بوجيهات هيونداى الاصليه ngk لافيو هاتش باك 2009
طبعا العربيه عملت حوالى 25000 كيلو وطبعا قولت بقى اغير شويه حاجات بدرى اى نعم العربيه مفهاش اى حاجه خالص بس اتعلمت من سواق تاكسى خبره حوالى 40 سواقه (الله يرحمه لسه متوفى من حوالى شهر) انى مستناش وغر حاجتك بدرى بدرى العربيه تعيش معاك (وقالى كلمه احترم عربيتك تحترمك) المهم
قولت بقى اروح لعمو منصور اشترى الحاجه الاصليه و طبعا طلقت الضمان بالتلاته
المهم لقيت البوجيهات نوع صينى اسمو ACDelco طبعا نفضت وقلت اجيب حاجه محترمه سالت الدكتور الميكانيكى بتاعى قالى هات بوجيهات NGK الاصليه بتاعت هيونداى ماشاء الله ممتازه جدا مكتبتش خبر روحت جبتهم ب 44 جنيه وركبتهم بصراحه العربيه بقت مجرمه بسم الله ماشاء الله والواحد بقى مخنوق من قوة السحب لانه متعوتش على كدا خلال السنه ونص سواقه وبفضل الله التكييف ليس له تاثير على السحب بالمره مش زى زمان كان فيه تاثير بسيط يصل ل 15 او 20%
انا قولت انقل تجربتى عشان اللى ناوى يغير بوجيهات يشترى بتاعت عمو غبور ب 21 مش ال 16
وكملت بقيت الحاجات من عند عمو غبور فلتر هواء - فلتر زيت - فلتر بنزين - مية ريداتير ACDELCO البورتقالى صناعه امريكى حاجه بصراحه محترمه - تيل فرامل انا قولت اجيبه احتياطى - والدكتور ميكانيكى بتاعى فى اكتوبر قالى لسه بدرى فقلت ش هيخصر
كبعا ظبت الكلام وغسلت موتور العربيه بالجاز تلميعه محترمه وغسلت العربيه غسله ومحترمه فى بنزينه توتال وغيرت الزيت (انا لقيت زيت توتال ال 10000 مكتوب عليه صتاعه فرنسيه قولت اكيد حاجه محترمه ونفس الكلام زيت الفتيس الاتوماتيك بس الراجل قالى حرام لسه بدرى قوى انت غير بس مش اقل من 35 او 40 الف كيلو كمان
طبعا الحمد لله خلال سنه ونص سواقه العربيه دى ماشاء الله ليس بها اى عيوب بالمره انها حقا سياره محترمه وبصراحه الجنوط ال 15 اللى جايه معاها ماشاء الله عامله ثبات جميل جدا
وعلى فكره اخويا معاه اخت العربيه عامله 54000 كيلو نفس الكلام الحمد لله لم يظهر اى شىء غير الطنابير وغيروهالو
والله المستعان :ask: