هيونداى اكسنت اوتوماتيك 99

**jagu** · 20-07-2010 12:01 PM

برجاء المساعده ابحث عن سيارة اوتوماتيك وأحد الأصدقاء دلنى على هيونداى اكسنت اوتوماتيك 99 المفروض انها بيتى و نضيفه كل ما اعلمه عن الاكسنت انها 1500 مانوال مكنتش اعرف ان فى منها اوتوماتيك فياريت قبل ماروح اكشف عليها لو حد يفيدنى عنها وعن سعرها ولو حد يعرف الفتيس بتاعها فيه مشاكل ولا لأ و هل لو حصل حاجه بعد كده للفتيس ممكن الاقيه استيراد

**بحري** · 20-07-2010 12:34 PM

العربية ممتازة
وسعرها حوالي ٣٥ ألف فوق أو تحت حسب الحالة بس مش بتزيد عن ٣٨
الأتوماتيك كويس جدا بس محتاج محافظة عليه
سألت على سعره استيراد في بورسعيد كان بـ٩٠٠ جنيه بالتركيب بالنسبة للخليجي زي اللي معايا وبالنسبة للمصري فسعره هيقل عن ٩٠٠ بس مش كتير
بالتوفيق

**mr_sameh** · 20-07-2010 12:36 PM

مع واحد صحبي والاتوماتيك شغال معاه زي الفل

**essam_shaaban** · 20-07-2010 02:37 PM

المشاركة الأصلية كتبت بواسطة بحري

العربية ممتازة
وسعرها حوالي 35 ألف فوق أو تحت حسب الحالة بس مش بتزيد عن 38
الأتوماتيك كويس جدا بس محتاج محافظة عليه
سألت على سعره استيراد في بورسعيد كان بـ900 جنيه بالتركيب بالنسبة للخليجي زي اللي معايا وبالنسبة للمصري فسعره هيقل عن 900 بس مش كتير
بالتوفيق

انت جبت المفيد يا صديقي
وكمان احب اضيف اني اعرف صديق اشتري فتيس 128 من يومين ب 1500 جنيه تخيلوا
يعني قطع غيار الاكسنت تعتبر ارخص
توكل علي الله واشتريها
بس اكشف عليها في مركز او بنزينة قبل ما تشتريها ....

وفقك الله وتقبل تحياتي

**BrainStorm** · 20-07-2010 02:46 PM

الاكسنت الاوتوماتيك دي عمله نادرة و بززات لو حالتها نظيفة, لو رفعتها ولقييت حالتها نظيفة اقفش فيها على طول وربنا ييسر اللي فيه الخير

**srm** · 20-07-2010 10:19 PM

اكشف عليها كويس ولو حالتها كويسه توكل على الله

الاكسنت عربيه نضيفه وحماره شغل

وقطع غيارها رخيصه جدا..... ولا اروع

**magdyalaa** · 04-11-2012 04:28 PM

المشاركة الأصلية كتبت بواسطة بحري

العربية ممتازة
وسعرها حوالي ٣٥ ألف فوق أو تحت حسب الحالة بس مش بتزيد عن ٣٨
الأتوماتيك كويس جدا بس محتاج محافظة عليه
سألت على سعره استيراد في بورسعيد كان بـ٩٠٠ جنيه بالتركيب بالنسبة للخليجي زي اللي معايا وبالنسبة للمصري فسعره هيقل عن ٩٠٠ بس مش كتير
بالتوفيق

السلام عليكم ورحمة الله وبركاته
معي نفس العربية اللي فتيس بتاعها فيه Over drive و الزرار بتاع (Power - Normal - Econ) و عندي فيها مشكله غريبة الا وهي ، ان العربية لما بتكون بارده بتمشي زي الفل ولما بتكون سخنه ونقلت اي غيار ورجعت تاني لل D الاقي العربية مش عايزة تجمع الغيار و اللي بيحصل مغايا بالضبط اني لما بشيل رجلي من على الفرامل عشان العربية تمشي الاقيها مشيت خطوتين و تنتش و تقف وترحج تحمل الغيار تاني تنتش وتقف لغاية ما جننتني مع العلم اني روحت لواحد في الحرفيين بتاع فتيس اتوماتيك كشف عليها كمبيوتر وراجع الكهرباء بتاعة الفتيس وملقاش اي اخطاء .

لو سمحت اعمل ايه

**a7medsh3rawi** · 08-11-2012 01:04 PM

المشاركة الأصلية كتبت بواسطة magdyalaa

السلام عليكم ورحمة الله وبركاته
معي نفس العربية اللي فتيس بتاعها فيه over drive و الزرار بتاع (power - normal - econ) و عندي فيها مشكله غريبة الا وهي ، ان العربية لما بتكون بارده بتمشي زي الفل ولما بتكون سخنه ونقلت اي غيار ورجعت تاني لل d الاقي العربية مش عايزة تجمع الغيار و اللي بيحصل مغايا بالضبط اني لما بشيل رجلي من على الفرامل عشان العربية تمشي الاقيها مشيت خطوتين و تنتش و تقف وترحج تحمل الغيار تاني تنتش وتقف لغاية ما جننتني مع العلم اني روحت لواحد في الحرفيين بتاع فتيس اتوماتيك كشف عليها كمبيوتر وراجع الكهرباء بتاعة الفتيس وملقاش اي اخطاء .
لو سمحت اعمل ايه

مش الموتور تمام ومفيهوش مشاكل يبقى اكشف على الزيت والفلتر بتاع الفتيس وحاول تغيرهم فى اسرع وقت وبعد كدا تنضف الريداتير بتاع الموتور والفتيس كويس وتتأكد ان تبريده تمام وان شاء الله المشكله هتتحل.
ياريت لو فى نية بيع اعرف السعر كام وتبقى معرفة خير بإذن الله.