+11111
على : تصدق انا داخل اصلا علشان اكتب كدة بس موتور الدودج دة خدنا و نسيت اكتب حكاية فصل الزنان دي هههههه
بوب : انا حاروح اشوف لينك الموتور دلوقتي و حارجع تاني اكتب الرد ان شاء الله
عرض للطباعة
طيب بص دلوقتي دور العربية و سخنها و لما تبتدي تعلى و توطي و تبرجل شيل فيشة الايدل و شوف حاتثبت و للا لأ
و عاوزك تقولي حاجة كمان هل العربية بتاكل بنزين بغباوة و بتهبب في الشكمان جامد و للا لأ
و هل بتثبت لما تعشق الفتيس عالدرايف او لما بتشغل التكييف و للا برضة الار بي ام بيعلى و يوطي
شوف الحاجات دي و تعالى قوللي
بس بالمرة عاوزك تنضف حساس حرارة هواء الان تيك (حرارة الهواء الداخل للمحرك) هوة و الاير ماس و دول تنظفهم بسبراي تنضيف الانجكشن او الكاربراتير
و اوعى تنظفهم بدبليو دي فورتي لان فية تزييت
و تعالى قوللي اية النتيجة
مشكور يا مينا باشا علي الرد السريع وشكر لعلي حسني برضه وأدهم وبالنسبه لمنبه السرعه ده ممكن علشان العربيه خليجي يعني بتيجي مواصفات خليجي وفي منتدي اسمه ملاك جيب بيقولوا فيه انك لو عايز تلغي الصوت تخلع التابلوه وهتلاقي تحته سماعه بيضاء صغيره كسرها بس انا مش عايز تكسير انا عايز حاجه افصلها تبطل وعلي فكره تابلوه العدادات بتاعالعربيه دي غبي قوي ورخم وهوريك صورته تشوفه وايه رأيك لو غيرته بالتابلوه الامريكي افضل لاني هنا مبشوفش الحراره وصلت فين ولا البطاريه اخبارها ايه واول ما اشتريتها كانت بتسخن مره واحده من غير ما تشوف عداد يوضحلك الحراره واصله فين وانت عارف الشيروكي اساسا تخصص حراره ودي صورة التابلوه
http://www3.0zz0.com/2010/07/22/10/335143099.jpg
معلش يا مينا انا عارف اني بتعبك معايه وان شاء الله بردلك جمايلك
بصراحة مش قادر أفتي في موضوع اللمبة و تغييرها بعداد...
و معرفش هل تغيير التابلوه يكفي... ولا لازم يكون فيه حاجة تاني تتعمل...
هبعتلك نمرة هشام اللي كنت بصلح عنده... و هو دا اللي هيجيبلك من الآخر في الموضوع ده....
عيب متقولش كدا... دانا حتى مش عارف أجاوب على أسألتك... :-)
هاه طمنني اية الاخبار
على فكرة لو العربية ماضبتطش بالحاجات دي حايبقى ال tps محتاج يتظبط و الكمبيوتر بتاع العربية محتاج يتفك اكوادة و دة مش حايتم عند ميكانيكي
اسمع كلام اللي سبقوك و روح ياسين اللي جنب حمدي لادا بعد السندباد هما حلولي نفس الموضوع في الفرونتيرا و اتكلف 370 ج يعني مش تكلفة كبيرة
عايز تتأكد
شوف فيشة في الضفيرة بتاعه العربية تكون واصلة بين الكمبيوتر و الضفيرة اللي رايحه للفتيس
و دي غالبا حاتلاقيها عاليمين جنب فلتر الهواء و غالبا لونها اخضر او ازرق
افصلها حاتلاقي العربية ضبطت و هيه واقفة بس لمبة شيك ترانسميشن في التابلوة حاتنور
بطل العربية و ركبها و تبقى اتاكدت من المشكلة زي ماقلتلك