صيانة ال 30 الف فى تكنو وان
مساء الفل على كل الكياوية الجامدين اوى....
طبعا بعد ما التوكيل عمل القلة مع كل اصحاب الكيا الخليجى معرفتش اعمل اية فروحت بنزينة وغيرت زيت وفلتر بس كدة من غير ما اشيك على اى حاجة فى العربية ... طبعا المنتدى والاستاذ كريم مش بيببخلو علينا باى حاجة وسمعت كلام كتير على مركز تكنو وان فقلت اشوف بنفسى .
النهاردة الساعة 10:30 كدة كلمت رقم المركز عشان احجز الى رد عليا فوجئت انة المهندس احمد الشحات صاحب ودير المكز بنفسة عرفتة بنفسى وقلتلة انى عاوز احجز معاد عشان الصيانة فقالى لو فاضى دلوقتى روح على المركز وكلمنى من هناك لو فى اى حاجة بصراحة فرحت جدا من اسلوب الراجل وترحيبة بيا لما عرف انى من نايل موتورز...
المهم وصلت المركز حوالى الساعة واحدة ونص وكان فية عربيات كتير بصراحة اتنين سيراتو و3 عربيات فورد وعربية فيرنا وواحدة ماتريكس حاولت ابص على اى ستيكر من بتوع المنتدى يمكن اشوف حد من الحبايب بس العربيت مكنش عليها الاستيكر ...
المهم قابلنى مهندس اسمة تامر اسلوبة مهذب طريقتة بروفيشنال فى التعامل جدا المهم برضو قلت اشغل الواسطة بتاعتى الى هيا نايل موتورز هاهاها كلمت المهندس احمد الشحات وقلتلة انى واقف مع المهندس تامر قالى اديهونى اتكلمو دقيقتين كدة بس الى فهمتو ان المهندس الشحات قالو يعنى يهتم بيا شوية منا واسطة بقا ربنا يخليلنا النتدى.....
قلتلة على حاجات كانت مضايقانى فى البيكانتو بتاعتى زى استهلاك البنزين والعفشة الى بتزيق والركسيون الى ساعات بيعمل صوت وانا بكسر على الواقف قالى متقلقش واتفضل فى الاستراحة واشرب اى حاجة على حسابى فرحت اوى اوى:shine[1]:...
طلعت الاسترحة الى كان عليها كلام كتير لقين ان بصراحة المكان يعتبر مقبول جدا نضيف وممكن تشوف عربيتك من مكانك فى الاستراحة ودية طبعا حاجة كويسة جدا وكمان الراجل بتاع البوفية مهذب جدا فى طريقة تعاملة وكمان فية وايرلس انترنت وتكييف ودة اهم حاجة اما بالنسبة لدورة المياة فانا شايف انها عادية يعنى مش وحشة اوى زى ما بعض الزملاء قالو هنا يعنى هو مش حمام الماريوت يعنى بس مقبول الى حد كبير ... المهم قعدت واتفرجت على فيلم ابو على كلة لحد ماخلص ولسة مفيش اى حد ندة عليا مع انى شايف ان العربيات كانت بتخلص يعنى فى حدود ساعة او ساعتين المهم ان عربيتى خلصت حوالى فى 3ساعات والمهندس تامر قالى ان البوجيهات كانت ضايغة ودة الى كان ماثر على البنزين وزبطلى العفشة كلها ومبقتش بتزيق تانى وخرج معايا بنفسة نجرب العربية عشان لو ليا اى تعليق والحمد لله كان كلو تمام وكمان ادانى رقم تليفونة لو عندى اى استفسار .....
ملخص الموضوع
المكان محترم والناس بروفيشنال فى تعاملاتهم
المهندس احمد الشحات راجل محترم جدا وخبراتة عميقة جدا فى مختلف التوكيلات ودة واضح جدا من كمية شهادات الخبرة الى ممكن تشوفها من الاستراحة ونت بتبتبص على عربيتك هتلاقى على اليمين مجموعة شهادات من تويوتا وستروين وفورد للمهندس الشحات
السعر الفاتورة بتاعتى طلعت كالاتى
طقم بوجيهات 65 جنية مياة خضرا 15 جنية غسيل موتور بالفوم 15 جنية
مصنعيات 120 جنية انا بصراحة مش عارف اوى اذا كانت المصنعيات عالية او لاء بس هما بصراحة اشتغلو فى العربية كتير ...
اجمالى الفاتورة 225 جنية وطبعا اخدت خصم نايل موتورز يبقى توتال 200 جنية
حاجة ضايقتنى اوى وانا مروح لقيت الدواسة السبورتس بتاعت البنزين الى كنت مركبها مكسورة ومحطوطة فى جراب السواق يعنى اتضايقت من ان الى كسرها مقاليش
وعندى سوالى انا لما سالت موظف الخزنة قالى ان سعر الستيكر 50 جنية هو مش كان ب 30 غلى امتى انا خدت واحد لعربية اخويا ب 50 من هناك...
ويا رب اكون افدتكم.....:B4_388:
