اخوتى
انوى شراء سياره فورد فوكس موديل 2003
هل اجد من بزيدنى بمعلومات عنها وعن مشاكلها وعن اسعارها
عرض للطباعة
اخوتى
انوى شراء سياره فورد فوكس موديل 2003
هل اجد من بزيدنى بمعلومات عنها وعن مشاكلها وعن اسعارها
العربية معايا وهى كويسة وأدائها ممتاز ..بس إن شاء الله حاول تجيب واحدة حالتها كويسة لأنها هاتفرق معاك
ولو في أي سؤال معين أنا موجود
اشكرك جزيلا الاستاذ وائل عطية
لردك والافاده
من المؤكد ان تكون حاله العربيه ممتازه
فماذا تنصحنى ان اتاكد منها بعد فحص الدواخل والشنطه وحوض السباره؟
اتمنى الاستفاده من خبرتك
أسلم حل تروح التوكيل وتطلب منهم يعملوا فحص شامل للعربية
ومهم قوي تتأكد إن مفيش أي تسريبات في دورة التبريد، وتتأكد من الريداتير
مهم جداً تتأكد من قواعد الموتور لأني استهترت فيهم وكلفوني أكتر من 2000 جنيه (كان في صوت زنة داخل العربية)
تفحص سير الكاتينة وبلية الكاتينة، وسير الإدارة والبلية بتاعته والشدادة ، خللي بالك الحاجات دي غالية ولو كان فيها عيوب هاتضطر تغيرها وهاتكلفك جامد.
كمان العفشة تفحصها كويس، (جوز المساعدين الفرنساوي بـ 800 جنيه)
طبعاً دا بالإضافة للكشف الظاهري والتأكد من عدم وجود خبطات في الشاسية، مش مهم لو كانت رشة من برة، المهم الحاجات اللي قلت لحضرتك عليها
مشكور جدا اخ وائل
على نصائحك التى سوف انفذها حرفيا
عربية حلوة جداً ومظلومة في مصر ومن مميزاتها انك مدام بتشتريها second hand بتدفع تمن أقل مما تستحق . في اوروبا بيحبوها جداً وأخدت أحسن عربية في اوروبا 1999
لو إنت مستغلي التوكيل فيه تكن فورد دول أرخص من التوكيل شوية بس نضاف جداً
مشكور جدا اخ رامى
وبالفعل اشتريت فورد فوكاس 2005 اتوماتك
ربنا وفقنى فيها
واتمنى تقولى فين مكان تكن فورد؟
وانا بصراحه من عشاق الفورد لقوتها وثباتها
تكنو فورد أو تكنو bosch الاسمين شغالين وكمان فيه ناس لسة بتقول عليهم المنوفي عشان هما كانو زمان فاتحين فل مطرية بال إسم ده
المهم هما عند موقف السوبر جت ف مدينة السلام الجانب الحرفيين وممكن لو عايزني أجي معاك مرة ماشي أنا أعرفهم كويس و- عل عموم أنا إحتمال أرحلهم كمان إسبوع كدة
ربنا يباركلك فيها وإنت عرفت تختار أحسن عربية
اشكرك جداااااااااااااااااااا يارامى
حد يعرف فوكس 2003 سعرها كام حاليا؟؟؟؟
بلاش تكنو بوش
أؤيدكاقتباس:
المشاركة الأصلية كتبت بواسطة ereny
فعلاً بلاش من المركز دا
أسعارهم غالية جداً تكاد تكون مثل التوكيل (بدون مبالغة)، ويعتمد بشكل أساسي على قطع غيار ليست أصلية، بل وأحياناً استيراد (قد يكون دا ضروري أحيانا لتسليك المصلحة)
الأهم في الموضوع إن شغلهم فعلاً على أده وفهمهم مش بكفاءة التوكيل طبعاً، وجربتهم في مشكلة كانوا هايكلفوني فيها جامد بسبب سوء تشخيصهم للعطل (كان في الزجاج الكهرباء) كانوا هايضطروني لتغيير المفاتيح ووحدات الرفع ودا كان هايدخل في مبلغ كبير، لأنهم ماكانوش يعرفوا إن وحدات الرفع بتعوز برمجة من جديد في حالة فصل البطارية وهم قالوا إنهم بايظين
لولا ستر ربنا كنت هاسمع كلامهم وأغير
نصيحة بلاش منهم
أحسن
السلام عليكم ورحمة الله..
ممكن أعرف من حضرتك البرمجة دي تتعمل فين؟؟؟
يا جماعة الخير
السلام عليكم و رحمة الله و بركاته
محتاج رأيك في موضوع. انا انوي ان شاء الرحمن أغير العربية اللي معايا و اشتري فورد فوكس جديدة علي اخر العام علان يكون موديل السنة الجديدة نزل.
يا تري رأيكم ايه في الفورد فوكاس. هل العربية كويسة و ايه مشاكلها و ايه مميزاتها و عامله ايه علي الطريق و استهلاك البنزين اخباره ايه و التوكيل كويس و الا سئ و قطع الغيار؟
انا راجلة مهندس ميكانيا بس احب اسأل أهل الخبرة من الزملاء و الاخوات و الأخوة هنا
هل العربية تأفيل الماني؟
شكرا علي المتابعة و اسف للاطالة