رخصة القيادة.. رخصة السيارة ..ضاعوا

**abd_el_7amid** · 20-07-2010 03:41 PM

السلام عليكم ورحمة الله
امبارح كنت فى مشوار وصليت فى مسجد على الكورنيش عند رسلان العشاء... المهم بعدها مشيت بالعربية اكمل مشوارى وبعدين لم اجد المحفظة وقعت ... اتسرقت... مش عارف
طبعا فيها حاجات مهمة
من اهمها
البطاقة الشخصية - رخصتى القيادة والسيارة
المهم بيتهيئلى كدا اول حاجة اعمل محضر .... بس ينفع امشى بالعربية بموجب هذا المحضر؟؟؟؟
بعد كدا اعمل ايه بالنسبة للبطاقة الشخصية؟؟ ازاى اطلع بدل فاقد؟؟؟؟
وكذلك رخصة القيادة؟؟؟
نيجى بقى لرخصة السيارة ... انا مشترى السيارة ولسة محولتش الرخصة لاسمى و كمان التوكيل كان مع الرخصة... فممكن اعمل ايه؟؟
للاسف معيش صورة لرخصة القيادة الخاصة ... بس اعتقد ان فية صورة لرخصة السيارة و التوكيل ان شاء الله
ف اللى عنده خلفية عن المواضيع دى ياريت يفيدنى.. وجزاكم الله خيرا

**A.Saad** · 20-07-2010 04:28 PM

انقل ملكية باسمك بسرعة علشان محدش يلعب بالرخصة والتوكيل
وامن العربية واركنها فى جراج مثلا لحد ما تخلص
التوكيل ممكن تطلع صورة من الشهر العقارى
البطاقة طلع بدل فاقد من المصلحة مستعجل او بالنت

**authority973** · 20-07-2010 05:04 PM

بدل فاقد للبطاقه من النت اسهل و اسرع حاجة فعلا صاحبى عملها سلموهالة فى 3 ايام لو كان راح السجل المدنى كان وقف فى زحمة و قالوله تعالى كمان اسبوعين

**abd_el_7amid** · 20-07-2010 05:45 PM

طب معلش انا مش فاهم موضوع النت دا قوى .. يعنى مثلا هتصور فين؟؟ واروح استلم البطاقة منين؟؟؟؟؟؟ ولا بيطلعوا على القديمة؟؟؟

**abd_el_7amid** · 20-07-2010 05:53 PM

المشاركة الأصلية كتبت بواسطة شريف

ممكن تقول الدعاء دة

إذا ضاع منك شيء فقل : يا جامع الناس ليوم لا ريب فيه إن الله لا يخلف الميعاد اجمع بيني وبين كذا ويسميه باسمه فإنه مجرب .

أقرء الآية 16 من سورة لقمان : بسم الله الرحمن الرحيم (يا بُنى إنها إن تكُ مثقال حبة من خردلٍ فتكن في صخرة أو في السموات أو في الأرض يأتِ بها اللهُ إن اللهَ لطيفٌ خبيرٌ )صدق اللهُ العظيم.

جزاك الله خيرا .. الحمد لله قلته