يا ريت حد يقول لي احسن طريق لشرم من القاهرة ويا ريت بالتفصيل والمسافة والأستراحات
عرض للطباعة
يا ريت حد يقول لي احسن طريق لشرم من القاهرة ويا ريت بالتفصيل والمسافة والأستراحات
حضرتك تاخد الطريق التالي :
- القاهرة / السويس الصحراوي الي بوابة السويس (109 كم )
- بعد البوابة هتلاقي يوتيرن شمال (حوالي 480 متر) تدخل منه في أول يمين (335 متر) (الي طريق النفق)
- هاتوصل الي ميدان (بعد حوالي 20 كم) منه تكمل علي طول الي نقطة التفتيش الخاصة بالنفق
- بعد ماتخرج من النفق هتاخد الطريق يمين الي أن تصل الي محطة بنزين
- كمل علي طول في طريق رأس سدر و منها الي أبوزنيمة
- خلي بالك من الملفات اللي قبل أبوزنيمة (عاملة زي ملفات السخنة / الزعفرانة)
- هاتوصل بعد كده لأبورديس تكمل علي طول في أتجاه طريق شرم الشيخ
.... اماكن الاستراحات و محطات البنزين :
- أول طريق القاهرة / السويس .. محطة وطنية علي اليمين و دي لسه جديدة
- قبل بوابة السويس مباشرة علي اليمين
- محطة وطنية قبل النفق (وفيه أستراحة و كافيتريات نظيفة هناك)
- رأس سدر بها مجموعة كافيتريات كويسة
و توصل بالسلامة أن شاء الله
-
ممكن اعرف اجمالى المسافه كام ؟؟
وكمان وانا جاى من اسكندريه هاخد طريق المحور وبعدين ازاى على طريق السويس ؟؟؟؟
المسافه من عند مدينة نصر (اول طريق السويس) تعمل حوالى 450 كم
و انت جاى من اسكندريه متخدش المحور خليك من تحته لحد متطلع الدائرى (كأنك و انت جاى من اسكندريه الصحراوى هتخش شمال فى الدائرى ... نفس طريقة طلوع المحور ... هتعديه و تطلع يمين بس انا كنت سمعت ان الطلعه فيها اصلاحات فلو مقفوله تلف اول يوترن بعد الدائرى و تطلع من الناحيه التانيه) هتفضل ماشى حوالى 2-3كم هتلاقى وصلة المريوطيه الجديده على اليمين تاخدها و تفضل ماشى... هتعدى النيل و طوالى ... هتعدي كارفور و طوالى ... هتنزل اول نفق و تنزل تانى نفق بعديه بشويه صغيرين هتلاقى فندق JW Mariot على اليمين تنزل النزله اللى بعده على طول يمين ... كده انت فى طريق السويس فى الاتجاه الصح و تكمل زى ما باشمهندس سمير وصفلك.
الف شكر ليكو جميعا
جزاكم الله خيرا وانا بكلمكم الوقتي من شارم
ان شاء الله هعمل ليكم تقرير جميل
إجمالي المسافة من طالعة الأتورستراد لغاية شارم 500 كيلو
الطريق كويس وجميل
حمدلله علي سلامتك و أجازة سعيدة أن شاء الله و ترجع لنا بألف سلامة
علي فكرة انا لسه جاي من شارم من حوالي اسبوعين و كنت اول مرة اروح شارم ... الطريق هايعجبك علي فكرة و هاتجري فيه بس الملفات يا ريس