128 بسمع طقطقه ادام والدركيون تقيل وبيحدف

السلام عليكم
انا غيرت الكبالن من حوالي اسبوعين وكنت بشتكى من تقل الدركسيون وبيحدف يمين وشمال اوقات وكمان فى تكتكته ع الدواسه بتاعة الفرامل والبنزين وخبط كده زى اطمه على فترات ادام ع المطبات واوقات على غير المطبات
وصوت اطمه ع المطبات فى الخلف ولكن هذا سببه ان السوست عاليه ورا والراجل قالى حمل عليها ورا وهى تتطبع ومشكلتى انى اغلب الوقت لوحد محدش بيركب معايا
وروحت للعفشجى يدوبك يومين العربيه تكون حلوة وبعد كده نفس العيوب تانى ما الحل وهل من عفشجى محترم فى المنصورة علما بان السياره 128 مو 77 1100 سي سي
نرجو الافاده :verygood:

العفشجي مبصش على الركب .. هي ممكن تعمل معاك الصوت ده .. وكمان تخلي العربية متظبطش زوايا صح .. وتحس أن العربية مفككة من قدام .. ده احتمال .

الاحتمال الثاني للصوت اللي من قدام ده .. ممكن يكون الشداد بتاع الموتور أو قواعد الموتور .. سواء عاوزين تغيير أو تقرط عليهم .

اقتباس:

---

المشاركة الأصلية كتبت بواسطة ziabassem

العفشجي مبصش على الركب .. هي ممكن تعمل معاك الصوت ده .. وكمان تخلي العربية متظبطش زوايا صح .. وتحس أن العربية مفككة من قدام .. ده احتمال .

الاحتمال الثاني للصوت اللي من قدام ده .. ممكن يكون الشداد بتاع الموتور أو قواعد الموتور .. سواء عاوزين تغيير أو تقرط عليهم .

---

شكرا يغالى لاهتمامك
بس عندى ملحوظه انا حاليا برشها بره استنى لما اخلص رش ولا اروح عادى للعفشجى ولو فى شغل فى الركب هيحتاج سمكره ولو احتاجت سمكره ممكن تبوظ شغل البوية
انا فى انتظارردكم القيم:verygood:

لو احتاجت شغل في الركب .. فده بيكون من جوة في الحوض .. سواء تغييرهم أو عمل لحام ليهم .

بس من رأيي يفضل قبل ما ترش تشوف موضوع الركب ده الأول لأنك لو عاوز ترش مكان اللحام يبقى بالمرة .. على فكرة 95% من العربيات 128 عامله شغل في الركب (الركب كلها مخلعة ههههه)

اقتباس:

---

المشاركة الأصلية كتبت بواسطة ziabassem

لو احتاجت شغل في الركب .. فده بيكون من جوة في الحوض .. سواء تغييرهم أو عمل لحام ليهم .

بس من رأيي يفضل قبل ما ترش تشوف موضوع الركب ده الأول لأنك لو عاوز ترش مكان اللحام يبقى بالمرة .. على فكرة 95% من العربيات 128 عامله شغل في الركب (الركب كلها مخلعة ههههه)

---

+11111111111111

ههههههههههههههههههههههههه هههههههه

اقتباس:

---

المشاركة الأصلية كتبت بواسطة ziabassem

العفشجي مبصش على الركب .. هي ممكن تعمل معاك الصوت ده .. وكمان تخلي العربية متظبطش زوايا صح .. وتحس أن العربية مفككة من قدام .. ده احتمال .

الاحتمال الثاني للصوت اللي من قدام ده .. ممكن يكون الشداد بتاع الموتور أو قواعد الموتور .. سواء عاوزين تغيير أو تقرط عليهم .

---

كلام سليم

الحمد لله الركب سليمة ( وانا ركبي حديد والاهلي حديد ههههههههه )
طلع اسنان الالسكترا مفوته فغيرتها وجيبت الايطالى ب 220ج وجوز مقصات ب 95 ج وشوية كوتشات وجوز تيش للاسف دخلت فى حيطه ( 500 ج بالمصنعيات (( للعفشجى وروحت ظبطت زوايا كمان )) )
الحمد لله لكن العربية مره تحدف يمين وارجع لبتاع ضبط الزوايا واروح اجرب الاقيها تحدف شمال وعلى كده حوالى 4 او 5 مرات مره يمين ومرة شمال (( يوجد الان حدفه شمال وصوت صرخه وتقل بسيط فى الدركسيون ما سببهما وما الحل ))
وفى الاخر خالص قرر انه عيب كاوتشات انى عاوز ع الاقل جوز كوتشات جداد ادام لمنع صوت الصرخة والحدفة اللى بتحصل )) هل هذا صحيح ام العيب فين انا اسف للاطاله وارجو الافاده

متااااااااااااااااااااااا ااابع

انا جيبت اسكترا ايطالى ب 215 ج والصيني كانت ب 115 وجيبت جوز مقصات ب 90 ج وجوز تيش وطقم كوتشات ريجاتا للعفشه كانوا بحوالى 80 ج (( وهل علبة الدركسيون والاسكترا واحد ام الاثنين مختلفين ارجو الافاده 128 مو 77 ))
ولكن للاسف لسه الدركسيون تقيل شوية والعربية بتحدف شمال وفى صوت صرخه حتى بعد ظبط الزوايا وهتجنن والراجل بيقولى غير الكاوتش وانا مش فى امكاناتى حاليا ما الحل اخوانى وهل الكاوتش ممكن يعمل صوت صرخة وحدفه يمين او شمال ؟؟؟؟
اللى مجننى بقا ليه العربيه اوقات تحدف شمال واوقات تحدف يمين مع تقل الدركسيون رغم انى مغير العفشه كلها يارب حد يفيدني ويقولى العيب فين

الكاوتش ممكن جداً يعمل الحدفة دي سواء شمال أو يمين لو حالته أو نوعه مش كويس .. وكمان يعمل صوت الصرخة

بالنسبة لتقل الدركسيون .. وأنت بتقول أنك مغير علبة الدركسيون حاول تجرب ضغط الهوا في الأربع فرد الكاوتش .. وخصوصاً الفردتين اللي قدام .. ولو بتظبط ضغط الهوا عند حد معين غيره وضبط الهوا عند حد تاني ثقة .

اقتباس:

---

المشاركة الأصلية كتبت بواسطة ziabassem

الكاوتش ممكن جداً يعمل الحدفة دي سواء شمال أو يمين لو حالته أو نوعه مش كويس .. وكمان يعمل صوت الصرخة

بالنسبة لتقل الدركسيون .. وأنت بتقول أنك مغير علبة الدركسيون حاول تجرب ضغط الهوا في الأربع فرد الكاوتش .. وخصوصاً الفردتين اللي قدام .. ولو بتظبط ضغط الهوا عند حد معين غيره وضبط الهوا عند حد تاني ثقة .

---

بيني وبينك حالة الكاوتش متوسطه لكن ما باليد حيله الآن لتغييرهم صعبه
بس كل مره اظبط الهوا يا بيبقوا مظبوطين او مريحين درجتين بس وبظبط على 30
معلش حاجه تانيه بسمع اوقات صوت تكه وان اماشى فى العدل تحت الدواسه وساعات كذا تكه ورا بعض يا ترى ده من ايه رغم انى مغير العفشه كلها والعفشجى قالى ان السبب فى الاسكترا القديمه كانت سنانها مفوته وكان بتعمل الصوت وللاسف اتغير بواحده ايطالي والتكات زى ما هى يا ترى ايه السبب واروح لسمكرى ولا عفشجى تانى ولو حد من المنصورة يعرف مكان عفشجي وسمكرى ممتازيييييييين ياريت يفيدينى وجزاكم الله خيرا وانا اسف للاطاله

اقتباس:

---

المشاركة الأصلية كتبت بواسطة wael6

بيني وبينك حالة الكاوتش متوسطه لكن ما باليد حيله الآن لتغييرهم صعبه
بس كل مره اظبط الهوا يا بيبقوا مظبوطين او مريحين درجتين بس وبظبط على 30

ظبط الكاوتش بيكون على 28 مش 30 ورا وقدام

معلش حاجه تانيه بسمع اوقات صوت تكه وان اماشى فى العدل تحت الدواسه وساعات كذا تكه ورا بعض يا ترى ده من ايه رغم انى مغير العفشه كلها والعفشجى قالى ان السبب فى الاسكترا القديمه كانت سنانها مفوته وكان بتعمل الصوت وللاسف اتغير بواحده ايطالي والتكات زى ما هى يا ترى ايه السبب واروح لسمكرى ولا عفشجى تانى ولو حد من المنصورة يعرف مكان عفشجي وسمكرى ممتازيييييييين ياريت يفيدينى وجزاكم الله خيرا وانا اسف للاطاله

الصوت ده ممكن يكون ليه أكتر من سبب .. ممكن تكون حاجة سايبة في الدواسات تحت رجلك ومحتاجة لحام عند سمكري .. يا أما ممكن تكون صلايب الكردان (صليبة الكردان بتبقى على شكل صليب أو علامة + وهي عبارة عن رولمان بلي) لو بلية فاركة من مكانها ممكن تعمل معاك الصوت ده ، وصوتها أكنه جاي من ناحية الفتيس .. يا أما مربطش العفشة كويس .. وده كله مجرد تخمينات ليس أكتر ولا أقل .. وإن كنت برجح أن يكون الصوت مصدره من بعض اللحامات في صدر العربية أو في الدواسات

---

حاول تروح لميكانيكي كويس يحدد الصوت مصدره من أيه بالظبط .

اقتباس:

---

المشاركة الأصلية كتبت بواسطة wael6

معلش حاجه تانيه بسمع اوقات صوت تكه وان اماشى فى العدل تحت الدواسه وساعات كذا تكه ورا بعض يا ترى ده من ايه رغم انى مغير العفشه كلها والعفشجى قالى ان السبب فى الاسكترا القديمه كانت سنانها مفوته وكان بتعمل الصوت وللاسف اتغير بواحده ايطالي والتكات زى ما هى يا ترى ايه السبب واروح لسمكرى ولا عفشجى تانى ولو حد من المنصورة يعرف مكان عفشجي وسمكرى ممتازيييييييين ياريت يفيدينى وجزاكم الله خيرا وانا اسف للاطاله

---

احتمال برضه يكون صوت التكتك ده من سوستة تيل الفرامل مش راكبة كويس وبتحك سواء في الجنط أو في الطنابير .

ممكن تكون الدشم بتاعة الفرامل مش محكومة في مكانها كويس .. أو يكون مسمار من مسامير الجنط بيحك في حاجة أثناء دوران العجل .. كل دي احتمالات واردة لحدوث الصوت ده .

اقتباس:

---

المشاركة الأصلية كتبت بواسطة ziabassem

احتمال برضه يكون صوت التكتك ده من سوستة تيل الفرامل مش راكبة كويس وبتحك سواء في الجنط أو في الطنابير .

ممكن تكون الدشم بتاعة الفرامل مش محكومة في مكانها كويس .. أو يكون مسمار من مسامير الجنط بيحك في حاجة أثناء دوران العجل .. كل دي احتمالات واردة لحدوث الصوت ده .

---

ربنا يجازيك خير على مجهودك واهتمامك الجميل ده
وكان لى استفسار اخر عن تقل الدركسيون وهل هو طبيعي فى 128 ولا ايه نظامه لحسن قبل ما اشتغل فى العربية كان الدركسيون خقفيف جدا ما الامر وشكرا جزيلا

:shine[1]:

اقتباس:

---

المشاركة الأصلية كتبت بواسطة wael6

انا جيبت اسكترا ايطالى ب 215 ج والصيني كانت ب 115 وجيبت جوز مقصات ب 90 ج وجوز تيش وطقم كوتشات ريجاتا للعفشه كانوا بحوالى 80 ج (( وهل علبة الدركسيون والاسكترا واحد ام الاثنين مختلفين ارجو الافاده 128 مو 77 ))
ولكن للاسف لسه الدركسيون تقيل شوية والعربية بتحدف شمال وفى صوت صرخه حتى بعد ظبط الزوايا وهتجنن والراجل بيقولى غير الكاوتش وانا مش فى امكاناتى حاليا ما الحل اخوانى وهل الكاوتش ممكن يعمل صوت صرخة وحدفه يمين او شمال ؟؟؟؟
اللى مجننى بقا ليه العربيه اوقات تحدف شمال واوقات تحدف يمين مع تقل الدركسيون رغم انى مغير العفشه كلها يارب حد يفيدني ويقولى العيب فين

---

غير البطاحات الاماميه و انشاء الله هاينصلح حالها (لا يمين ولا شمال) .. مع العلم رخيصه

اقتباس:

---

المشاركة الأصلية كتبت بواسطة ahmedatm

:shine[1]:
غير البطاحات الاماميه و انشاء الله هاينصلح حالها (لا يمين ولا شمال) .. مع العلم رخيصه

---

شكرا وما هى مكانها فى العربيه وما هو سعرها