عرض للطباعة
السلام عليكم اولا كنت عاوز استفسر من رجالة منتدى بروتون عن احسن موديل اجيبو مستعمل من الجين تو وميكونش متشال منو كماليات زى ما شالو مثبت السرعة فى الموديلات الجديدة كدة وميكونش ظهر فية عيوب او كدة وهل الجين تو كاملة مانيول وكاملة اوتوماتيك بس ولا فيها هاى لاين كمان زى الواجا كدا و لو فيها اية اللى بيكون زيادة عشان الواحد يبقى عارف واخبار قطع غيارها معمرة او لا وشكرا لحضاراتكم
اخر موديل في مثبت سرعه هو 2008 بس مفهوش اسبويلر الا لو اسبورت
الجين تو كلها هاي لاين سواء مانيول او اوتر بس قبل 2009 في موديل بيزيد فيه اسبورت باكدج عتب و اسبويلر
طب وكل الموديلات لحد 2008 زى بعض ولا فى ناس مثلا كانت بتشتكى بشكل كبير من موديل سنة معينة بسبب عيوب او اى حاجة ظهرت فى العربيات ؟ وشكرا
كل ما الموديل سنه الصنع تقرب بيبقي احسن بس ميمنعش ان في عربيات موديل 2006 محدش اشتكي منها نهائي
بس انا بفضل موديلات 2009 عشان التعديلات في الصالون
اية يا جماعة مفيش حد تانى رد عليا غير استاذ احمد ربنا يباركلة هوا انتو بخلاء فى منتدى بروتون ولا اية دا انا كدا اخاف منكم لو جبت عربية بروتون:C_laugh[1]: بانتظار ردودكم الحلوة
متهيألي العيوب كل مابتقرب سنة الموديل بتقل وهي عموما أصوات خفيفة نتيجة عيوب تقفيل وفي حاجات ليها علاج لو حضرتك متابع مواضيع المنتدى هتستفيد كتير ، والفروق بين الموديل القديم لحد 2008 وموديل 2009 او 2010 هحاول أذكرها لحضرتك
أهم الفروق طبعا التغيير اللي حصل في الموتور و إضافة تكنولوجيا iafm ممكن حضرتك تعرف عنها اكتر من مواضيع المنتدى
صوت الموتور بقى أهدى في موديل 2009
سحب العربية أنا سقت الاتنين أنا معايا 2007 وواحد صاحبي زي أخويا معاه 2010 وسقتها كتير مش حاسس بفرق جامد
سحب العربية لحد سرعة 60 مثلا متواضع إلى حد ما وبعد ال 80 مثلا بتحس إن العربية بتستفزك عشان تجري وصوت زئير الموتور الرياضي لا يعلى عليه
شكل العربية ال 2009 اختلفت في الشبكة و الفوانيس الأمامية بقت غامقة وشكل الاكصدام الأمامي
2008 آخر موديل فيه مثبت سرعة والساعة اللي في النص
في موديل في ال 2008 فيه سبويلر واعتاب بس مش عارف كل ال2008 ولا لأ و السبويلر شكله مش زي اللي موجود دلوقتي واللي في ال2009 و 2010 أشيك كتير
شكل العدادات لغاية 2008 رياضي و جميل جدا بحيها عن ال 2009 وال 2010
زراير الازاز الكهرباء و التحكم في المرايات لحد 2008 في النص على يمين السائق في 2009 علي الشمال زي معظم العربيات
الشنطة لحد 2008 ماينفعش تفتحها الا من جوه العربية في 2009 ممكن تفتحها من الريموت
فرش العربية انا عندي في ال 2007 مش متأكد نفس النظام في 2008 ولا زي 2009 في لون بيج في التابلوه و الأبواب و الكراسي إنما 2009 و 2010 كله رصاصي وانا شايف ان اللون البيج مع الرصاصي ليه شكل حلو ( أذواق طبعا ) إنما في الاخر الاتنين فرش قماش مش جلد ومتهيألي لازم يبقى في فرش جلد يحافظ عليه
في درج تابلوه في 2009 و 2010 ، لحد 2008 مجرد رف في اليمين أمام الكرسي المجاور للسائق
في جراب للنظارة على يسار السائق لحد 2008 مش موجود في 2009 و 2010
ال cd player لحد 2008 audio في ال 2009 2010 mp3 ودي ميزة مهمة جدا
أتمنى أكون قدرت ألم لك كل الفروق وكل الموديلات اللي بتنزل مصر ميديم لاين بتفرق عن الهاي لاين إن مفيهاش فرش جلد ولا أعتاب و زوايد للاكصدامات
متهيألي الفروق دي كلها حاجات بسيطة و نصيحتي ليك هات ال 2009 حالة كويسة سعرها مش هيفرق كتير عن ال 2008 وعيوب التقفيل إن شاء الله تكون قليلة
وبالتوفيق إن شاء الله
لا مش بخلاء ولا حاجة بس اصل رد استاذ احمد كافى و مش هنزود عليه حاجة
هو موديل 2008 اللى هتلاقى فيه كل حاجة خصوصا لو جبت الاسبورت باكدج و لو كان فيها مشاكل زى اصوات صفافير اى حاجة اكيد صاحبها عمالها خلاص و انتا بقى عليك تختار واحدة كويسة معمولها صياناتها فى التوكيل و حالتها نضيفة حتا لو سعرها ازيد سنة من العادى بس ده هيريحك ادام
تحياتى و ربنا يوفقك ان شاء الله
شكرا لرد حضرتك رد شافى ووافى جزاك الله كل خير خلانى اعرف حاجات مهمة جدا عن جينا زى ما انتو بتحبو تدلعهوا:S_thum1[1]:اقتباس:
المشاركة الأصلية كتبت بواسطة weeja
ربنا يكرمك يا باشا بس كل الموضوع انى حسيت انى فى صحراء من قلة الردود:S_thum1[1]:اقتباس:
المشاركة الأصلية كتبت بواسطة Tarek Gen 2
و خللى بالك المثبت كان موجود بس فى الأوتو