أيوة يا فندم، مظبوط :)
عرض للطباعة
]دى الفيلا جاهزه ب500 و600 و700 الف ايه التهريج ده
ربنا يحرق هشام طلعت مصطفى ده واللي زيه ،،، من لصوص العقارات كلها
وعلى الاسعار الجنان دي اللي تودي العباسية او الخانكة
والواحد بيتعب ويشتغل 12 ساعة عشان خاطر 1000 جنيه اللي هو مبلغ مالوش لزمة
انتوا بتتكملوا على المشاريع دي ليه
كانك معاكم مزارع بدل ما تزرع فيها طماطم ! بتطلع فلوس نقدية بالدولار
دول الخليج لا تملك للاجانب نهائية لا عرب ولا اجانب ده حتى العربية النص نقل التويوتا هايلوكس ممنوع يتملكها اجنبى
لازم الحكومات تشوفلنا حلول
لازم سعر متر يبدأ 500 الى حتى 2000 جنيه بحد اقصى
ومش عايزين خدمات ولا كومباوندات ولا حاجة
واسعار زهراء مدينة نصر خلوة دانا ب 195 الف تقريباً تجيب حاجة على شاريع الميثاف لكن الناس كلها بتقول ابعدوا عنها عشان هى مش مترخصة خالص !
ومعرض لقطع النور والكهرباء
حتى الصحراء بقت غالية
بصوا على القاهرة الجديدة ومنطقة كارفور المعادي لغاية شارع الزهراء بتاع المعادى وكمان الهضبة الوسطى الخاصة بالمقطم
هتلاقوا اجزاء ومساحات فاصلة صحراوية رمال وتراب من خلال Google Earth انا مش عارف الاسعار دي ازاي في الصحراء
ربنا يحرقهم بحق جاه النبى في نار جهنم وبئس المصير مخلدين فيها ابد الخالدين
قووولوا آمين
بعيدا عن سياق الموضوع انما مصر تعتبر دوله جاذبه للاستثمار العقارى لانه بالرغم من احساسنا ان الاسعار عاليه الا انها بالمقارنه باى دوله سواء خليجيه او غربيه حنلاقيها كويسه جدا جدا وده اللى بيخللى اخواننا العرب ييجوا يشتروا عقارات هنا لانه بالفلوس اللى معاه هناك يشترى استوديو ممكن يجيب فيلا فى احسن كمبوند فى مصر
وبره فى امريكا كمثال غالبيه الشعب اما بيعيش فى شقق ايجار او بيقسط مع البنك على 15-25 سنه فكأنه مأجر برضه ولو مقدرش يسدد بيتنفخ والشقق التمليك هناك للطبقه فوق المتوسطه والراقيه بس
وبرضه لازم نبقى عارفين ان الحكومه بتدعم صناعات الحديد والاسمنت ومستلزمات البناء كصناعات استراتيجيه انما فى يوم من الايام حتوقف الدعم ده وساعتها محدش يسأل على اسعار الشقق فى مصر لانها حتتباع بالسعر العادل وعلى فكره طمع التاجر بييجى من الخدمات اللى بيعملها يعنى المقاول اللى بيبنى عماره مربعات كلها شبه بعض غير اللى بيروح لمهندس يصممله شكل جديد ويشوف الغلب معاه غير اللى بيبنى كمبوند ويشوف دوشه العمال والخدمات المختلفه والتراخيص فلازم يطلب اعلى من المتوقع من اللى شافه فكل واحد بيدفع المستهلك تعبه ومبيراعيش ظروف حد .
الحديد فى مصر بنشتريه بالسعر العالمى والاسمنت اغلى من العالمي :)
يا باشا أنا بعت شقتى القديمة وقلت أدفع بيها مقدم حاجة للزمن للعيال رحت مدينتى لقيت الشقة ال 90 متر عاملة زى الحوق أوضتين فى غاية الصغر وصالة مش ريسبشن وحمام صغير ومطبخ شرحه عاوز مقدم 270 ألف وقسط شهرى على 8 سنين 2400 جنيه ودفعة سنوية لنفس المدة 26 ألف بلبل ... مع العلم ان الشقة على المحارة يعنى عاوزالها 50 عالأقل كمان تشطيب ... قلت للمدام ولا عيال ولا غيره أما يكبروا يحلها الحلال ان شاء الله