الموضوع: موضوع Funny نوقف العربية موازى ولا عمودى:))

المشاركة الأصلية كتبت بواسطة aaet1

:)) مرة ركنتها فوق الرصيف طلعتلى عربية وخبطتنى

هههههههههه
والله الموضوع ده فكرنى بحكاية ركنة
يوم كنت فى شارع جامعة الدول العربية فى اول يمين بعد احمد عرابى المهم ان انا كنت من مدة شوفت يافطة كبيرة على الرصيف مكتوب فيها الانتظار ىجب ان يكون موازى للرصيف و ان ممنوع الانتظار العمودى الغريبة ان اليوم دة لاقيت كل الناس راكنة عمودى و لقيت مكان فى النص يكفى انى اركن موازى فقلت انا اركن صح احسن فطلعت لقدام و جيت راجع بضهرى علشان اركن موازى لاقيت السايس جاى جرى وعمال يشاورلى و لقيتة بيقولى كدة ممنوع و ان هو السايس الرسمى للمكان دة من زمان و لازم اركن عمودى قلتلة انا اللى اعرفة العكس و قعدت ادور على اللوحة مالقيتهاش المهم اصريت انى اركن موازى و نزلت من العربية و السايس عمال يبرطم لانى كدة اعتبر اخدت مكان عربيتين ممكن يركنوا عمودى المهم اول ما مشيت و طلعت فوق الرصيف لاقيت اليافطة بتاعة المرور لكن ملفوف وشها ناحية الرصيف و ضهرها للشارع فرحت من غير ما اقصد مزعق بصوت عالى فى السايس و انا بقولة مين اللى لف اليافطة دى و خلى وشها لجوة الراجل الظاهر افتكرنى ظابط لقيتة ارتجف و رد عليا ولا اعرفها ولا عمرى شوفتها يا باشا الظاهر الهوة هو اللى لفها ماقدرتش امسك نفسى من الضحك من رجفة الراجل و ردة السريع لدرجة انة ابتدى يتلخبط و بقى مش عارف يقول اية ولا انا اطلع مين راح سيابنى و جارى
اسف للاطالة