ياريت تفيدونى ربنا يكرمكم

**ahmadhussein** · 21-07-2010 09:14 PM

متشكر قوى على مروركم وردودكم المفيده جدا يا جماعة بس ظهر لى حاجه تانية دخلت فى دائرة المفاضلة وناس بتشكر فيها برده وفى حدود السعر اللى انا اقدر عليه وهى الهانكوك يعنى دلوقتى المفاضلة مابين ( الهانكوك - اللاسا - الكومهو )
ياترى افضل نوع فى الثلاثه ايه خصوصا ان التجار بيقولوا لى ان الهانكوك h مش t وانا مش فاهم يعنى ايه وبيقولوا ان الـ h أحسن .

وناس تانية قالت لى انهم عندهم ال3 انواع بس احسنهم اللاسا وقالوا ان لما نيجى نتكلم عن الاسا يبقى كاننا بنتكلم عن البريدجستون والميشلان انا فعلا احترت ياريت تساعدونى خصوصا ان فى ناس تانية من زمايلى برده قالوا لى ان الكومهو عمل بقاليل او بالونات معاهم وماكملش 15000 كم انا مش عارف اختار ايه وخصوصا ان دى اول مرة اغير كاوتش وعايز اجيب حاجه مااشتكيش منها .

فى انتظار باقى الردود

**aymanmaly** · 22-07-2010 12:35 AM

بص انا زيك عمال ادور على الموضوع دة من امبارح
وانا مستعجل لانى حاطط الاستبن
انا الى فهمتة حتى الان
هانكوك
كومهو كورى
gt champiro
]دانلوب يابانى( v) ( الغريبة انى مش لاقى اى حاجة عن الدانلوب بس اكثر من تاجر شكرلى فية)
ال t بيستحمل سرعة حتى 190
ال hبيتحمل رعة حتى 210
ال v سرعة حتى 240
فياريت يا شباب لو حد مجرب الدانلوب يفيدنا
و كمان يرتب الانواع الى فوق من الاحسن للاسواء
نبقى شاكرين مهللين

**ahmadhussein** · 22-07-2010 01:42 AM

المشاركة الأصلية كتبت بواسطة aymanmaly

بص انا زيك عمال ادور على الموضوع دة من امبارح
وانا مستعجل لانى حاطط الاستبن
انا الى فهمتة حتى الان
هانكوك
كومهو كورى
gt champiro
]دانلوب يابانى( v) ( الغريبة انى مش لاقى اى حاجة عن الدانلوب بس اكثر من تاجر شكرلى فية)
ال t بيستحمل سرعة حتى 190
ال hبيتحمل رعة حتى 210
ال v سرعة حتى 240
فياريت يا شباب لو حد مجرب الدانلوب يفيدنا
و كمان يرتب الانواع الى فوق من الاحسن للاسواء
نبقى شاكرين مهللين

يا استاذ ايمن ماحدش جاب سيرة اللاسا خالص معاك ؟؟؟؟؟ فى ناس بتقول حلوة ونفسى الاقى حد يعرف عنها حاجه او جربها علشان نعرف نقارن صح !!! والا نتكل على الله ونجيب الهانكوك وخلاص !! بس برجع بخاف من اللى حظرونى منه وقالوا انه عمل بالونات معاهم

**aymanmaly** · 22-07-2010 02:43 AM

المشاركة الأصلية كتبت بواسطة ahmadhussein

يا استاذ ايمن ماحدش جاب سيرة اللاسا خالص معاك ؟؟؟؟؟ فى ناس بتقول حلوة ونفسى الاقى حد يعرف عنها حاجه او جربها علشان نعرف نقارن صح !!! والا نتكل على الله ونجيب الهانكوك وخلاص !! بس برجع بخاف من اللى حظرونى منه وقالوا انه عمل بالونات معاهم

لا محدش قال حاجة عن اللاسا بس شكلى كدة هاجرب الدانلوب اليابانى او كومهو الكورى
مش عايز ادخل في مخاطرة دة كاوتش
و خلينا نستنى شوية يمكن حد يعطينا نصيحة اخيرة

**ahmadhussein** · 22-07-2010 05:36 PM

طيب يا جماعه ماحدش عايز يضيف معلومة جديدة او يقول لنا هانكوك ولا كومهو ولا لاسا افضل ؟؟؟؟

**aymanmaly** · 22-07-2010 08:07 PM

بالرجوع لمهندس بيشتغل فى احدى الشركات الكبري فى الادارة الفنية ( مفيش داعى اذكر اسم الشركة علشان معملوش مشكلة )

نصحنى بالتالى
حس بالترتيب من الاحسن
1 ميشلان
2 بريجستون
3 جود ير
4 دانلوب
5 هانكوك و بريلى ( نفس المستوى)
اما الباقى فيفرق كثير عن الشركات التانية مثل الكموهو الخ
ودة طبعا بيتكلم من الناحية الفنية و حسب الشركات الى ليها توكيل فى مصر مش بيجى استيراد عشوائى
يعنى ممكن يكون فية انواع قوية بس مش بتيجى عن طريق وكيل
علشان كدة انا اتخذت القرار و اشتريت ( و ربنا يستر و يكون اختيار صحيح)
جود ير تايلندى h

**ahmadhussein** · 24-07-2010 01:04 AM

طب يا جماعة الميشلان والبريدجستون المقاس بتاعى 13/175/70 سعره كام ؟؟؟؟؟

**ahmadhussein** · 24-07-2010 03:17 PM

يا شباب انا نزلت النهارده واتكلت على الله علشان اشترى 4 فرد كومهو زى ما الاخوة الاعزاء صوتوا وقالو انه احسن حاجه دلوقتى وسعره كويس ...
بس لاقيت حاجه انا عارف انه كورى لما نزلت علشان اشتريه لاقيته فيتنامى والراجل بيقولى ان كل اللى فى السوق دلوقتى فيتنامى وبقاله كتير بينزل كده !!!
فهل حد عارف المعلومه دى او جربه وجرب الفيتنامى ده ..فياريت يفيدنى لانى لما لاقيت كده قولت اخد رايكم الاول

والف شكر مقدما