انا درست كورس وورد قبل كده
بس طبعا عشان ما اشتغلتش بيه خالص فنسيته
لكن الاكسيل معنديش فكرة عنه
عاوزة اتعلمهم فى يومين
حد يعرف مركز او حد يدى كورس فى يومين او تلاتة ايام فى اسكندرية
عرض للطباعة
انا درست كورس وورد قبل كده
بس طبعا عشان ما اشتغلتش بيه خالص فنسيته
لكن الاكسيل معنديش فكرة عنه
عاوزة اتعلمهم فى يومين
حد يعرف مركز او حد يدى كورس فى يومين او تلاتة ايام فى اسكندرية
لو المطلوب أساسيات فقط أو كان الوقت محدد جدا ومش هينفع بالنسبة لحضرتك أكثر من يومين تلاتة...
فأنسب حاجة سلسلة (تعلم.....خطوة بخطوة) بتاعة أحمد حسن خميس...سهلة ومفيهاش غباء الترجمة المعتاد في مثل هذه النوعية من الكتب
تخلصيها في يوم أو يومين بسهولة مع نفسك وفيها تفاصيل أحسن بكتير من الدورة اللي تتاخد في ٣ أيام لأن معناها دورة لمدة ٦ ساعات بالكتير
هتلاقي السلسلة في مكتبة علاء الدين أول شارع صفية زغلول(حوالي ٥٠ متر) على إيدك الشمال
بالتوفيق
شكرا يا دكتور عارفة المكتبة هروح اشوف
بس كنت اتمنى حد يكون شغال بالاكسيل يعلمنى
لانه بيكون ادرى بالمهم والعملى غير النظرى برضه
اشكر حضرتك مرة تانية على سرعة الاستجابة
لو تشوفي حد يديلك دورة خاصة سواء هيوفرلك المكان والجهاز أو هتوفريه انت ,
ممكن تاخدي الاكسيل في يوم واحد و الوورد في يوم تاني و اليوم التالت تطبيق مع نفسك ,
بس هيكون مجهود شوية علشان تلمي الموضوع في الوقت القياسي ده ,
انا بشتغل بالإكسيل و الوورد من ييجي 13سنة .......
اختى الفاضلة
هاتى سلسلة (تعلم.....خطوة بخطوة) بتاعة أحمد حسن خميس
وبعدين الــ Word و الـ Excel تتعلميهم بالممارسة
افتحى الــ Word واكتبى اى حاجة وادخلى على المنيوهات بتاعته وافتحيها وهتعلمى نفسك ولو عاوزة مساعدة دوسى F1 وانت على الــ Wordواكتبى انتى عايزة تعملى ايه وهو ا بيديلك قائمة بالاقتراحات
سهل جدا وهتبقى مية مية بس بالممارسة
و الـ Excel زى الـ Word نفس الخطوات
اتمنى ان اكون قد افدتك
م.عصام مهنى
انها الدعبسة و التفعيص في البرامج
خير وسيلة للتعلم
بس في يويمن فقط ...ماتلحقيش تدعبسي كويس
هايبقى مجرد تلطيش
هو سراء الكتب هايكون حل جميل مؤقتا
Free Learn
الموقع ده سهل جداً إن شاء الله يفيدك
البدري كان عامل الموضوع ده للاستفسارات
http://www.nilemotors.net/Nile/148492-a.html
شكرا دكتور بحرى
يااه موقف شبه ده حصلى قبل كده و عملت زي استاذ بحري ما قال بالضبط..كنت عايز أجيب شهادة icdl و مش لاقى وقت للكورسات و مكنتش أعرف اكسيل و أكسس ..سألت فى مكتبة جنب كلية الهندسة على كتاب اكسيل و اكسس لقيته مطلع كتاب ضخم جدا خلعت طبعا و لما رحت مكتبة علاء الدين بمحطة الرمل لقيت الكتاب صغير أوي و شجعنى و الحمد لله عمل شغل كويس و لقيت الموضوع سهل جداااااا بعد كده :)