الزجاج الامامى و الخيوط العنكبوتيه

**kimo-nubira** · 20-07-2010 03:08 PM

السلام عليكم ورحمه الله وبركاته

عندي مشكله غريبه يا شباب مش لاقليها حل باختصار وانا ماشي بليل اي تلاقي ضوء علي الازاز

بلاقي نقطه تلاقي الضوء مع الازاز فرشت علي الازاز بتبقي بالمنظر ده بالظبط

مش عايز اقولكم الموضوع ده قارفني ازاي بالزات لو حد جاي في الاتجاه المقابل وفاتح نوره الاقي الازاز عمل اللي بيعمله ده

السؤال هنا بقي :-

هل فيه حل للموضوع ده ولا اشتري ازاز جديد ؟؟

ولو هاشتري ازاز جديد اجيب نوعه ايه ؟؟

وياريت لو حد يعرف سعره كام ؟؟

**Akram** · 20-07-2010 03:16 PM

ازيك يا كيمو,
هو الازاز عندك سليم و لا فيه كسر و اتلحم ,
و نوع الازاز عندك ايه ,

المعروف ان أفضل نوع هو (د جريش) أو (أمان) و سعره في اللانوس بيعمل 300 ج , و أعتقد هيزيد حاجة بسيطة في النوبيرا ..

**kimo-nubira** · 20-07-2010 03:27 PM

المشاركة الأصلية كتبت بواسطة akram

ازيك يا كيمو,
هو الازاز عندك سليم و لا فيه كسر و اتلحم ,
و نوع الازاز عندك ايه ,

المعروف ان أفضل نوع هو (د جريش) أو (أمان) و سعره في اللانوس بيعمل 300 ج , و أعتقد هيزيد حاجة بسيطة في النوبيرا ..

اكرم باشا فينك ياعم انا تمام يارب تكون انت بخير

الازاز تقريبا والله اعلم انه الفابريكه بتاع العربيه وكان فيه شرخ صغير ناحيه اليمين و حددته علشان مايزيدش وملحمتوش

انا اسمع عن دكتور جريش ده كتير بس معرفش مكانه هو كده مالوش علاج صح ؟ لازم جديد ؟

**Sherif Khalifa** · 20-07-2010 03:34 PM

انا مش متخيل اوى البيحصل عندك
بس ممكن قبل ما تغير الزجاج تجرب تلمعة بى بوليش

**Akram** · 20-07-2010 03:44 PM

لو المشكلة بسبب الشرخ يبقى التغيير أفضل بس فيه ناس بتلحم الشروخ دي فشوف حد كويس و خليه يبص الأول ...

بالنسبة لنوع الإزاز فمعظم بتوع الإزاز هتلاقي عندهم (د.جريش) و عليه علامة الدايو ,

**kimo-nubira** · 20-07-2010 04:11 PM

المشاركة الأصلية كتبت بواسطة sherif khalifa

انا مش متخيل اوى البيحصل عندك
بس ممكن قبل ما تغير الزجاج تجرب تلمعة بى بوليش

بص يا شريف اي ضوء بينزل علي الازاز النقطه اللي بينزل عليها الضوء ده بتفرش خيوط زي ديه

بس ايه علاقه البولش بالازاز ؟؟

المشاركة الأصلية كتبت بواسطة akram

لو المشكلة بسبب الشرخ يبقى التغيير أفضل بس فيه ناس بتلحم الشروخ دي فشوف حد كويس و خليه يبص الأول ...

بالنسبة لنوع الإزاز فمعظم بتوع الإزاز هتلاقي عندهم (د.جريش) و عليه علامة الدايو ,

لا يا اكرم الشرخ ناحيه اليمين وشرخ بسيط مش كبير ماظنش انه منه ...

هاحاول اعدي على دقدق اللي في شهاب اخليه يبص عليه انا بس مستغرب لانى عمري ماشوفتها في ازاز قبل كده ..

**احمد المصرى** · 20-07-2010 04:14 PM

انا عندى نفس المشكله بس هل فى ملمع للزجاج علشان يرجع ذى ما كان جى مع العربيه وانا حاسس ان المشكله من جوا مش من بره يعنى الزجاج من جوه العربيه

**kimo-nubira** · 20-07-2010 05:39 PM

المشاركة الأصلية كتبت بواسطة احمد المصرى

انا عندى نفس المشكله بس هل فى ملمع للزجاج علشان يرجع ذى ما كان جى مع العربيه وانا حاسس ان المشكله من جوا مش من بره يعنى الزجاج من جوه العربيه

مش عارف والله في ملمع للزجاج ولا لاءه كان فيه موضوع عن حاجه زي كده بس بحاول ادور عليه مش لاقيه

المشاركة الأصلية كتبت بواسطة ahmedezzat78

الموضوع ده من ألاف الخرابيش الصغيره جدا على الزجاج من الرمل و نظافه الزجاج على مدار السنين

مافيش حل غير التغير .......... وفعلا الزجاج التربليكس بتاع دكتور جريش ممتاز و موجود عند أى حد

شكرا يا احمد باشا وهى غالبا هاترسي علي كده ..... طيب حد معاه ارقام موزيعين او مصنع بتاع دكتور جريش ؟

**ahmedezzat78** · 20-07-2010 07:57 PM

شكر علي ايه ؟ ...... تحت امرك

انت مش محتاج المصنع فى حاجه ........... الزجاج موجود فى كل المحلات زى الثلاثى مثلا

-

الموضوع: الزجاج الامامى و الخيوط العنكبوتيه

LinkBack

أدوات الموضوع

عرض

الزجاج الامامى و الخيوط العنكبوتيه - انشر الموضوع فى :

-

-

-

-

-

-

-

-

المواضيع المتشابهه

الزجاج الامامى a4

الزجاج الامامى

الزجاج الامامى

قدر الله وماشاء فعل - اخذت زلطة فى الزجاج الامامى تفتكره احقن الزجاج فين ؟

الزجاج الامامى

الكلمات الدلالية لهذا الموضوع

المفضلات

المفضلات

ضوابط المشاركة