السلام عليكم
إن شاء الله بكره هروح أطلع الاعفاء بتاع الجيش
بس مش عارف أروح الهيكستب دا أزاى
ممكن حد يوصفلى
شكرا
عرض للطباعة
السلام عليكم
إن شاء الله بكره هروح أطلع الاعفاء بتاع الجيش
بس مش عارف أروح الهيكستب دا أزاى
ممكن حد يوصفلى
شكرا
اول طريق اسماعيلية الصحراوى
الناحية التانية من سوق العبور
خد الدائرى وانزل هناك بس مش عارف المنزل قبلها ولا بعدها
حضرتك هتاخد الدايرى وتنزل نزلة طريق الاسماعلية وتعمل يوتيرن وترجع كانك رايح جسر السويس وتعمل يوتيرن تانى من تحت كوبرى النزهة كدة هاترجع تانى على طريق الاسماعلية ومن عند بنزينة موبيل هاتدخل يمين وتمشى مع العربيات هاتلاقى نفسك طالع على الهايكستب بس خد بالك الحتة دى مكسرة قوى
لو تعرف توصل لجوزيف تيتو اللى هو فيه السندباد هايبقى احسن هاتفضل ماشى فيه وتلف مع الطريق لاخره وماتطلعش الكوبرى لا خد يمين الكوبرى وادخل اول فتحة يمين برده هاتلاقى الهايكستب
ارجو اى اكون عرفت اوصفلك بسهولة
و أنت جاي من الدائري و قبل ماتحصل منزل طريق الاسماعيلية فيه يوتيرن شمال لف منه و أرجع تاني هتلاقي اول دخلة يمين تنزلك علي الهايكستب مباشرة
اه تصدق ماجتش فى بالى برده الحكاية دى!
شكرا يا رجاله
كتر خيركم
يا جماعة الراجل بيتكلم على إعفاء جيش
يعني عايز منطقة التجنيد بالهايكستب
مش مستشفى أو موقف أتوبيسات الهايكستب
ومكان منطقة التجنيد هو :
الطريق الدائري ثم النزول من مخرج
طريق الإسماعيلية
حوالي 4كم هتلاقي كوبري مشاه علوي
وعلى يمينك يافطة كبيرة مكتوب عليها منطقة تجنيد وتعبئة القاهرة
قدام سوق العبور مباشرة
هاتدخل وهناك بارك هاتركن عربيتك فيه
وتركب باص بتاع الجيش لحد باب المنطقة
واعمل حسابك في شماسات كويسة لأن العربية هاتتنقح في الشمس الحارقة لساعات على ما تخلص ..
والعودة ممكن تكمل طوالي في اتجاه الشروق
ثم تخترق مدينة الشروق حتى طريق السويس
ومن طريق السويس ممكن تدخل التجمع من الرحاب
أو ترجع تطلع الدائري تاني
لأن العودة من طريق الإسماعيلية ما بين 3 إلى 8 مساء بتاخد تقريباً ساعة حتى كوبري الحرفيين فقط
وتوصل بالسلامة
الرجل عايز منطقة التجنيد... دى قبل مدخل مدينة العبور بحاجة بسيطة بالتالى لازم ينزل طريق الاسماعيلية من الدائرى و يمشى فيه شويتين حلوين
http://i83.photobucket.com/albums/j3...s/haykstep.jpg
طريق العودة اما تنزل نفق مدينة العبور و ترجع تانى على طريق الاسماعيلية و من تحت الكوبرى اللى عند مدخل الحرفيين تدخل شمال و تخرم للدائرى.... او تكل فى اتجاة الاسماعيلية و تدخل يمين من مدخل الشروق لحد طرق السويس و منة تطلع على التجمع
MMamdouh
متشكرين يا رجاله وأنا رحت الحمد لله
وطلع عينى وهروح تانى للأسف علشان غلطه من واحد فى السجلات الله يسامحه بقى :(((