مش فاهم ازاى بيبقى منوال واتوماتيك بنفس الوقت لانى عمرى مسقت عربيه استبترونيك
عرض للطباعة
مش فاهم ازاى بيبقى منوال واتوماتيك بنفس الوقت لانى عمرى مسقت عربيه استبترونيك
مين الافضل
الاوتو العادي والقديم اللي هو معروف
ولا ستيب ترونيك
بص حضرتك الفتيس الاستبترونك دة
عبارة عن فتيس اوتوماتيك ولكنة فى نظام كمبيوتر بيحول النقل الاوتوماتيكى
لنقل عادى باستخدام الدراع+\-
مش فتيس مانيوال
يعنى مافيهوش دبرياج ولا حارات للفتيس زى الفتيس المانيوال العادى
الفرق ما بين الاتنين
ان الفتيس الاستبترونك فيه اليه معينة بتخليك تتحكم فى زمن النقلة
لانك طبعا عارف ان الفتيس الاوتوماتيك بينقل على rpmمعين
لوحدة
انما الالية دى بتديك حرية الحركة ونقل الغيار زى منتا عايز
تسقط نقلات بال- او تزود نقلات بال+ وتطول او تقصر زمن النقة
ونفس الوقت من غير جهاز الدبرياج بكامل محتوياتة
والفتيس دة موجود من حوالى 10 سنين او اكتر فى موديلات بى ام ومرسيدس
وبعد كدة استحدثتة الشركات الالمانية وبعدين اليابانية واخيرا الكورية
وهوة فتيس مميزاتة كويسةوليه فدرة رياضية اكتر فى السواقة عن الفتيس الاوتوماتيك العادى
بالنسبة لصندوق التروس الستبترونيك أو تقدر تقول x ترونيك لن كل شركة بتطلع باسم مختلف فيه التبترونيك و الستبترونيك واسامي تانية ( مع الفرق في الاوبل اسمه ايزي ترونيك و دة له نظام عمل تاني )
بالنسبة لصندوق التروس دة كغيره من الصناديق الأتوماتيكية بيكون موصل بال torque converter علشان يفصل بدل الدبرياج
تمام ... ؟!
بالنسبة للصناديق التروس الأتوماتيكية بيتحكم فيها كومبيوتر خاص بيه بيدخله مدخلات معينة و على أساسها بينقل التروس
في الستبترونيك في الوضع اليدوي حضرتك بتعمل ByPass للكومبيوتر يعني بتتخطاه
بمعنى أوضح بدل ما اشارة تحكم تطلع من الكومبيوتر تقول لاليات التحكم انقلوا لحضرتك اللي بتعطي الاشارة دي بدلا من الكومبيوتر في الوقت اللي يعجبك سواء بقى بدراعات خلف الدريكسيون أو بعصاية الفتيس نفسها أو لو حتى بالصوت بس حضرتك بتتولى عملية نقل السرعة
و لكن دة لا يمنع تحكم الكومبيوتر في أوضاع خاصة لحماية المحرك و صندوق التروس
يعني لما سرعة السيارة بتقل بيسقط نقلة اوتوماتيك
و ممكن لو حضرتك عايز تنقل نقلة بس النقلة دي غلط مش هتتنفذ
و بالنسبة لصندوق التروس الاوتوماتيك ممكن اضبطه على ال RPM اللي ينقل عنده زي ما انا عايز
واحد صاحبي معاه 307 عمل كدة راح التوكيل خلاهم يعلوا شوية سرعة المحرك اللي بينقل عندها الصندوق
yasserelsayad
سلمت يداك
انا بحس ان نقل الفتيس الاوتوماتيك العادي اسهل بكتير من الاستبترونيك اللي عامل زي الخريطة
ممممممممممممممممم
شكرا جداااااااا
متشكر يا رجالة على الردود المشجعة