خليك فال byd احسن
عرض للطباعة
خليك فال byd احسن
العربيه دى شكلها رائع بتفكرنى بالجين تو وعريضه وواضح انها ثابته
بس بعد اللى قريته عنها من ملاكها شكرا ( سلاموا عليكوا)
على الاقل لغايه ما يحلوا مشاكلهم يعنى قدامهم كده مش اقل من 6 اشهر
على فكره اكيد هايحلوها بس هما بيجربوا فى الناس شويه
أنا من رأيي اسال عللوجان و الاكسنت دول انضف عربيتين ممكن تركبهم لحدت 75000 ومش هنسى طبعا الفيات بونتو
على فكره انا معايا ام 11 وعامل بيها خمس الاف كيلو ولحد دلوقتي بجد العربيه تحفه ثبات وشكل واناقه وسحب واداء ورفاهيه كل المشاكل اللي فيها حاجات عبيطه جدا ممكن تكون في اي عربيه زيرو مثلا حدفه يمين حاجات بسيطه وانا كاتب موضوع عن العيوب اللي كانت عندي وان بجد التوكيل بتاعها اكتر من محترم وعن تجربه وده كلامي عن المركز الرئيسي وحروح اعمل الخمسه في ابورواش بيقولو حلو اوي برضو ان شاء الله
وبجد جربتها في حاجات كتير ولبست بيها مطبات على 120 وغيرها وانت عارف الطرق المصريه والفرامل بتاعتها بجد العربيه تحفه وانا عن نفسي بقارن باللانسر البوما لأن دي اللي كنت بركبها على طول بجد العربيه جميله وربنا يبارك لأي حد فيها
عموما صيانة ال 5 مش معضله ده كشف على العربية ( ده لو بتتعمل اصلا)
و بالنسبة للمطب بتاع حضرتك انا برده لبست فى مطب جبلى بليه عجل :I_angr1[1]:و كلفنى 700 جنيه
ابى اكشف على العربية -- مش حاجة كويسه انك تاخد مطب و تفرح ان العربية سليمة
و للعلم توكيلها ده عبارة عن ورشة اتوبيسات النقل العام
على فكره انا صحابي معاهم لانسر واوبتر وايلانترا وبجد مقارنة بيهم توكيل ابو الفتوح من احسن التوكيلات من ناحية المقابله والصيانه وكل حاااااااجه
وبعدين ورشة نقل عام ازاي على فكره مراكز صيانته كانت مراكز صيانة البي ام معتقدش صيانة البي ام بتكون في ورش نقل عام
وبعدين ليه كل الجدل ده انا بجد في الشارع كل لما اسأل واحد عن العربيه بيشكر فيها مش عارف ليه فيه ناس بتشتم فيها اوي كده
وعلى فكره انا كشفت على العربيه ولا جابت بليه ولا غيره الحمدلله انا بس لبست بيها كذا مطب والعربيه اصلا كان فيها حدفه يمين لما جبتها
المهم رحت لواحد كويس بتاع ظبط زوايا وعملها ليا وقالي شداد العجله كان عايز يتظبط والعربيه تمام والحمدلله
وعلى فكره انا كنت بسوق بوما كتييييييييييير وكل ده بيحصل فيها وعادي جدا
يا جماعه ياريت الكلام بحياديه
وبجد انا مع استاذ هيما لو الزمن رجع بيا حجيبها برضو في رأيي هي افضل من الأوبترا ومن الألنترا بجد انا سقت الأتنين وعارف كل واحده وعيوبها
وبعدين شوف غبور بيعمل ايه هو ومنصور مع الناس قبل منتكلم على توكيل ابوالفتوح
العربيه بالسعر الحالي معقوله مع اني ارشح فيرنا عنها او رينو لوجان فل اوبشن او دلع نفسك و هات ساجا اوتوماتيك