اية رايكوا في الشغلانة دة (خبراتكواا)

**magyver** · 20-07-2010 06:29 AM

دلوقتي ياجماعة انا خلصت الكلية خلاص بس لسة
مستني النتيجة
المهم
كنت قاعد مع ابن خالتي النهاردة في الصيدلية بتاعتة فتحنا حوار الشغل وكدة

بيقلي لية متشتغلشي مندوب بالعربية بتاعتك دة فلوسها حلوة واهو بدل مانت عمال بتصرمح بالعربية علي الفاضي تشوف اي مخزن وتعمل من عندة اوردر وتلف بية علي الصيدليات
وبيكون ليك نسبة 3% او اكتر حاجة بسيطة
فانا ابيض في الحوار دة خبراتكوا بقي ياجماعة لو حد يعرف حاجة عن الموضوع دة
معلش
طولت عليكو .......

**hazoom2006** · 20-07-2010 06:44 AM

انا برده زيك لسة مخلص ومستنى النتيجة ومفيش شغل طبعا

فكره المندوب كويس وعلى الاقل حتى تجيب مصاريفك ومصاريف العربيه

بس انا كنت اسمع انك بتمضى على وصل امانه علشان تستلم الادوية ؟؟؟

ربنا يوفقك

**magyver** · 20-07-2010 07:20 AM

هيا لو حكاية الشغل احنا عندنا محل كاوتش (بيع)
وانا باقعد فية بس انا عايز شغل مستقل بنفسي
وابن خالتي قالي مافيش امضة ولا حااجة مانت بتدفع فلوس الاوردر
فاهم انت ازاي
والله مانا عارف بقي انا ابيض في الموضوع دة

**dr-mohamed** · 20-07-2010 08:01 AM

وافرض مقدرتش تبيع الاوردر كله يا باشا
انا رايي خليك في محل الكاوتش احسن

**أبو_يوسف** · 20-07-2010 11:41 AM

هي الشغلانة ينفع يشتغلها أي حد ولا لازم يكون صيدلي؟
وهل الصيدليات بتاخد من اي حد ولا بتتعامل مع مخازن معينة؟ وهل الصيدليات بتدفع كاش على طول ولابرضه بالأجل؟ وحاول تدرس الكمية اللي ممكن توزعها في خلال شهر مثلا علشان تعرف هاتبقى مجزية ولا لأ؟ ابن خالتك ممكن يفيدك في الموضوع دا..

بالنسبة لايصال الامانة (دا لو في ايصال امانة) .. ايه المشكلة انك تمضي على ايصال امانة بقيمة البضاعة اللي معاك؟ ما كل الدنيا ماشية كدا.. واللي مش بتقدر توزعه بترجعه للشركة او مخزن الادوية ..

اما لو هاتاخد الاوردر كاش من فلوسك .. يستحسن ماتاخدش كمية كبيرة في الاول لحد ما العملية تمشي معاك..

ومعتقدش ان الشغلانة دي هاتأثر على شغلك في محل الكاوتش
لان زي ما قريبك قالك انت هاتعمل الشغلانة في وقت مانت بتلف بالعربية.. يبقى بدل ماتلف ع الفاضي تعمل شغل في نفس الوقت

الشغلانة دي شبيهة بشغلانة توزيع كروت الاتصال.. (محمول ومنزلي) بس شغلانة توزيع كروت الاتصال معدل دروان راس المال فيها سريع اوي..

توكل على الله

**medo_2060** · 20-07-2010 02:20 PM

انا كام واحد صاحبى شغال فى الموضوع دا بس من كلامهم واضح انهم بينصبوا وكدا بيجيبوا ادويه الجدول ويتاجروا فيها والحاجه التانيه بيجيبوا ادويه بيبقوا عارفين انها مش متوفره طول السنه ولما الطلب يزيد عليها يبيعها بمزاجه اقرب مثال من يومين واحد من اصحابى دول بايع قدامى شريط حبوب قالى انه ب 10 جنيه وباعه ب 80 جنيه لانه مش متوفر طبعا بيعملوا كدا عشان ربح كبير اوى وسريع
طبعا لو انت هتشتغل ابعد عن الكلام دا عشان ربنا يباركلك وتكبر فى الشغل
وعموما انا زيك لسه خريج السنه دى وبنقول يا هادى ههههههههههههه

**hazoom2006** · 20-07-2010 05:27 PM

المشاركة الأصلية كتبت بواسطة medo_2060

انا كام واحد صاحبى شغال فى الموضوع دا بس من كلامهم واضح انهم بينصبوا وكدا بيجيبوا ادويه الجدول ويتاجروا فيها والحاجه التانيه بيجيبوا ادويه بيبقوا عارفين انها مش متوفره طول السنه ولما الطلب يزيد عليها يبيعها بمزاجه اقرب مثال من يومين واحد من اصحابى دول بايع قدامى شريط حبوب قالى انه ب 10 جنيه وباعه ب 80 جنيه لانه مش متوفر طبعا بيعملوا كدا عشان ربح كبير اوى وسريع
طبعا لو انت هتشتغل ابعد عن الكلام دا عشان ربنا يباركلك وتكبر فى الشغل
وعموما انا زيك لسه خريج السنه دى وبنقول يا هادى ههههههههههههه

حبيب قلبى الناس كلها متخرجة السنة دى دى باين عليها سنة زى الفل(انا كمان متخرج السنة دى)

**magyver** · 20-07-2010 06:14 PM

المشاركة الأصلية كتبت بواسطة cairo2005

وافرض مقدرتش تبيع الاوردر كله يا باشا
انا رايي خليك في محل الكاوتش احسن

ماهو مش لازم ابيعة كلة في يوم وااحد

المشاركة الأصلية كتبت بواسطة ahmed2y

طيب ما انت بتقول عندك محل كاوتش وانت اولى من حد تانى يبقى فية خاليك فى الكاوتش احسن

ماهي الشغلانو بجانب محل الكاوتش ماقدرش اسيبة

المشاركة الأصلية كتبت بواسطة timtim

هي الشغلانة ينفع يشتغلها أي حد ولا لازم يكون صيدلي؟
وهل الصيدليات بتاخد من اي حد ولا بتتعامل مع مخازن معينة؟ وهل الصيدليات بتدفع كاش على طول ولابرضه بالأجل؟ وحاول تدرس الكمية اللي ممكن توزعها في خلال شهر مثلا علشان تعرف هاتبقى مجزية ولا لأ؟ ابن خالتك ممكن يفيدك في الموضوع دا..

بالنسبة لايصال الامانة (دا لو في ايصال امانة) .. ايه المشكلة انك تمضي على ايصال امانة بقيمة البضاعة اللي معاك؟ ما كل الدنيا ماشية كدا.. واللي مش بتقدر توزعه بترجعه للشركة او مخزن الادوية ..

اما لو هاتاخد الاوردر كاش من فلوسك .. يستحسن ماتاخدش كمية كبيرة في الاول لحد ما العملية تمشي معاك..

ومعتقدش ان الشغلانة دي هاتأثر على شغلك في محل الكاوتش
لان زي ما قريبك قالك انت هاتعمل الشغلانة في وقت مانت بتلف بالعربية.. يبقى بدل ماتلف ع الفاضي تعمل شغل في نفس الوقت

الشغلانة دي شبيهة بشغلانة توزيع كروت الاتصال.. (محمول ومنزلي) بس شغلانة توزيع كروت الاتصال معدل دروان راس المال فيها سريع اوي..

توكل على الله

هو فعلا علي كلام ابن خالتي مش لازم تكون صيدلي ومش بتمضي علي وصل اماانة
وبتاخد الاوردر كاش من فلوسك وبتاخد علية خصم وبتلف علي الصيدليات
تقلهم انا تبع مخزن كذا

المشاركة الأصلية كتبت بواسطة medo_2060

انا كام واحد صاحبى شغال فى الموضوع دا بس من كلامهم واضح انهم بينصبوا وكدا بيجيبوا ادويه الجدول ويتاجروا فيها والحاجه التانيه بيجيبوا ادويه بيبقوا عارفين انها مش متوفره طول السنه ولما الطلب يزيد عليها يبيعها بمزاجه اقرب مثال من يومين واحد من اصحابى دول بايع قدامى شريط حبوب قالى انه ب 10 جنيه وباعه ب 80 جنيه لانه مش متوفر طبعا بيعملوا كدا عشان ربح كبير اوى وسريع
طبعا لو انت هتشتغل ابعد عن الكلام دا عشان ربنا يباركلك وتكبر فى الشغل
وعموما انا زيك لسه خريج السنه دى وبنقول يا هادى ههههههههههههه

طيب ماتسالهم كدة مكسبها حلو بس مش زي ماهما شغالين كدة اللي هو الشغل الطبيعي
علي رايك احنا لسة بنقول ياهادي

المشاركة الأصلية كتبت بواسطة hazoom2006

حبيب قلبى الناس كلها متخرجة السنة دى دى باين عليها سنة زى الفل(انا كمان متخرج السنة دى)

ههههههههههه اكيد زي الفل

**M.Osman** · 20-07-2010 06:18 PM

احنا عندنا محل كاوتش (بيع)

فين يا باشا؟ في المنصورة؟

الموضوع: اية رايكوا في الشغلانة دة (خبراتكواا)

LinkBack

أدوات الموضوع

عرض

اية رايكوا في الشغلانة دة (خبراتكواا) - انشر الموضوع فى :

-

-

-

-

-

-

المواضيع المتشابهه

ايه رايكوا فال a3 ؟

هى الشغلانة دى موجودة فى مصر ؟؟؟؟؟

رايكوا فى التليفون ده

ايه رايكوا فى m40 اوتوماتيك

اية رايكوا؟

الكلمات الدلالية لهذا الموضوع

المفضلات

المفضلات

ضوابط المشاركة