بتدفع بقشيش في التوكيل؟؟؟

**ahmedsamir79** · 27-02-2008 11:55 AM

طبعا لا
مفيش حد بيدفع بقشيش في التوكيل

**m_aash** · 27-02-2008 12:04 PM

طبعا لأ
توكيل دايوو اللى فى العباسية مش بيحصل فيه الكلام ده , إللا لو إنت بتراضى العامل اللى بيدخل العربية و يخرجها بعد الصيانة , مفيش حد كلمنى أو لمحلى بموضوع البقشيش ده قبل كده.

**kissoun** · 27-02-2008 12:06 PM

بصراحه ياجماعه والحق يقال أنا فى صيانة الــ 1000 حاولت مع المشرف والفنى نفسه أحرجونى جـداً.... وقالوا عيب د شغلنا ورفضوا تماماً وبإصرار شديد .... واتنهى الموقف بخجلى الشديد ... ومعلهش إحنا تعودنا كده فى كل مكان .. كله عايز ... حتى لو ما عملش حاجه .... وده كان فى توكيل أحمد سعيد

**pcegypt** · 28-02-2008 10:32 PM

المشاركة الأصلية كتبت بواسطة Ahmad

أحب أولا أشكر كل من شارك في الموضوع. لقد استفدت كثيرا من تلك الردود. :)

حقيقة لقد أثرت فضولي بهذة الإجابة. :)
ممكن أسألك ليه مش محتاج أروح للتوكيل ؟

شكرا.
أحمد

ببساطة لإن أسعار التوكيل غالية جدا وعربيتك موديل 98 يعني خارج الضمان ، دا غير إن الموديلات القديمة من الإبيزا قطع غيارها منتشرة جدا بره التوكيل إن ما كانش جديد يبقى إستيراد وفيه ميكانيكية كتير شغالين فيها.

تحياتي

**tamim** · 28-02-2008 10:53 PM

ياجماعة انا مادام عربيتى لادا
هل معنى كده ان انا معى الحق ان اروح للتوكيل يصلحها ببلاش لو انا معى ضمان من المعرض اللى انا مستلم منه العربية ولا ايه بالضبط حد يفهمنى حكاية الضمان دى ايه

**pcegypt** · 29-02-2008 12:55 AM

المشاركة الأصلية كتبت بواسطة tamim

ياجماعة انا مادام عربيتى لادا
هل معنى كده ان انا معى الحق ان اروح للتوكيل يصلحها ببلاش لو انا معى ضمان من المعرض اللى انا مستلم منه العربية ولا ايه بالضبط حد يفهمنى حكاية الضمان دى ايه

أخي الكريم الفكرة إنك لما بتبقى شاري عربية جديدة بيبقى من شروط الضمان إنك تعمل الصيانة في التوكيل علشان الضمان مايسقطش لإنك لو عملت حاجة بره وباظت هايتلككولك في التوكيل ، لكن بعد إنتهاء فترة الضمان بتبقى مش مجبر إنك تعمل حاجة في التوكيل و كده ولا كده هاتدفع فلوس بس الفرق إن لما العربية بتبقى موديل قديم شوية و منتشرة تلاقيلها قطع غيار بره التوكيل باسعار احسن وكمان بتلاقي ناس كتير ابتدت تشتغل في صيانتها .

تحياتي

**Ahmad** · 29-02-2008 11:51 AM

المشاركة الأصلية كتبت بواسطة pcegypt

ببساطة لإن أسعار التوكيل غالية جدا وعربيتك موديل 98 يعني خارج الضمان ، دا غير إن الموديلات القديمة من الإبيزا قطع غيارها منتشرة جدا بره التوكيل إن ما كانش جديد يبقى إستيراد وفيه ميكانيكية كتير شغالين فيها.
تحياتي

أشكرك علي تفسيرك.

أنا مش بروح التوكيل في كل حاجة. أنا رحت التوكيل مرة واحدة و كانوا عاملين عرض لفحصمع شامل للعربية مجاني خصم علي قطع الغيار. فكرت اني أستغل العرض و أفحص العربية في التوكيل.

بس أنا بفضل أروح التوكيل في المشاكل المتعلقة بوحدة الحقن الالكترونية أو وحدة التحكم علشان دي حاجات محتاجة ضبط علي الكمبيوتر و أعتقد دي حاجات مش أي حد بيفهم فيها.

المشكلة أني حتي الان لم أجد ميكانيكي متخصص في الابيزا علشان أروحله. لو تعرف واحد فاهم ياريت تقوللي عليه :)

شكرا
أحمد

**pcegypt** · 29-02-2008 04:58 PM

المشاركة الأصلية كتبت بواسطة Ahmad

أشكرك علي تفسيرك.

أنا مش بروح التوكيل في كل حاجة. أنا رحت التوكيل مرة واحدة و كانوا عاملين عرض لفحصمع شامل للعربية مجاني خصم علي قطع الغيار. فكرت اني أستغل العرض و أفحص العربية في التوكيل.

بس أنا بفضل أروح التوكيل في المشاكل المتعلقة بوحدة الحقن الالكترونية أو وحدة التحكم علشان دي حاجات محتاجة ضبط علي الكمبيوتر و أعتقد دي حاجات مش أي حد بيفهم فيها.

المشكلة أني حتي الان لم أجد ميكانيكي متخصص في الابيزا علشان أروحله. لو تعرف واحد فاهم ياريت تقوللي عليه :)

شكرا
أحمد

بالتاكيد كلامك سليم 100% ، الواحد مابيروحش التوكيل لا للشديد القوي ، وطبعا لو حاجة خاصة injection أو control unit بيبقى التوكيل افضل.

تحياتي