عرض للطباعة
قدامي عربيتين e30 اول وحده 320 اوريجينال بحالتها زي ما طلعت من المصنع وموتورها الاصلي موديل 90 ورشه بره ودواخل فابريكه ومركونه بقالها فتره كبيره وحالتها العامه جيد جدا..
التانيه موديل 87 هي اصلا 325e بس مغيره الموتور وراكب فيها موتور 2000 وفيها فتحه سقف ودواخلها فابريكه وحالتها حلوه بس مش زي الاولي اوي ومحتاجه كومبريسور تكييف...
الرجاء التكرم بتسعير العربيتين دول عشان اقدر اقرر ياتري السعر مناسب ولا لا؟؟؟
فين خبراء الbmw يا جدعان 9 مشاهدات ومفيش رد واحد؟؟؟؟؟؟
حضرتك ممكن تقول لنا على الأسعار المعروضه عليك فى السيارتين و نقدر نساعدك نقول لك إذا كان السعر عالى ولا لأ!
لكن كسعر بالكثير 55000 جنيه إذا كانت لا تحتاج إلى مصاريف يعنى سيارة على المفتاح فى النهاية!
و عالعموم قول لنا الأسعار اللى عرضت عليك هنقدر نفيدك اكثر!
موديل 90 مطلوب فيها زي ما حضرتك قلت 55 اما موديل 87 مطلوب فيها 51 مش عارف كده كويس ولا ايه؟؟؟
إذا كانت السيارة موديل 1990 على المفتاح 100% مش بها شغل سعر مش سىء لكن حاول تخفض فى السعر ممكن صاحب السيارة يوافق على تخفيض السعر عن رضى تمام! و إذا وافق على تخفيض السعر اعتقد إنها ممكت تخلص على ال 53000 إلى 50000 جنيه! حاولاقتباس:
المشاركة الأصلية كتبت بواسطة hardman20060
بالنسبة لل 1987 من واقع السعر 51000 جنيه السيارة تخلص على 50000 جنيه! لأن ال 1000 جنيه من هتفرق معه اكيد إنت فاهمنى يعنى ال 1000 جنيه اللى فوق ال 50000 جنيه هو موضوع لكى يخفضه عند البيع!
الف شكر علي الرد ياباشا بس كنت عايز اعرف هل السعر ده فعلا مناسب للعربيتن دول ولا كده كتير لان في ناس قالولي ال 90 دي كبيرها 45 وال 87 دي كبيرها ال 40 مع العلم ان هم مشافوش العربيه ده علي الوصف بس, عموما انا هفحص العربيتين كويس وهبلغك بالاخبار التمام عشان تقيمهوملي صح.اقتباس:
المشاركة الأصلية كتبت بواسطة thebuccaneer
E30 325 1987 جنوط اسبور عفشة 6 كاملة سكاكين امامى و خلفى +كاسيت بيونيير سنتريت+فوجات و معدلة بالكامل m40 ماعدا الفوانيس الخلفية+الموتور بحالتة موديل 1990 ابيض+كورونالوك+اللون نبيتى ميتاليك+مرايات كهرباء - مطلوب 43500 جنيه! المالك محمد ت: 0102225224 - 0123330910
السيارة الموجوده بالأعلى كانت فى قسم ال 325 بموقع لبيع السيارات لكن اسأله المحرك الموجود بها محرك 2500 لونه أبيض!
سعر ال 45000 الى 50000 جنيه إذا كان فى موديل 1990 هيكون فى 316 أو 318! فى الوقت الحالى
أنا هقول لك على شىء الناس بتأخد بالشكل مش بالأمكانيات بمعنى إن ال E30 شكلها واحد من 1983 الى 1991 فالكل بيقول لك نفس السعر جرب و قول لهم على سيارة موديل 1985 316 هيقولوا لك 40000 جنيه! فأنت قدر هل ال 1985 مثل ال 1990 أو هل العفشة ال 4 سليندر مثل العفشه ال 6 سليندر! من مميزات هذا النوع من السيارات إن العفشه ال 4 سليندر محدوده فى الأمكانيات بمعنى إذا جربت تغير لأيه بى أس مش هتعرف إذا جربت تشترى جنط نظيف هتجد بنسبة 90% 5 مسمار و ليس 4 مسمار و العفشة الموجوده بال 316 أو ال 318 هتجدها 4 مسمار يعنى صعوبه تغيير فى الجنط إذا جربت تركب أية بى دى (مانع الأنزلاق) هتجد إن العفشه ال 4 سليندر لا تصلح! يعنى العفشة ال 6 سليندر هتكون مفيده جدا بالنسبة لك!
تركيب عفشة, بمحرك 6 سليندر يتكلف من 15000 الى 18000 جنيه! إنت قدر! شوف موقع كونتاكت كارز و شوف أسعار السيارات به, يوم الجمعه قريب مش هتخسر شىء انزل السوق و شاهد الأسعار و ابعد تماما عن التجار إنت فى هذه الحاله هتقدر تقدر هل السعر مناسب و لا لأ!
الف شكر علي المعلومات القيمه دي انا استفدت كتير من المعلومات دي وربنا يقدم ما فيه الخير.
الكلام ده لو كانت 316 وكمان يبقي شويهاقتباس:
المشاركة الأصلية كتبت بواسطة hardman20060
لكن 320 لا طبعا:36_1_37[1]: