الكتب الخارجية

**Fouad Ezz** · 20-07-2010 02:23 PM

حرب الكتب الخارجية تشتعل بين بدر ودور النشر
كتب ـ سيد مصطفي ونهي رأفت‏:‏

أثار قرار د‏.‏أحمد زكي بدر‏,‏ وزير التعليم‏,‏ حظر تداول الكتب الخارجية ردود فعل عنيفة لدي دور النشر التي رفضت القرار‏,‏ وأكد أصحابها أن القرار يضر بصناعة الطباعة في مصر
مهددين بعدم طباعة كتب الوزارة في حالة اصرار الوزير علي القرار أو التأخير في إصدار تصاريح طباعة الكتب الخارجية وهو ما يؤكد أن المواجهة ستزداد اشتعالا بين الطرفين في الفترة المقبلة‏.‏
وحول تداعيات الأزمة يقول د‏.‏عادل شكري مساعد الوزير إن القرار جاء بعد اكتشاف عدد كبير من الكتب الخارجية تحمل معلومات غير دقيقة‏,‏ وتخرج بدون أي سند علمي وتضر بالعملية التعليمية وتؤثر بشكل مباشر علي نتائج الامتحانات وتعدد شكاوي الطلاب منها بسبب أنها تقدم ملخصات تلغرافية بسيطة للطلاب عكس الكتاب المدرسي الذي يقدم المعلومة الكاملة والتي تأتي منها الامتحانات وهو ما يؤدي للشكوي من صعوبة الامتحانات لأن الطالب لم يدرس منهجه كاملا وإنما اعتمد علي الملخصات التي لا تحتوي علي كل شيء في المنهج‏.‏
فيما أعرب عدد من الموزعين والناشرين للكتب الخارجية بشارع الفجالة عن استيائهم من قرارات الوزير الخاصة بحصول الكتب الخارجية علي موافقة وزارة التربية والتعليم وتراخيص بالمادة العلمية الموجودة بالكتب الخارجية‏.‏
يقول حسن علي عاشور صاحب المكتبة الحديثة المعروفة باسم بيت الكتاب المدرسي بالفجالة إن جميع الكتب الخارجية التي يبيعها مرخصة من الوزارة وتحمل رقم ترخيص ورقم إيداع من دار الكتب‏.‏
وأضاف أن معظم الكتب الخارجية الموجودة بالسوق يتعدي عمرها‏40‏ عاما ويثق فيها الطلاب ومدرسوهم وأولياء أمورهم لأنها تخدم جميع المراحل التعليمية فمثلا كتاب سلاح التلميذ عمره أكثر من‏30‏ عاما ومازال أحفادنا يستخدمونه في المذاكرة بالإضافة إلي سلسلة كتب الأضواء والحديث والمعاصر‏.‏
كما أن الكتب قبل أن يتم نشرها‏,‏ والكلام علي لسان حسن عاشور‏,‏ تمر علي لجان التفتيش بالوزارة لمدة‏45‏ يوما والدليل علي جودتها استمرارها بالسوق منذ عشرات السنين‏.‏
وقال‏:‏ من حق الوزير التحكم في كتب الوزارة التي وضعت عليها تحذيرات تؤكد أنها غير مصرح ببيعها أو انتشارها أو تصويرها أو الاقتباس منها‏,‏ ولكن ليس من حقه التحكم في الكتب الخارجية‏!‏
ومن جانبه قال محمد عبدالحميد المدير المسئول بالمؤسسة العربية الحديثة التي تصدر كتاب سلاح التلميذ والمعلم وعددا من الكتب المعروفة لدي الطلاب إن الوزير ليس من حقه إيقاف التصاريح حيث أن هذا القرار يضر بصناعة الطباعة في مصر خاصة بعد أن وصل عدد المطابع الخاصة في مصر لـ‏30‏ ألف مطبعة كما أن هناك أكثر من‏100‏ ألف مكتبة تعمل في مجال الكتب الخارجية‏.‏

من الأهرام المسائي 19 يوليو

**Fouad Ezz** · 21-07-2010 12:30 AM

أرجو من السادة الأعضاء المهتمين بمجال التعليم .. بالتعليق على الخبر سواء سلبا أو إيجابا
هل الكتب الخارجية لها أهمية ولا زي ما بيقول الوزير إنها مليئة بالأخطاء وهى السبب فى تدني مجاميع ومستويات الطلاب ....
رأي الشخصي
إن الموضوع كالعادة داخل فية بيزنس ومصالح
لإن الوزير ببساطة لو عاوز يلغى الكتب الخارجية ... يقدر بإمكانيات الوزارة المهولة يحسن الكتاب المدرسي ويخلية أحسن 100 مرة من الكتاب الخارجى وبالتالى لا يبحث أحد عن كتاب خارجى
عاوز أقول كمان
إن فى بعض المناهج مثل اللغة الأنجليزية (كتب الوزارة فى واد ونماذج وأسئلة الإختبار فى واد أخر) ولا تجد سبيل لتدريب طلابك أو أبنائك علي الإختبارات والمهارات إلا فى الكتاب الخارجي

**yahiahelaly** · 21-07-2010 12:39 AM

هو اولا طبعا القرار دة ملوش لازمة انا عمري لغاية مخلصت الجامعه مفتحت كتب الوزارة ولا الجامعه كلها كتب خارجية ودة على ااقل لسهولة اسلوب الشرح والامتحنات عمرها مخرجت عنها ولو هو بيقول كدة يجيب حجات جت غلط ويقارنها بلأسئلة الي جت بلا قرف انا قولت في الاول شكلة هيعدل الميلة طلع ولا لة لزمة من اول حوا التنسيق دة

**hesham_tawfiq** · 21-07-2010 01:50 AM

انا شايف القرار صحيح جدا بس محتاج تطوير اكتر للكتاب الحكومى
وبعدين اللى بيألف الكتاب المدرسى هو نفس الشخص اللى بيألف الكتاب الخارجى ودا طبعا بيخلق تضارب بين الاتنين لانو اكيد بياخد اجر اعلى على الكتاب الخارجى فهيكون من مصلحته ان الكتاب الحكومى يفضل مستواه اقل
الوزير الجديد رغم انو مكنش مقبول اول ماتولى الوزاره الاان قرارته لحد دلوئتى صح جدا
بيتهيألى احنا البلد الوحيده اللى مناهجها الدراسيه ليها كتب رسميه وكتب خارجيه

**Hegazio** · 21-07-2010 08:22 AM

انا شايف القرار سليم جدا .. و كتاب الوزارة زي الفل .. و احيانا الاسئلة بتيجي من اسئلته بالنص
فيه عقدة تحولت لاستسهال عند الطالب المصري و ابوه و امه
عمري ماحسيت ان كتاب الوزارة مقصر في شيء ( علي الرغم من شرائي للكتب الخارجية ) و عمري ما انتبهت في حصة دراسية و قعدت قدام و ركزت مع الاستاذ أو حتي سألته في حاجة مش فاهمها بعد الحصة و قصر
كنت باشوف ناس نايمة و بتلعب في الحصة و يقولك .. اصل بابا بيخليني أخد دروس ف كل المواد ... فرحة قلب ابوك بيك
و الموضوع أضل في الجامعة .. اقسم بالله اغلب اللي بياخدو دروس ما حضروا جنس محاضرة و لا يعرفو الدكتور في الشفوي و بياخدو في الشفوي علي العملي الصفر المتين أو 50 %

**Fouad Ezz** · 21-07-2010 01:42 PM

كلام جميل وأنا متفق مع كل ما ورد من أراء
لكن ... كدة الوزير عايز يضع العربة قبل الحصان
عندما يطور الكتاب المدرسي ... ويعمل كتيبات تدريبات علي الإختبارات ... يبقي ياخذ القرار ده
لكن إتخاذ القرار بالصورة الفجائية دي دون توفير البديل سوف يخلق بلبلة كبري ويزيد من رصيد الدروس الخصوصية ويضاعفها ...

**بحري** · 21-07-2010 01:56 PM

الكتاب المدرسي نفسه مر بعدة مراحل وعدة فلسفات
ومش كل المواد كانت زي بعض في طريقة التناول ومدى كفايتها
ومش كل مراحل التعليم برضه كانت زي بعض
في تفاوت كبير في كله ده
برضه الكتب الخارجية زمان غير دلوقتي..كلهم كانوا كام كتاب معروفين وكل مادة كان فيها كتاب مميز بغض النظر عن تميز السلسلة نفسها في كل المواد
وكان معروف برضه إن في كتب خارجية بتوسعها شويتين تلاتة وعايشة مع نفسها وبتعمل إرهاق للطلبة على الفاضي زي لامي في الرياضيات على ما أذكر
وكانت في كتب متميزة جدا في بعض المواد زي بيت باي بيت وجيم في الإنجليزي وبتديك ثقافة عالية فوق مستوى المرحلة الدراسية

مش متابع الكتب قوي دلوقتي ولكن تقييمي العام إن فلسفتها قائمة على وجود مدرسين جيدين وإمكانية التعلم الذاتي والبحث عند الطالب..يعني الكتب مجرد تفتيح كلام...فهل ده يكفي دلوقتي مع الضعف الشديد في مستوى المدرسين

**Hegazio** · 21-07-2010 02:31 PM

هو الكلام مرسل ولا إيه؟
الكتب الدراسية الحكومية دلوقتي مطورة جدا .. و هي اللي الحكومة ملزمة تجيب اسئلة منها
الكتب الخارجية هي اللي فيها حاجات ممكن مش من المنهج الحالي و الاعتماد عليها مش دقيق

-

-

الموضوع: الكتب الخارجية

LinkBack

أدوات الموضوع

عرض

الكتب الخارجية - انشر الموضوع فى :

-

-

-

-

-

-

-

المواضيع المتشابهه

اسعار قاعات كتب الكتب في مصر

عن الكتب و المكتبات و طلب نصيحه

تجارة الممنوعات في مصر او الكتب الخارجية

الكلمات الدلالية لهذا الموضوع

المفضلات

المفضلات

ضوابط المشاركة