الموضوع: عيب Vs ميزة

المميزات : كتير اوي
العيوب : التوكيل والمشاكل اللي عاملها مع العملاء وعدم الاستجابة لمطالبهم

المشاركة الأصلية كتبت بواسطة K3A

بيرسونا اوتوماتك 2009

العيوب :

غير مريحة في سواقتها وده من خلال الاتي

• الكراسي غير مريحة
  
  عشان مش طرية وناشفة شوية انا هعمل فرش بكرة ان شاء الله وحاسس انها هتبقا احسن من كدة
  
• المرايات الجانية سيئة جدا
  
  لو تقصد المراية الشمال ممكن تغيرها بمراية بعدسة تشتريها جاهزة او تفصلها لاكن المرايات عموما ان شايفها كويسة
  
• الملفات بتخدها على الواسع أوي
  ازى لو تقصد اليوترن يبقا الافضل ليك فى جميع الاحوال انك تلف على الواسع عشان تتطلع مستقيم مع الطريق
  
• الركن الخلفي بدون حساسات صعب جدا لأن العربية مرتفعة من الخلف
  انا الحمدلله عندى سنسيور بس عادى ممكن تركب واحد وبى شاشة كمان بى 300 جنية بس
  

التأفيل النهائي يفتقد الجودة وده من خلال الاتي

• دهان خفيف أوي
  معك حق
  
• خامات التابوله و الفرش الداخلي و الابواب من الداخل رديئة
  
  
  مستحيل انت اكيد بتكلم عن عربية تانية الخامات جيدة ولكن لسيت ممتازة
  

عربية تتبع المدرسة الخشنة في التصنيع وده من خلال

• باور تقيل شوية بالمقارنة مع الكوري
  دى ميزة فى رايى وهو مش تقيل هو متوسط
  
• صوت الموتور عالي شوية وعالي اوي بعد 90
  
  هو مش عالى ولا حاجة بعد ال 90 هو هو ويعتبر مش صوت عالى صوت رياضى وسعات والله بقفل الكاسيت واحرق لغايت 6 و 6ونص عشان استمتع بصوت المتور وكل الى راكب معيا قالى ما شاء الله صوت متورها جميل وناعم وقوى فى السرعات
• عفشة ناشفة جدا (كل نقرة في الطريق بحس بيها)
  
  اكيد بتكلم عن عربية تانية مش للدرجة دى يعنى اكيد انت مش ظابط ضغظ الهواء او مش غسل عفشة
  

اهم عيب في كل ده -من وجهة نظري- و اللي محدش قاله هو ان تسارع العربية من 0- 100 اقل من المتوقع كسيارة رياضية وده بالمقارنة مع العربيات العادية فيمكن القول باناه متوسط حوالي 11 ثانية تقريبا (مانيوال)

النقطة دى هحتاج سنة عشان ارد عليك فيها مين دة الى تسارعها وحش والله العظيم العربية الجين المانويل بتجرى زى ال 2000 سى سى بالظبط يعنى بيجو 406 2000 معرفش يطلع منى والعربية بتاعت واحد صحبى وبردوا لانسر بطة مسقط فيها 2000 وشيروكى كان هيجنن ويطلع منى وبردوا مطلعش وbmw الفئة التالتة 2009 كنا بنجرى زى بعض بالبظبط والكورلا الجديدة والسفيك بردوا نفس الحوار العربية الوحيدة الى طلعت منى لغايت دلوقتى عربية محمد مومو بروسنا مانويل وطلع من بعد ال 170 بالعافية بس انا واثق انى لما اغير بوجيهات مش هيطلع منى ان شاء الله
كل الكلام الى فات دة والله العظيم حقيقى ولما بقول لحد ان دة متورها الاستوك وانى مش معدل بيستغرب فابلاش حد يتكلم عن التسارع عشان بجد تسارعها وهم وهم خصوصا المانويل وانا قبل ما اشترى العربية سالت ايمن قالى يبنى المانويل بتاعها مينى كوبر وفعلا بجد بحس انها كدا يعنى انسا خالص نقطة التسارع دى

المزايا:

افضل قيمة مقابل النقود وده من خلال كماليات لا حصر لها زي

• فرامل ABS EBD
• SRS Air Bugs
• power steering
• سنتر
• تاكيف
• انذار
• ازاز كهرباء
• مرايا كهرباء
• فوج لايت
• كاسيت CD-MP3
• فتيس اوتوماتك
• مالتي فانكش بالدركسيون
• مثبت سرعة (بعض الموديلات القديمة)
• .... الخ

أمان عالي وده من خلال

• ثبات ممتاز
• صاج ثقيل
• عوارض بالابواب
• كاوتش عريض لثبات افضل
• SRS air bugs 2
• فرامل ABS-EBD (على فكرة الفرامل ممتازة بس المشكلة ان التيل بيتاكل بسرعة بالمقارنة بالعربيات التانية وده اللى بيحسس الناس ان مشوار الفرامل طويل)

شكل رياضي رائع (وجهة نظر)

• شكل انسيابي رائع
• تارة دركسيون رياضية
• عتب رياضي (بعض الموديلات)
• اسبويلر (بعض موديلاتgen2)
• كساحات (بعض موديلات gen2)
• جنوط رياضية رائعة
  

تكييف جيد وده من خلال تحكم افضل بمروحة التكييف(بكرة دوارة بشكل متصل) مش 3 أو 4 درجات ثابتة زي كتير من العربيات

و أخيرا انا عن نفسي راضي بكل مزايا وعيوب العربية دي وعشان كده جبتها و اهم ميزة بالنسبة ليا هي انها بالكامل (وخصوصا البيرسونا) من تصنيع اسلامي

تحياتي,,,,

جين 2 عييوبها
الفرامل غريبة وبتطلع اصوات غريبة رغم انها لسة 5000 كيلو
الدهان وحش جدا واي حاجة بتجرحة
استهلاك البنزين
الخامات الداخلية
مش مريحة للطوال
المريات برزة شوية

مميزتها
الثبات علي السرعات العلية \ ال cd والسمعات حلوين \ الشكل الخارجي حلو و مميز

هية اغلب عيوبها مش خطيرة بس تخنق جدااااااااااا

المشاركة الأصلية كتبت بواسطة elmadawy

هو بصراحه المميزات اكثر من العيوب لكن هو فعلا اكثر حاجه مش عجباني فيها هو زي ما وضح صاحب الموضوع سوء دهان العربية وان اي حاجه ممكن تزيل الدهان لدرجه اني فكرت ان ده في كل العربيات ولما سالت زملائي من اصحاب العربيات الاخري وال ايضا متعودين علي السفر بين مصر الاسكندرية وان العربيات بتتحمل سوء الطريق من العربيات النقل وبالفعل اسوء حاجه في الجين 2 هو دهان العربية واسف علي الاطاله

طب بالنسبة لجزئية المميزات ... ايه ؟؟ ها ؟ .... ايه بقي ؟

المشاركة الأصلية كتبت بواسطة Tarek Gen 2

طبعا ميزة جامدة ربنا يباركلك فيها ان شاء الله و يبعد عنك شرها

يا جماعة ده مش ميزة ان المفتاح يطلع والعربية علي غيار
بالعكس ده عيب
العربيات الألماني والياباني مفيهاش كده
ده عشان الأمان

المشاركة الأصلية كتبت بواسطة jisso82

إيه ده بصرة يا معلم

بيس يا مان