الموضوع: تجربتي السيئة مع سمكري في الحرفيين

السلام عليكم ورحمه الله
انا هاحكي النهاردة تجربه سيئة جدا قابلتني عن طريق واحد هنا المنتدى
وثقت فيه وكنت فاكر اني هاجد في المنتدى اللي بحبه وعضو فيه من زمان كل معامله محترمة لكن للاسف لقيت غير كدة خالص
الاول انا بعتذر ان مش بشارك كتير لكترة سفري برة مصر لكني بدخل يوميا عشان اعرف اخبار مصر من المنتدى الجميل ده اللي مشترك فيه من اكتر من 3 سنين
انا عندي عربية لانسر وعشان بسيبها كتير وبسافر اخويا الصغير بيخبطها كتير وبتتخبط وهي واقفة اكتر لاني ساكن في منطقة في عمارات كتير
قريت في المنتدى ان فيه مكان كويس هنا اقدر الاقي فيه سمكرة للعربية
روحت وللاسف يا ريتني مروحت
ورشة صغيرة جدا
لاء عيب اني اقول عليها ورشة
هيا حاجة ائل من كدة بكتير
واحد واقف في الشارع وعندة رف على ضهر كابينة رش
وعشان نص المنتدى بتشكر فيه
سيبتلة العربية يعملهالي
وكنت كل ماروحلة يقعد يشخط في السنايعية بتوعه ويزعق فيهم ويشتكي منهم
اخرلي استلام العربية اكتر من اسبوع والحجة ان الصنايعية مدوخينة
طب وانا مالي
ومشي صنايعية وجاب صنايعية وكل ده بيجربو في عربيتي
العربية خلصت سمكرة وهيا زي الزفت
حتت طالعة نازلة وصاج معضض ولما اقوله ليه كدة يقولي عشان تحتيه بلك
تب اللي تحتية بلك ده يتسخن
يقوللي ماحنا سخنا
العربية سيئة جدا
وبتاع الدوكو طبعا اللي هو ودهاولي قعد يعيد ويذيد عليها معجون عشان يداري المطبات اللي في العربية
لدرجة ان الباب كان بيحوك في الرفرف
ومرة كنت رايح عند بتاع الدوكو اشوف العربية وجيت من وراهم وهما بيتكلمو مش شايفني لانه تحت الطريق بينزلولو بسلم
سمعت صنايعي بيقول للتاني السمكرة في العربية زفت والمفروض كان يتعاد عليها
ومعرفش ازاي صاحب العربية رضي بكدة
واخضو لما شافوني وغيرو الموضوع
السمكري حاسبني على السمكرة والدوكو ومخلنيش اتفق مع بتاع الدوكو انا
الثمكرة زي الزفت والعربية معبية دوكو
بتاع الدوكو تعب فيها كتير قوي لغاية ماظبطها
العربية معجبتنيش خالص وبقت معيوبة ومشيت
والفرش كان متبهدل وحتت بلاستيك من جوة اتخربشت مع انها مش خبة ولا حادثة دي مرمات خارجية
وذعلت من العربية ومن بتاع السمكرة ولما سافرت عملت توكيل لاخويا وباعها قبل مانزل عشان ماشوفهاش تانيوانا ضغطي عالي وعندي سكر خلقه
وهاجيب واحدة وانا نازل المرة الجاية من الخليج
العربية اتعملت من اكتر من شهرين وانا نزلت مصر دلوقتي وهاسافر تاني بعد العيد
وماكنتش هاكتب حاجة لولا ان اخويا اللي شجعني اني اكتب عشان محدش تاني يتخدع بالراجل ده وكلامة المعسول اول ماستقبلك ويقولك عينا وحاضر وطيب وبتاع
وكمان لما سالت في كذا مكان لقيتة اغلي واحد بيعمل سمكرة
........................................
وحسبي الله ونعم الوكيل

معلش مش هاقول اسمه منعا للاحراج
اخوكم
مصطفى فاروق

----------------------------------------------------

يمنع الرد فى هذا الموضوع إلا من السد صاحب الشكوى ضد كاتب الموضوع كحق مكفول للرد
لجنة فض المنازعات
27 يوليو 2010