إيه ضرر المشي بعجلة نايمة؟

**رزق** · 19-07-2010 06:07 PM

أنا لسة راجع من إسكندرية النهاردة وطلعت من هناك كانت العربية زي الفل, بعد حوالي 40 كيلو تقريبا بقيت ألاقي الناس بتيجي جمبي وتقعد تكلكس وتشاور وانا بصراحة مكنتش فاهم عايزين إيه. المهم جه ميكروباص وشاورلي عالعجلة القدام شمال..فأنا ركنت ونزلت ابص. لقيتها نايمة تماما. بعد كده رحت ل بنزينة وخبوارها لصبح إلخ... وطلع إن البلف اتقطع.
المهم أنا كان سؤالي, طول ما أنا مش بجري عليها (كنت ماشي بسرعة الطريق 90-100)..هل كان ممكن تفرقع أو تعمل حاجة؟ أصل أنا محستش بأي فرق في السواقة فترة ماهية كانت نايمة - ده عشان العربية أساسا بتحدف لواحدها وهي سليمة ..ومكنتش سامع صوتها عشان الكاسيت. كل الموضوع لما نزلت ولمستها لقيتها سخنة جدا على عكس الباقي.

فـهل مثلا كان ممكن أكَمل مشواري من غير مقف واغيرها طول ما أنا ماشي بسرعة هادية؟

**DR.M** · 19-07-2010 06:23 PM

فـهل مثلا كان ممكن أكَمل مشواري من غير مقف واغيرها طول ما أنا ماشي بسرعة هادية؟[/quote]

حمد الله على سلامتك

لا مينفعش تمشي عليها

دقيقه او اقل كنت هتحس

**Car's Sniper** · 19-07-2010 06:27 PM

اكيد هتقلق منامها هههههه
لو نايمة بجد فدة غلط عشان هاتتفرتك من الجنط..وماعرفش فيه اضرار تانية ولا لأ
اما لو كانت مهوية سنة بسيطة فممكن تمشى بيها لغاية اول بتاع كاوتش يقابلك لأن العربية وزنها بيخف نوعا ما لما بتمشى
بس العربية هاتحدف معاك وهتاكل سنة فى البنزين والكاوتش هايسخن