى اخوه واصدقاء بجد كلامكوا على عينى وعلى راسى وفعلا بشكركوا من قلبى على ردكوا وتفاعلكوا والمشكله الاساسيه عندى انا لانى بشتكى بصوت امامهم وهما مش منتظرين ده

**alaasaid** · 19-07-2010 02:29 PM

السلام عليكم ,

اولا ربنا يعينك على اللى انت فيه بس لازم تعمل وقفة مع نفسك و تعيد تنظيم وقتك و حياتك انما كدة انت هتكون فى ناحية و زوجتك و اولادك فى ناحية و دى تبقى اكبر خسارة و ساعتها مفيش حاجة تعوض الواحد ابدا عن خسارة اسرتة

ربنا يعينك و يفرج عليك ان شاء الله

**mohamed_selim** · 19-07-2010 02:40 PM

الزن مرحله و هتعدى
مشكلتك انك لازم تفصل الشغل و القرف بره عن البيت و الولاد علشان هما ليهم حق عليك ... طبعا الكلام سهل بس لما هتحاول ان شاء الله ربنا هيكرمك و يديك طاقه و صبر علشانهم

**Donzi** · 19-07-2010 02:53 PM

دي مرحلة و هتعدي و صدقني لو دخلت البيت و ملقتش فيه حد و هدوووووووووووء جدا و اخيرا هاترتاح .... هتحس ان في حاجة ناقصك و ان صوت ابنك و شاقوته وحشوك و ان ضحكة واحدة منه كفيلة بانها تنسيك هموم اليو كله

انت فعلا محتاج تفصل بين البيت و اي حاجة تانية برة البيت و الا هتفضل تاعبان و عتتعبهم معاك و لو فضلت على كدة اللاد هايخدو منك مقف بشكل تلقائي جدا و هايبعد عنك و هتتعب اكتر عشان ترجعهم زي الاول بالذات البنت لانها دلوقتي بقت واعية و فاهمة كل حاجة بتحصل حوليها

ربنا يعينك و يقدرك على مسئولياتك ان شاء الله

.

الموضوع: 5 فضفضه

LinkBack

أدوات الموضوع

عرض

5 فضفضه - انشر الموضوع فى :

-

-

-

-

-

-

المواضيع المتشابهه

فضفضه كتيرة

فضفضه ...!!!!

فضفضه

الكلمات الدلالية لهذا الموضوع

المفضلات

المفضلات

ضوابط المشاركة