جبت اخرى من ترشيح الزيت فى المكنة

ياجماعة انا بجد زهقت من الحكاية دى
انبارح بقيس الزيت لقيتة ناقص اتفجعت الصراحة
بصيت تحت جوان التكيهات لقيت ترشيح زيت وعامل طبقة تراب ( بس قولت الترشيح دة مش هو اللى هينقص الزيت كدة) .
نزلت بصيت على الكارتيرة لقيت عاليها زيت دورت العربية ورجعتها شوية عشان ابص على نقط زيت فى الارضص وفعلا لقيت نقطة بس مش كبيرة .
طلعت اخد مشوار طوالى وحاولت اقرص شوية على المكنة عشان لقدر الله لو المكنة خفت تبان معايا .... ورجعت وخليت واحد يزودلى بنزين واتابع انا شكل العادم وكان بيزود شوية شوية لحد ما المكنة تفصل ....... والحمد لله ملقتش دخة والعادم طالع طبيعى اطمنت انة ترشيح .
المهم بقى انا لسة من اسبوعين بالظبت مغير جوان غطا التكيهات عشان كان الجوان بيجيب زيت
وجبت نوع ب35 ج مكنش فية غيرة والميكانيكى استخدم سيليكون . ( هل مكان الزيت اللى موجود دلوقتى دة ترشيح بردو ولا مجرد تبخير للزيت ) واتعامل ازاى مع الميكانيكى على اساس انة لسة مركبة .

تانى حاجة انا كنت لسة مغير 3 اويسيلات ورا سير الكاتينة من 6 شهور تقريبا ....... وبعديها لقيت ترشيح على الكارتيرة روحت للميكانيكى تانى لقينا شرخ فى الكارتيرة وجبت واحدة استيراد عملت 200ج وركبها بسيليكون حرارى وسألتة مش المفروض بيكون فية جوان للكارتيرة قالى لأ واكدلى انة بيركب لى كارتيرة كدة .

دلوقتى مش عارف الصراحة اعمل اية هل فية حاجة مش مظبوطة فى الكلام دة ولا ممكن تكون حاجة جديدة .
ياريت ياجماعة تفهمونى عشان بكرة او بعدة اروح للميكانيكى .
واسف للأطالة

جوان التاكيهات غيره وهات اللي ب 65 جنيه
ومافيش جوان ب 35 جنيه اللى موجود ب 20 و ده التعبان و فيه النضيف ب 65 جنيه
بالنسبه لجوان الكرتيره مش عارف بصراحة بس اعتقد انه بيكون فيه جوان لكرتيره الزيت

بالنسبه لجوان الكرتيره بيكون فيه جوان لكرتيره الزيت
http://img27.imageshack.us/img27/5383/captureefmi.png

اقتباس:

---

المشاركة الأصلية كتبت بواسطة M.Zaher

جوان التاكيهات غيره وهات اللي ب 65 جنيه
ومافيش جوان ب 35 جنيه اللى موجود ب 20 و ده التعبان و فيه النضيف ب 65 جنيه
بالنسبه لجوان الكرتيره مش عارف بصراحة بس اعتقد انه بيكون فيه جوان لكرتيره الزيت

---

اقتباس:

---

المشاركة الأصلية كتبت بواسطة m.zaher

جوان التاكيهات غيره وهات اللي ب 65 جنيه
ومافيش جوان ب 35 جنيه اللى موجود ب 20 و ده التعبان و فيه النضيف ب 65 جنيه
بالنسبه لجوان الكرتيره مش عارف بصراحة بس اعتقد انه بيكون فيه جوان لكرتيره الزيت

---

الكلام دة على جوان النوبيرا ال2 وللأسف النوبيرا ال1 الجوان بتاعها مختلف شوية عن ال2
وقبل ما اشترى لفيت على كذا واحد بتاع قطع غيار كلهم قالولى ملهاش غير نوع واحد اللى ب35 ج وسألت فى كذا منطقة مختلفة .

اقتباس:

---

المشاركة الأصلية كتبت بواسطة m.zaher

بالنسبه لجوان الكرتيره بيكون فيه جوان لكرتيره الزيت

شكرا على المعلومات دى وربنا يقدم اللى فية الخير
http://img27.imageshack.us/img27/5383/captureefmi.png

---

اقتباس:

---

المشاركة الأصلية كتبت بواسطة zocor742

الكلام دة على جوان النوبيرا ال2 وللأسف النوبيرا ال1 الجوان بتاعها مختلف شوية عن ال2
وقبل ما اشترى لفيت على كذا واحد بتاع قطع غيار كلهم قالولى ملهاش غير نوع واحد اللى ب35 ج وسألت فى كذا منطقة مختلفة .

---

هيا مش المكنه بتاعتك ال 1500 الاتنين كامه

اقتباس:

---

المشاركة الأصلية كتبت بواسطة m.zaher

هيا مش المكنه بتاعتك ال 1500 الاتنين كامه

---

ايوة 1500

بص ياصاحبي انت تعرف التوفيقيه اسأل هتاك علي الحاجه اخلاص ودي مكانها في الالمبني الاحمر اللي في شارع سوق الفاكهه فيه عماره كبيره حمراء جديده فيها 3 ادوار محلات الحاجه اخلاص دي مستورده وعندا قطع الغيار الاصليه واسعارها اقل من السوق كله هاتلاقي عنها طلبك ان شاء الله ويايرت تغير الميكانيكي وروح لواحد تاني صنايعي نضيف

طيب انا هاقولك على حل
مكان المسامير عندك في الغطا نفسه لو بارزة اخلعها ووديها مخرطة يشيل منها الزياده
و غير الجوان و حط سليكون
و ركب جوان لكرتيره الزيت
وبعدين نشوف لو فيه تسريب تاني ولا ايه

QUOTE=maiasn2000;3872873688]بص ياصاحبي انت تعرف التوفيقيه اسأل هتاك علي الحاجه اخلاص ودي مكانها في الالمبني الاحمر اللي في شارع سوق الفاكهه فيه عماره كبيره حمراء جديده فيها 3 ادوار محلات الحاجه اخلاص دي مستورده وعندا قطع الغيار الاصليه واسعارها اقل من السوق كله هاتلاقي عنها طلبك ان شاء الله ويايرت تغير الميكانيكي وروح لواحد تاني صنايعي نضيف[/QUOTE]

للاسف انا من الاسكندرية
شكرا لمرور ياباشا

اقتباس:

---

المشاركة الأصلية كتبت بواسطة M.Zaher

طيب انا هاقولك على حل
مكان المسامير عندك في الغطا نفسه لو بارزة اخلعها ووديها مخرطة يشيل منها الزياده
و غير الجوان و حط سليكون
و ركب جوان لكرتيره الزيت
وبعدين نشوف لو فيه تسريب تاني ولا ايه

---

مش فاهم قصدك اوى
يعنى لو لقيت بروز مكان المسامير اوديها المخرطة يشيل الزيادة

على العموم انا بكرة هطلع على البنزينة
ادى المكنة غسلة تمام بالجاز
واطلع على الميكانيكى عشان اشوف الترشيح منين بالظبت
وان شاء الله ابلغك بالجديد
وشكرا لتعب حضرتك معايا

اقتباس:

---

مش فاهم قصدك اوى
يعنى لو لقيت بروز مكان المسامير اوديها المخرطة يشيل الزيادة

---

بص ياباشا
لما تفك غطا التاكيهات الفبر هاتلاقي مكان مابتركب المسامير فيه بيكون فيه عامله زي صاموله طويله مش عارف اسمها ايه بالظبط هيا بيكون لونها ذهبي
لو الحتت دي بارزه شويه عن الغطا من تحت طبعا هاتشيلها و تروح تشيل الملي او الاتنين الزياده دول في المخرطة و ان شاء الله الجوان مش هايجيب زيت

ان شاء الله بكره هاشوف في الصور عندي لو لقيتها هاوريهالك عشان الصور على جهاز الشغل

يوجد جوان للكرتيرة وبيتلزق فالكرتيرة بلزق امريكى شبة الكلة كدة ثم يركب
no jawan = oilllllllll

اقتباس:

---

المشاركة الأصلية كتبت بواسطة m.zaher

بص ياباشا
لما تفك غطا التاكيهات الفبر هاتلاقي مكان مابتركب المسامير فيه بيكون فيه عامله زي صاموله طويله مش عارف اسمها ايه بالظبط هيا بيكون لونها ذهبي
لو الحتت دي بارزه شويه عن الغطا من تحت طبعا هاتشيلها و تروح تشيل الملي او الاتنين الزياده دول في المخرطة و ان شاء الله الجوان مش هايجيب زيت

ان شاء الله بكره هاشوف في الصور عندي لو لقيتها هاوريهالك عشان الصور على جهاز الشغل

---

ياريت ياباشا صورة فعلا
لأنى مش متخيل الوضع كويس
بحاول افتكر الوضع كان عامل ازاى لما فكيت المرة اللى فاتت بس مش جاى معايا

اقتباس:

---

المشاركة الأصلية كتبت بواسطة qazqaz123

يوجد جوان للكرتيرة وبيتلزق فالكرتيرة بلزق امريكى شبة الكلة كدة ثم يركب
no jawan = oilllllllll

---

شكرا ياباشا على المعلومة
ان شاء الله لو طلع العيب من الكارتيرة هجيبة واروح بية للميكانيكى

شايف اللى في الدواير دي
هيا دي اللى انا قصدي عليها هاتلاقيها زي مانت شايف بارزه شويه طلعها من مكانها بالدق عليها براحه و بعدين وديها مخرطه يشيلك منها مللى او اتنين حسب البروز اللى عندك
يبقى كده خلصنا خالص من جوان التاكيهات
ويبقى فاضل جوان الكرتيره ركبه و ان شاء الله هاتلاقي الرشح راح خالص

http://img535.imageshack.us/img535/5918/23032010406.jpg

يا صاحبي الصاموله هي مش صاموله هي اسمها دليل رباط والقصد منها انها تحفظ نسبة الارتفاع والربط لكل مسمار والمفروض ان عليها كاوتشه صغيره زي الجلبه ومع الوقت الكاوتشه بتنضغط شويه وبالتالي الدليل ده بيبقي اعلي من المفروض والحل السليم انك تغير المجموعه دي بالكامل ( طقم الدليل ) لكن مش هاتلاقيه فيكون الحل البديل وهو انك تقصر طول الدليل المعدن علشان يربط ويبات تمام
اما من ناحية جوان الكارتيره انسي الجوملاكه لانها تنفع من العربيات القديمه بس اما مع الجديد لازم تجيب سيليكون حراري رمادي مش احمر ولما الميكانيكي يستخدمه لابد انه ينظف مكان السليكون في الاتجاهين يعني علي حرف الكارتيره بشوية بنزين والحرف بتاع فارغة الموتورمن تحت من اثار الزيتويستني دقايق قبل مايركب الكارتيره لحد السليكون مايشد شويه وبعدين يركبه ومايربطشي لحد مايطلع روح المسمار الرباط ليه حدود علشان يبقي للسيليكون مفعول وسيبه ساعه قبل ماتحط الزيت وكده باذن الله تحل المشكله كلها

تمام كده اسمها دليل شكرا ياباشا على توضيح الاسم

ولايهمك ياجميل والا احسن تفتكرني مش واخد بالي انك راجل زي الفل
يبقي نقول تسلم ياباشا هاهاهاهاهاهاهاهاها

اقتباس:

---

المشاركة الأصلية كتبت بواسطة maiasn2000

ولايهمك ياجميل والا احسن تفتكرني مش واخد بالي انك راجل زي الفل
يبقي نقول تسلم ياباشا هاهاهاهاهاهاهاهاها

---

:C_laugh[1]::C_laugh[1]:

بجد مش عارف اقولكم اية على وقفتكم معايا
شكرا ياباشا على الصورة كدة الدنيا وضحت معايا .
على العموم هقولكم عملت اية النهاردة
انا نزلت روحت على البنزينة عطيت المكنة غسلة محترمة
وجبت معايا عبوة زيت كيلو شل الاصفر عشان ازود الزيت اللى كان بيرشح وينقط
المهم روحت للميكانيكى وكنت متفق معاة انى هغسلها واجيلة
قالى سيبها دايرة شوية وبعدين نبطل ونكشف بعد كدة
نزل بص تحت وانا معاة لقينا الترشيح جاى من طبة الكارتيرة حاول يربطها على اساس مهوية لقاها على الاخر.
يبقى كدة طلعنا اول نقطة فضل يدعبس على حاجة تانى الحمد لله مفيش حاجة جايبة زيت تانى.

نطلع فوق لجوان التكيهات طبعا عشان لسة المكنة مغسولة مش باين ان فية ترشيح زيت ولا لأ دلوقتى
قالى دة تتابعة واول ما تلاقية بدل يرشح تجيبة على طول قبل ما ينشف عشان نعرف التسريب منين ونشوف هنعمل اية .
قولتلة دلوقتى هنعمل اية فى الطبة قالى هنسيب العربية تهدى وبعدين هنزل الزيت فى حاجة نظيفة ونشوف اية اللى هيبان .

قولتلة انا دلوقتى عندى مشوار على الساعة 6 ومش هلحق اجيلك بكرة بعد الصلاة او بعدة بالكتير اوى وابقى معاك براحتى واتفقنا على كدة.
وقولت بالمرة يكون جوان التكيهات جمع زيت وتبقى شغلة واحدة.
بس الحمد لله نسبيا حددت الترشيح فين.
اية رأيكو اعمل اية فى حوار الطبة دة ؟؟؟؟

مانا قولتلك كدة من الاول lol

أشترى طبة جديدة وركب جوان الكارتيرة بسليكون ولو أنى معرفش إية السلكون الرمادى داة

اقتباس:

---

المشاركة الأصلية كتبت بواسطة mohfud

أشترى طبة جديدة وركب جوان الكارتيرة بسليكون ولو أنى معرفش إية السلكون الرمادى داة

---

ده سليكون حراري بيتحمل درجات الحرارة العاليه مخصوص للجوانات ب 8 جنيه الانبوبة

انا اسف ياجماعة اتأخرت عليكم فى الرد
كان عندى ظروف شغلانى شوية .
الحمد لله وصلنا لمكان الترشيح
الطبة كانت بتجيب نقط زيت وتم تغيير الطبة وتركيب وردة . والنقطة دى اتحلت
كمان كان فية اويسيل ضارب اللى هو ورا سير الكاتينة فى البلوك بتاع المكنة و نظف مكانة كويس وغيرة . ( كنت مغيرة من فترة)
بالنسبة لجوان التكيهات انا شايفة مجمعش زيت لسة بس متابعة عشان اتفقت مع الميكانيكى لو فية ترشيح هيغيرهولى على حسابة مكان اللى لسة مركبة .
والله المستعان