السلام عليكم
الحمد لله لسه راجع الان من أبورواش
كنت قلت انى عايز أروح علشان موضوع الكلكس وأسأل حبه أسأله أهمها السوفتوير الجديد
أتحركت الساعه 6.45 من بيتنا وصلت 8.00 الحمد لله
لقيت عربيتين قدامى وبردو مش عارف الناس دى بتيجى أمتى :))
المهم خدت رقم تلاته وكنا بره وأستننا لما فتحوا
أستلم منى مهندس اسمه محمود قلتله الكلكس بيعلق
راح مزمر بيه قالى مهو شغال أهو :S
قلته لا والنبى! مهو بيعلق
يعنى بيشتغل حبه وحبه لأ
قالى ااااه
قلتله كمان عايز أكشف على أستهلاك البنزين قالى ماشى حاجه تانيه قلتله إعمل تشك أب كامل على كل حاجه راح كاتب
و قالى أتفضل فى الاستراحه "المقبره"
نزلت المقبره لقيت كميه دبان!!!! مهى مقبره بقى
أبديت أنزعاجى للراجل الى جوه
"حاضر يا فندم أحنا آسفين"
وجرى جاب بيروسول وهاتك يا رش طبعا الدبان بتعنا بيحط بيرسول دا مزيل عرق
فبقى دبان + بيرسول رحت طالع
أتمشيت شويه فوق كدا
لقيت الاسعار الجديده بتاعه الصيانات وهى ذادت كام جنيه تفاريح كدا :))
http://img833.imageshack.us/img833/3402/19072010046.jpg
ودى صوره بتوضح أيه الى بيتغير فى كل صيانه
http://img834.imageshack.us/img834/8329/19072010045.jpg
المهم قلت أسأل بقى على السوفتوير لأنى طبعا طبعا مش بنسى :) زى ناس كدا :)
المهم
كلمت بشمهندس أشرف وسألته عليه قالى لأ مفيش ومجلناش حاجه
قلته متأكد لأنه قالوا أنه بيعالج استهلاك البنزين وهبوط الفرامل
قالى أولا هبوط الفرامل دا مش عيب
هى العربيه كدا
ثانيا لو فيه مشكله فى الاستهلاك ممكن نعرف من أيه
قلته يعنى مفيش سوفت
قالى لا والله مفيش حجاه جتلنا من كوريا
المفاجأه بقى
أنه قالى أن فيه بالفعل سوفتوير جديد نزل لكن للكارينز :)))
فيا رجال الكارينز أبشروا بقى قى سوفتوير جديد ليكوا بيعالج أخطاء تقريبا هو مش عارفها لأنه لو عارفها كان قالهالى :)
بس هو قالى دا upgrade مش أكتر
نزلت المقبره وشربت شاى وقعدت بتاع ساعه كدا وأتخنقت
طلعت سألت على العربيه
قالولى هنشفهالك ولما تخلص هنكلم على الموبايل نزلت المقبره تانى
ربعايه وطلعت زعقت أتاريها واقفه و خلصت والبعدا مش واخدين بالهم!!
المهم كتمت غيظى وقلت حصل خير
حصل فيها أيه
جابوا الشيت دا مكتوب تم تغيير الكلاكس وتوسيع البوجيهات!!!!!
أول مره أسمعها
قلتله إدا قالى دا كانت البوجيهات مقفوله ودا الى كان مخليها تسحب بنزين
يعنى أيه مقفوله الله أعلم
المهم أنا مالى رحت أجرب الكلاكس لقيته كويس
أستلمت ومشيت
أولا وأنا لسه جوه الفرامل بقيت قويه جدا مش فاهم ليه
يعنى قويت كمان أكتر من الاول قلت يمكن نضفوا حاجه ولا حاجه بس أتبسط
وبعدين بعد ممشيت بشويه بكلكس بقى حسيت أن صوته مش قد كدا
وتقريبا كل مكلكس أكتر كل مصوته بيوحش أكتر
وبقى صوته يعر الحقيقه
تحس أن فى شاب مفتول العضلات وملامح الرجوله على وجهه وبعدين يجي يتكلم تفاجأ بصوت بنت صغيره :))
دا حال العربيه دلوقتى :)
غير كدا بقى العربيه بقيت تجرى بغباء وغشامه
يعنى بتسحب بفترا كدا
حسيت أن دا من البوجيهات الى كانت فيها حاجه دى
المهم أنا كنت داخل التوكيل بأستهلاك 10.1 وكان أعلى من كدا من يومين
طول الطريق وأنا ماشى هو عمال ينزل وقتى
ودلوقتى نزل لغايه 9.1
وأنا راجع العربيه زى مقلت زى متكون بتجرى تنفد بعمرها....أفترى يعنى متوسط سرعه 130
وأنا رايح متوسط سرعه 100
يعنى رايح مش بجرى وفى أستهلاك عالى
وراجع بجرى بأستهلاك أقل
بردو مش عايز أوهم نفسى ممكن يكون الاستهلاك قل لأى سبب
فناوى أفول بقى واصفر العادات وأشوف هتقول أيه
فالمزايا:
العربيه بتجرى بفترا وطول منا جاى خايف منها بجد
الفرامل قويت والحمد لله أنها تناسبت مع السرعه الغبيه دى
العيوب:
كلاكس عااااااااااار وصوته يكسف
راضى عن الزياره بشكل عام
طبعا أنا طويلت لما هتشتم فبعتذر مقدما لكن حبيت أطلعكم على كافه التفاصيل
شكرااااا