الموضوع: ايه افضل سخان غاز حاليا

المشاركة الأصلية كتبت بواسطة أحمد كمال

عشان انا مجرب الاتنين

يونيفيرسال في بيت ابويا (راكب من 2006) و ايديال في بيتي (راكب من 2007)

يونيفيرسال = خدمة عملاء زبالة (مفيش مواعيد صيانة قبل اسبوع و 10 ايام و اتفلق)

يونيفيرسال = جودة زفت

يونيفيرسال = يفصل وسط ما انت بتاخد دش و لازم عشان يشتغل تاني تطفي المية خالص و تفتحها من الاول عالسخن و تبرد سنة سنة (و انت بتبرد ممكن جدا يفصل تاني)

يونيفيرسال = سعر اعلى !!!


و اخيرا و ليس اخرا يوم مابقى عند اهلي و احتاج اخد دش بابقى متكدر منه جدا
-----------------

تعالى بقى لايديال

شغال على ضغط مية ضعيف جدا

خاماته و تقفيله انضف

خدمة عملاء ممتازة (كلمتهم مرة ليلة عيد عشان الغسالة قفلت على الهدوم ادوني معاد تاني يوم الصبح و كان جمعة و عيد كمان !!!)

شغال بقاله 3 سنين زي الحمار ما شاء الله ماحتاجش غير مرة واحدة بس غيرنا بطاريات الاشعال الذاتي (بطاريتين طورش بتغيرهم من فتحة فيه بنفسك)

استهلاك غاز بسيط جدا (الانبوبة في الشتاء بتكفينا 3 اسابيع مع العلم ان السخان ده للمطبخ و الحمام سويا + البوتاجاز على نفس الانبوبة)

توكل على الله و هاته على ضمانتي انا شخصيا

انت ممكن تكلم ايديال و اوليمبيك على 19999 و يوصلوا المنتج لبيتك مجانا

الف مليون شكر على ردك القيم واكيد هحطه فى اعتنبارى وانا بشترى قريب وربنا يحفظك انت وكل اهلك