انا لسه اخد بالي ان حضرتك في السعوديه حضرتك فين؟ انا حاليا شغال في بريده -القصيم-
عرض للطباعة
انا لسه اخد بالي ان حضرتك في السعوديه حضرتك فين؟ انا حاليا شغال في بريده -القصيم-
دكتور محمود باشا ، صباح الفل
في البداية أنا بشكر حضرتك على الإهتمام
كمان بشكر حضرتك على التحليل الوافي عن توقعات أسعار الذهب
طبعا انا متفق مع حضرتك على أن توقيت الشراء مهم ومن الأفضل طبعا إن الواحد يشتري أثناء هبوط الأسعار وليس العكس ، وأنا بشكر حضرتك على هذه النقطة الهامة ، بس في حاجة عاوز أقول لحضرتك حاجة ، الفكرة في مشروع محل الذهب إن أنا وأصحابي كل واحد معاه مثلا في حدود 50 أو 100 الف تقريبا ، وتقريبا كلنا متفقون على أن أفضل إستثمار من حيث العائد والسيولة هو الذهب ، علشان كده قولنا بدل من نستثمر في الذهب ونشيله في البيت ماتيجوا نفتح محل لو في مكسب نبيع ما فيش خلاص خليه زي ما هو كأنه متشال في البيت ، وبصفة عامة معروف أن العائد الحقيقي من الذهب يأخذ فترات طويلة تتراوح من 5 الى 10 سنوات علشان الواحد يحس بقيمة العائد.
بالنسبة يا باشا للسعودية ، أنا شغال في جامعة الخرج بالرياض ، وأنا سعيد بالتعرف على حضرتك ، وإن شاء الله يكون بينا إتصال.
اتمنى لحضرتك كل التوفيق في هذا المشروع ... بس مش عارف احساسي صح ولا غلط ان المبلغ اللي حضرتك بتتكلم فيه هايبقى قليل قوي على مشروع الذهب دا..
الواحد لما بيتفرج على فاترينة محل ذهب متهيألي البضاعة اللي فيها بتعدي المليون جنيه غير اللي في المحل جوة..
احتمال برضه مايكونش الشغل كله كاش يعني ممكن تشتغل بضعف رأس مالك
ارجو المعذرة..
مخدتش بالي ان حضرتك بتقول كل واحد معاه 100 الف..
كدا ممكن تعملوا مبلغ كويس فعلا... والاتحاد قوة :)
يعنى هو فى امل ان الدهب يرخص؟؟؟؟؟؟؟؟؟؟؟؟؟؟؟؟؟
بص انا حقولك على اللى اعرفو واللى اعرفو قليل اوى
مبدايا عشان تفتح محل دهب وتكسب لازم يكون عندك ورشة ورشة تصنع فيها المشغولات انت بتجيب الدهب الكسر والقديم والخام وبتسيحو وتعمل منو شغل جديد ولازم على الاقل يكون عندك فى الورشة 2 صنايعية جامدين وبتهيالى دى اول واكبر مشكلة حتقابلك اولا بعدالتراخيص والورق والذى منو الصنايعية ممكن يلبسوك فى الحيط بسهولة جدا
لو مش حتفتح ورشة يبقة حتشوف ورشة فى الساغة تاخد منها جملة وتبيع انت فى المحل بتاعك وطبعا هنا المكسب حيكون فى انك تشترى دهب مستعمل بسعر واقع عشان يا اماتنضفو وتصلحو وترجع تبيعو او توديه الورش يغيرولك شكلو وترجع تبيعو تانى
وفى الاخر انت اختارت شغلانة ليها عالم لوحدها وصعبة جدا جدا على واحد مش فاهم ولو الموضوع خلاص نونو فى دماغك ولن ترضى عنه بديل نصيحتى روح خد دورة تدريبية فى الموضوع ده وانزل صنايعى فى ورشة دهب لمده سنة على الاقل قبل ما تعمل اى حاجة