يعنى اية امين شرطة !!!

**shaddadfalcon1** · 20-07-2010 11:16 AM

ده واحد ياما معاه دبلوم صنايع في حالة الأمين او اعداديه في حالة المندوب او مش متعلم خالص او ابتدائيه في حالة المخبر والعسكري

متوقع منه ايه؟

انا كل يوم بعدي من عند كوبري ابيس وفيه نقطه تفتيش هناك
ببقي عايز ادوس عليهم بالعربيه لما الاقيهم واقفين ولا مطلعين الموظف بتاع الكارته يوقفلهم عربيه في حين ان تحت الكوبري اللي هو بينه وبينه 20 متر في عربيات بتروح تقريبا لحد طنطا يعني مستخصر يدفع 2 جنيه في عربيه وعايز يرازي فيا انا ولازم يركب ملاكي سيادته

**M.Mosaad** · 20-07-2010 11:58 AM

امين الشرطة هو شخص بلا اي مؤهلات من اي نوع - محمل بالعديد من العقد النفسية الي الظباط ربوها فيه من سوء معاملتهم لقي في ايده شوية سلطة بيطلعهم علي الغلابه بمساعده الحكومه

حاجة كدة زي عينه حاتم بتاع هي فوضي

**أحمد كمال** · 20-07-2010 12:10 PM

المشاركة الأصلية كتبت بواسطة shaddadfalcon1

ده واحد ياما معاه دبلوم صنايع في حالة الأمين او اعداديه في حالة المندوب او مش متعلم خالص او ابتدائيه في حالة المخبر والعسكري

متوقع منه ايه؟

انا كل يوم بعدي من عند كوبري ابيس وفيه نقطه تفتيش هناك
ببقي عايز ادوس عليهم بالعربيه لما الاقيهم واقفين ولا مطلعين الموظف بتاع الكارته يوقفلهم عربيه في حين ان تحت الكوبري اللي هو بينه وبينه 20 متر في عربيات بتروح تقريبا لحد طنطا يعني مستخصر يدفع 2 جنيه في عربيه وعايز يرازي فيا انا ولازم يركب ملاكي سيادته

اوعى تركبهم معاك

انا اي حد منهم دلوقتي يقول لي اركب باقول له لأ ..... داخلية لأ !!!!

**أحمد كمال** · 20-07-2010 01:08 PM

المشاركة الأصلية كتبت بواسطة بحري

طب إيه رأيك إن الضباط على كارتة اسكندرية الصحراوي بيعملوها
خارج من اسكندرية من كام شهر ألاقي اتنين بيوقفوني بعد الكارتة بطريقة الشرطة المعتادة..بيشاور بإيده لتحت نظام اقف..وقفت لقيت واحد منهم جاي مبتسم-برغم إنه كان واقف مكشر وهو بيوقفني- لقيته بيقولي وهو بيشاور ممكن توصل الباشا في سكتك..ألاقيه بيشاور على ضابط واقف شايل هاند باج وواضح من سنه إنه غالبا رائد..وواضح برضه من شكله إنه مش شرير...وكان بيتابع الموقف وباصصلي..فشاورتله بإيدي قلته الباشا ده هو اللي عاوز يركب..قالي آه بعد إذنك طبعا...قلتله لأ..إوعى من قدام العربية..وسع من غير ما يتكلم

حقيقي حاجة تكسف

هههههههههههههههههه و الله انت برنس .....

جدع

محسسينني اننا في عصر المماليك ....... يوقف الناس و يركب معاهم سفلقة و بلطجة

السبب الوحيد اللي يخليني اركب واحد من الأشياء دي هو لو عاوز اجري عالطريق و الرادار ما يوقفنيش .... هههههههههههههههه

**shaddadfalcon1** · 20-07-2010 02:20 PM

المشاركة الأصلية كتبت بواسطة أحمد كمال

السبب الوحيد اللي يخليني اركب واحد من الأشياء دي هو لو عاوز اجري عالطريق و الرادار ما يوقفنيش .... هههههههههههههههه

صدقني دي كمان مش مضمونه لان فيهم اندال كتيير

واحد صاحب والدي ركب معاه رتبه كبيره واتصور ولما جه عند اللجنه ولا عمله حاجه

**M.Osman** · 20-07-2010 02:42 PM

بجد مش عارف اية قلة القيمة اللي بيعملوها لنفسهم دي لما يطلبوا يركبوا مع حد بالطريقة دي...

مرة واحد كان عايزني اوصله من عند مبنى المحافظة لحد كوبري طلخا (عندنا في المنصورة) المسافة دي بتاكسي ب1.5 جم !!
ده اولاً

ثانياً ..هما لو شايفين شغلهم و اثرهم الطيب باين على المجتمع اعتقد الناس هتركبهم عادي... لكن هما كلهم تيييت ولاد تيييت و قرفنا منهم و كرهونا في البلد
يبقى لأ و 100 لأ

**Ralliart** · 20-07-2010 03:03 PM

بصمجيه ملهمش اي تلاتين لازمه
ولما يبقى لوحده بيعمل نفسه وزير الداخليه واول ما ييجي ظابط تلاقيه كش ورجع لحجمه الطبيعي

**zkralla** · 20-07-2010 03:08 PM

اكتر ناس - الا من رحم ربى منهم - بتسوء سمعه جهاز الشرطه وعلى
وعلى فكره موضوع الامناء ده اتلغى من يمكن 5 سنين والمعهد مش بيخرج دفعات جديده خلاص والموجودين هما الى متخرجين من قبل كده

-

الموضوع: يعنى اية امين شرطة !!!

LinkBack

أدوات الموضوع

عرض

-

-

-

المواضيع المتشابهه

يعنى ايه الشاسيه مفتوح ؟ و يعنى كوبلن داخلى ؟؟

تكليف امين شرطة بمراقبة السائقين وتنظيم المرور فى موقف المنصورة

مؤشر الحرارة عندي احيانا 2 شرطة والاغلب 4 شرطة .حد عنده كده؟

تامر امين تانى!! | تحذير الموضوع يحتوى على فيديو تامر امين

امين شرطة اشتغلنى

الكلمات الدلالية لهذا الموضوع

المفضلات

المفضلات

ضوابط المشاركة