الفلوس تنساها دلوقتى خالص لحد متنقل الصيدلية باسمك تخصمهم من اخر ايجار متبقى وتعرفها ان دول اللى سرقتهم منك
تانى حاجة البنات تفضل مفهمهم ان مخصوم منهم لحد مييجى وقت القبض تديهم فلوسهم كاملة وكفاية انهم عاشوا احساس العقاب
عرض للطباعة
الفلوس تنساها دلوقتى خالص لحد متنقل الصيدلية باسمك تخصمهم من اخر ايجار متبقى وتعرفها ان دول اللى سرقتهم منك
تانى حاجة البنات تفضل مفهمهم ان مخصوم منهم لحد مييجى وقت القبض تديهم فلوسهم كاملة وكفاية انهم عاشوا احساس العقاب
اخصم من البنات مبلغ و لو بسيط لأن الحاجات دي مفيهاش هزار و هما كده مش شايفين شغلهم تمام ,
انقل الصيدلية الأول بإسمك و اعتقد هتحتاج الدكتورة دي في إجراءات النقل ,
بعد نقل الصيدلية خللي البنات تكلمها و تقولها إن المبلغ ده اتخصم منهم و بالتالي الدكتورة دي مش هتيجي تاني ,
و لو جت اديها الوش الخشب زي ما بيقولوا
بص يا دكتره من واقع شغلي مع الدكاتره تسع سنين إستعوض ربنا في القرشين دول لإنك لسه محتاجهه وإنت عارف اجراءات تغيير الاسم حبالهه طويله شويه وتاني حاجه انت واثق فعلا من البنات اللي شغالين عندك؟؟؟ وبعدين يا بوب 900 قليل اليومين دول وانت عارف بتوصل لألفين وعموماً لو عاوز اي حاجه في ادارة الصيادله انا ممكن اساعدك في أي وقت وانا عارف الناس هناك أهوه بقالي تسع سنين شغال في تسجيل الأدوية
شكرا طبعا لكل الردود
لكن يادكتور أحمد
الصيدلية رسميا بإسمها
يعني لازم كل الأجراءات تتم من خلالها...
ربنا يستر والاسبوعين الجايين يعدوا على خير ...نخلص منها بقا
حاجة تقرف
ونفس الموقف إتكرر تاني النهاردة
الدفاتير بتاعت الصيدلية حصل لها تلف..فالمفروض نروح نعمل دفاتر تانية من مديرية الصحة
النهاردة جت فتحت الدرج برضووو ...واخدت منه مبلغ ( وأنا مش موجود)
وقالت دي فلوس ورق الدفاتر
لما جيت النهاردة والبنت قالتلي...
خليت البنت تكلمها وتقولها الدكتور أحمد عاوز يعرف حضرتك أخدتي كام من الدرج النهاردة ...والدكتور أحمد خصملي 10 أيام كاملين علشان الدرج مسؤليتي في فترتي
راحت فاتحة الجعورة...إنتوا بتسرقوني ...إنتوا إزاي بتقولوا كده ...أنا أعمل إلي أنا عاوزاه..أنا الدكتورة
أنا قربت أتشل من الولية دي
ما تسيش فلوس نهائيا فى الدرج و الست دى مش سهلة و وشها عريان سايسها لغاية ما تخلص مصلحتك و بعدين اقلبها و ما تتغصبش دى مش سهلة و هى استحلت اللعبة
معلش سؤال غريب هى ممكن تعمل وقف نشاط بما ان الورق كلة بأسمها ؟؟؟ انا عارف ان الصيدليات الضرائب على الادوية بتكون مدفوعة مقدما كدة صح و لا خطأ
من الناحية الرسمية...تقدر
لكن عرفيا ...ماتقدرش
وإحنا هنا في الأرياف ..بيحكم العرف أكتر من الناحية الرسمية
وشئ أخر
جوزها طبيب بشري...وإبن عمي مفتش في الصحة
حصلت بينا مشكلة قبل كده ..وجوزها إستعبط في الكلام وقال هقفلك الصيدلية ...وكلام من ده
إبن عمي قاله ..يوم ماتعملها
هلبسك قضية سرقة وإهمال وإتلاف عهدة ..وهرفدك من النقابة كلها
الست دى مش سهلة انا كدة فهمت هية بتتصرف معاك بانهى وش هية حاسة ان الموضوع كلة فى ايدها و بما ان جوزها فال لك مرة حا اقفلك الصيدلية دة اكيد حوار دار بينة و بين المدام الدكتورة يعنى هناك نية مبيتة لحركة غدر اذا ما حدث ما لا يحمد عفباة ممكن جدا اكون غلط بس سيكولوجيا من الكلام و الاحداث و الله أعلم ممكن مش عايز احبط عزيمتك او أخوفك بس بخاول افكر معاك بصوت عالى طب معلش انت ما جاوبتش عليا البطاقة الضريبية بأسمك و لا بلسم السنيورة و مين الى بيقدم الاقرار الضريبى
كل شئ بإسمها رسميا
وأنا كان المفروض أخد عليها ورق في أول تعامل بينا..لضمان حقي
بس للأسف..أنا ووالدي فينا طبع الهبل..إن كلمة الراجل ..بــ 100 ورقة
وماأخدتش عليها ورق
ولما حصلت مشكلة قبل كده ..ظهرت الخسة والندالة ...وكان بيتكلم بقلب جامد ..علشان بس أنا إعتبرت جوزها راجل..وماأخدتش عليهم ورق
بس ربنا يسر الموضوع من خلال إبن عمي المفتش
وإبن عمي كلمه في التليفون..وقاله هرفدك من نقابة الأطباء لو فكرت تضر أحمد ..وكفايا إن أحمد إعتبرك راجل..وإنت طلعت أبعد ماتكون عن الرجولة
وبصراحة
جوزها(الدكتور البشري) بعد ماكان بيتكلم بقلب جامد...رجع زي الــ ...............
وهوا فعلا حل المشكلة دي
إني أخصم الفلوس دي ..بعدما خلص نقـــل الصيدلية بإسمي
استحمل لغاية لما ربنا يسهل وتنقلها باسمك وخلى الدرج فاضى دايما
يعنى كلامى بة نسبة من الصح و خلى بالك الراجل دة مع احترامى مالوش كلمة لا يلدغ المؤمن من جحر مرتين خليك صاحى معاهم و موضوع الفلوس الى حا تتخصم ما تخلهوش يكون الطعم الى بيزغلل عين السمكة و يخليها تشبك فى الصنارة يعنى بالبلدى لا تشتت أهتمامك و ركز فى الاهم و حاول تنجز موضوع الورق هى الصيدلية بتاعتك 40 متر مربع
اخرتها حتة طلقة 9 مللى و تلم الدور...واى مساعدة ,انا مش موجود ههههههه
انا رأي ان الست ديه مش سهله خالص عشان كده احسن حاجة انك تكبرها و سيبها تعمل اللي تعملوا لغاية اما تاخد حقك و مافيش مانع انك تقولها يا دكتوره
كل شوية و اهم حاجة كلمة يا دكتوره و ممكن كمان تقولها يا دكتورة الدكاتير
هو يعني الكلام بفلوس او تسجلهلها على شريط و ممكن بعد كده لو ربنا
سهل تأخد حقك بأقل مجهود
وهى هترضى تنقلك الترخيص!!!!!!!!!!!!
ولو رضت هتقولك ادخل شريكة معاك
لان للاسف هى الى ماسكاك وانت مش ماسكها بحاجة
انا مش بعقد حضرتك
ولكن انا بفكر معاك بصوت عالى
تمام اوى انت كدة حطيت ايدك على الطعم الى كنت بقولة علية اشتت انتباهة فى موضوع الفلوس و العب على المراد من الناحية الاخرى دى سياسة يا باشا بس هل هى بهذا المسوى من الذكاء و لا متخلفة و ذكائها الذكاء الفطرى الدوكتور هو الى ممكن يحدد دة ما هو مستوى و نوع ذكائها
مانا قولت ماتقدرش تعمل كده
ومع إني مش واخد عليها ورق...بس ممكن أرفع عليها قضية
وأكسبها..علشان أنا فاتحها وأنا طالب بإسمها(وإدارة الصيدلة عارفة كده)..وصاحب البيت وكل الناااااس في البلد إلي أنا فاتح فيها
عارفين إني أنا الصاحب الفعلي..حتى لو ده مش مثبوت بورق
والأهم من كده
جوزها طبيب بشري..وإبن عمي مفتش في الصحة
مفتش في الصحة :khd:
يعني
لو إستهبلت في موضوع الصيدلية ...جوزها غالبا هيتعمله حاجات ممكن توصل بيه للرفد من نقابة الأطباء
وواحدة بواحدة ...والبادي أظلم
,,,,,,,,
وأنا موجود في الصيدلية بالفعل
يعني - لو لاقدر الله- عملت أي حاجة تهدد صيدليتي
يبقا ببساطة..كونها صاحب الصيدلية الرسمية قدام الحكومة
ممكن يكون السبب في دخولها السجن ورفدها من النقابة
يعني شريطين مضروبين يتحطوا في الصيدلية ..وبلاغ للنقابة..وتاخد فيها 20 سنة سجن على الأقل
بس ده أكيد مش هيحصل..علشان الموضوع مش هيتطور للدرجة دي
وعموما
أنا كلمت إبن عمي المفتش..وهوا هيكلمه النهاردة
لو عملت كدة ممكن انت كمان تتأذى هو مسموح مثلا انك تزاول المهنة و انت لسة ما اتخرجتكش من الكلية و بعدين هى حا تقول هو كان بيشتغل عندى فى الصيدلية و كلام الشهود حا يكون انك متواجد فعلا فى الصيدلية بس القانون يعرف المستندات الرسمية مش كلام بالبق فاهم قصدى اية يعنى يعنى قانونا هى الدينامو المحرك و قلب و لب الموضوع
و معلش سؤال غريب لما عملت الموضوع دة معاها ازاى ما كتبتش ورق لضمان حقك اذا تداينتم فأكتبو
فتح الصيدلية بيحتاج صيدلي مر على تخرجه عام..تمام
لكن العرف إلي ماشي في النقابة ..إن طلاب صيدلة ممكن يفتحوا صيدلية بإسم صيدلي
والنقابة بتكون عارفة كده...بس بشكل غير رسمي
فالنقابة دلوقتي عارفة إنها صيدليتي ..لكن بإسم الدكتورة دي
وزي ماقولتك....كان المفروض إني أخد عليها ورق بضمان حقي
لكن كنت أهبل
منا بقولك إني كنت أهبل
بس أنا ماسكهم برضو من ناحيتين
1.ممكن أتسبب في حبس جوزها ورفده من النقابة
2.ممكن أتسبب في حبسها هيا شخصيا ..لمدة لاتقل عن20 سنة ..وطبعا رفدها من قيد النفابة
يعني أنا كنت أهبل صحيح
بس أنا دلوقتي ممكن أوديها في داهية وحديد...لو قلت أصلها أكتر من كده
بيس يا مان حافظ على هدوء أعصابك و تكتك صح الذكاء انك تخرج من الموضوع باقل الخسائر التوتر العصبى و الانفعال يؤدى الى قرارات غير صائبة و غير حكيمة بعد كدة يا عم اديها ب ..........
موضوع انك تحبسها صعب قوى لان كل حاجة هتلف وهتيجى عليك انت شخصيا
يعنى هتحط ادوية مغشوشة هيتقبض عليها صح بس التحريات هتجيب حضرتك لان المدير المسؤل والناس تعرفك انت وبتشوفك انت وانت المتحكم الاول والاخير
استبعد موضوع انك تضرها
اشتغل على جوزها يعنى مثلا بيعمل عمليات مشبوهة بيعمل مشاكل فى الشغل وكدة يعنى تلوى دراعة وهو يلوى دراع مراتة ويقنعها
بص يا دكتور احمد
حضرتك لازم تفترض اسوء الظروف
يعني ممكن ترفض تنقل الصيدلية بإسمك وهي اللي تديرها وخاصة انها عملت اسم وغالبا بيكون في ناس شغالين في الصيدلية يعني هي ممكن فعلا تفكر في كدة
فانت لازم تحط في بالك اسوأ الظروف ففكر لو ده حصل ايه المكان التاني اللي ممكن تفتح فيه الصيدلية
وبرضه حضرتك مطنش ومش عاوز تقول المبلغ كام يعني؟
انا خايف يطلع 5 جنيه والا حاجة
عاوز اقولك نصيحة و دى كنت قولتها لك من قبل معلش ممكن اكون برسملك خطة حربية طويلة المدى فاكر لما قلت لك ما تخصمش حاجة للبنات الى شغالين معاك فى الصيدلية لان دول كانو مجرد ضحايا و عفوا على نياتهم و صغيرين الفكرة لا تزيد من عدد الاعداء بالنسبة لك حليف اليوم قد يصبح عدو الغد و انت عاوز تكون معلش فى الكلام الجبهة الداخلية بتاعتك مؤمنة جيدا يعنى فيش حركات غدر او خيانة داخلية و اكسبهم فى صفك ليدعموك فاهمنى
معلش يامسلمة ..مش واخد بالي من السؤالاقتباس:
وبرضه حضرتك مطنش ومش عاوز تقول المبلغ كام يعني؟
انا خايف يطلع 5 جنيه والا حاجة
وصدقيني
أنا مش خايف خالص من إنها ترفض النقل
بالعكس..لو رفضت
هجيبها تقعد في قعدة عرفي...وهيتحكم عليها بفلوس
وماينفعش إنهم يرفضوا المجلس العرفي ..خصوصا بو بدعوة شخصية مهمة..زي مأمور القسم إلي إحنا تابعين ليه..والعمدة
في الأرياف..المواضيع بتمشي بالعرف
ولو مش كده
يبقا عليا وعلى أعدائي..وأحبسهم هما الإتنين
كله إلا أكل العيش
وبالنسبة للعضو elassar
طالما هيا صاحبة الصيدلية من الناحية الرسمية ...يبقا هيا هتشيل المسؤلية من الناحية الرسمية
وبعدين كمان
أنا إلي مقدم الإقرار الضريبي بإسمها..وفواتير الدوا معايا
يعني لو حصل حاجة ...قانون الضرايب الجديد مابيرحمش
وصدقني
طرق الشر مفيش أكتر منها...وزي ماقولت..كله إلا أكل العيش
لا تعليق :11:
اكسب الدكتورة دى فى الوقت الحالى والعب على نقطة النقص الى هى (دكتورة)
بمعنى لما تيجى الصيدلية قولها يادكتورة ماتعرفيش بديل للدواء الفولانى اصلة مش موجود
قولها ماتعرفيش حد مثلا فى شركة ادوية يا دكتورة يجبلى النوع دة مثلا
كدة يعنى كل عقلها وخليها تمارس الدكترة
ماتعرفش الألف من كوز البطاطا
وبخلاف كده
هيا شكلها زعلانة من معاملتي معاها ..ومش هتيشرفني تاني ههههههههه
النهاردة كانت معدية من قدام الصيدلية ..وكانت عاوزة حاجة ..وقفة بره الصيدلية ...وبعتت واحدة كانت ماشية معاها
والأنقح
والدي بيصيف في مطروح...لقيته بيكلمني الصبح ويقولي :"مزعل الدكتورة ليه ياأحمد؟؟؟