يا ريت يا جماعة اللى وصلله حاجة يبعت للباقى
علشان مفيش اى حاجة وصلتنى
عرض للطباعة
يا ريت يا جماعة اللى وصلله حاجة يبعت للباقى
علشان مفيش اى حاجة وصلتنى
اللى عايز معلومات عن مدينتى يدخل الموقع ده
كمان هتلاقى فيه صور تطور العمل فى الموقع!!! شغل كبير :)
http://www.madinaty.com
الشقة ال 204 م كانت على عشر سنين ب 880
الكلام دة فى 7 اللى فات
شكرا للعضو
goldenmaneye
بس يا جماعة دى مواقع اعلانية
لا فيها اسعار و لا انظمة التقسيط
انا شايف انها ماتستهلش المبلغ ده كله و فيه حاجات احسن بكتيير و بأقل من كده
انا حتى لو معايا المبلغ ده مش هفكر مجرد التفكير فيها
الاسعار ديه غالية باستهبال - دى العمارة الواحدة مش حتكلفهم مليون جنيه
مش عارف يا جماعة رغم اني محصليش عظيم الشرف ورحت دبي او ابوظبي ...
اظاهر والدتي الله يرحمها مكنتش تعرف ان فيد بي فيه نمر عربيات هناك بتتباع بالملايين ..
ورغم اني محاولتش اسافر لو محاولة لبلاد الريالات اللي في افلامهم بيضربوا المصريين عل افاهم
ورغم اني مكنتش مسئول عن شحنة الحمير اللي بعتها السادات للامارات العربية الشفقيقة
الا انني عارف اننا وصلنا او قربنا نوصل لعلو الاسعار العقارية الخيالية هناك ...
بس ياريت نوصل لمستوي الناس المعيشي هناك ... خصوصا
واااه من خصوصا دي ...
خصوصا اني للاسف مش عارف ليه حاسس ان شعار
"لو لم اكن مصريا لوددت ان اكون مصريا" مكنش بتاع الزعيم مصطفي كامل زي ما خدنا في سنة ستة اول :d :d:d
حاس انه كان بتاع واحد من الحزب الوطني اااه وعجبي
:::::::::::::::::::: بس لازم ناخد بالنا من حاجة يا جماعة الأسعار غالية جدا في مدينتي والرحاب عشان دي مدن بمفهوم المدينة المتكاملة يعني مش هتحتاج تخرج من المدينة خالص يعني :-
مدارس - جامعات - بنوك - إشتراك نادي لكل ساكن - مولات - مطاعم - سينمات - شبكة مواصلات داخل المدينة وخارجها على أعلى مستوى - نظافة شوارعها - يتم دهان المباني داخل المدينة كل عامين يعني موضوع مختلف خالص وإللي مش مصدق يروح مدينة الرحاب ويشوف بنفسه ..... لنا الله :::::::::::::::::::::::::::
انا ساكن في الرحاب من 2003 : لما كنت ساكن في العمارة لوحدي لكن الصورة الأن اختلفت
- سرقات كتير - غسيل وعجل و دهب ناس واحد صاحبي لسه مسافر ماليزيا سافر و بيكلمني كل شوية علشان اشوف عربيته موجودة ولا اتسرقت ..
- كل شوية يغلوا الصيانة
- اسعار الخدمات نار (عن نفسي باجيب حاجات البيت من مدينة نصر او مصر الجديدة)
- المدارس سيئة جدا و فيها احتكار (معظم الناس اولادها في مدارس برة الرحاب)
- الباركينج ساعات مش بالاقي مكان فيه.
- الشوارع كلها مكسرة و مش هيظبطوها قبل الغاز بعد لما يدخل
لكن في المقابل : هوا نضيف - اضاءة جيدة - نظام جيد ::::::::::: بس فيه اماكن كتير في الشروق و العبور و التجمع برضة كويسة
مع فارق السعر الرهيب ::::::: الرحاب وصلت 5000 و ممكن في التجمع ب 2000 و في حتت حلوة زي النرجس مثلا -- بس ادامها كام سنة علي ما تعمر اوي
شكرا يا باشا على الأيضاح - بس مع الغلو الرهيب فى الأسعار غللى يجيب شقة يبقى عايز ضرب ...........
بالنسبه للفيلات فى مدينتى اى حد هيشوف الصور اللى على موقع الشركه هيلاقى سمك العمود حوالى 15 سم الشقق احسن شويه
طلعت مصطفى كسب كتيير لانه واخد الارض ببلاش وبيبنى اى كلام بس التشطيب كويس والخدمات متكامله
يا جماعه ...
العقارات من ضمن الحجات القليله جدا جدا اللي نادرا جدا ممكن تخسر ...
يعني مبيخسرش منها إلا واحد منحوس صح ...
الشقه دي بـ 990 الف بعد سنتين او حتى شهرين (في اجازة الصيف) ممكن توصل لـ مليون وربع
فعادي جدا
صعب انك تقارن سعر العقارات و الاراضي بسعر العربيات مثلا ... اكيد لو واحد معاه 5 مليون مش هيشتري عربيه بالمبلغ ده علشان مليون % هيخسر فيها ... لكن لو اشترى ارض ممكن ببساطه بعد كام شهر ياخد مكسب محترم بعدها
مناطق زي اسماعيليه كان واحد من اصدقائي اشترى مساحه (مهوله) من الارض زراعيه من غير اي لزمه من حوالي 8 سنين ... دلوقتي جايبه له اكتر من 4 اضعاف المبلغ اللي كان دافعه
في برضو مناطق في مدينه زي بنها المتر الارض كان بـ300 جنيه من 12 سنه دلوقتي وصل 6000 جنيه (وده عن تجربه شخصيه)
فا تخيل لما الكلام ده على مدن مش اساسيه ... امال بقا لما يكون الكلام على مدينه زي القاهره و محيطها ... لازم الاسعار تتضاعف بشكل كبير اقل واجب
فا موضوع العقارات وشراء الاراضي دا وسيله للربح وفي نفس الوقت تخزين الفلوس بدل البنوك
البنك هيديك فايده من 8 إلى 9% في السنه ... الارض هتجيبلك فايده 30% في السنه و العقارات بتجيب فايده مش اقل 25% (طبعا اعتمادا على المنطقه وكدا)
تحياتي
mkhozamy_egpc@yahoo.com
and thank you brother
ياجماعة اللى مغلى ورافع اسعار مدينتى وايضا الرحاب 00 هم الخليجيين وللاسف نحن البلد الوحيد فى المنطقة العربية التى تسمح للاجانب بالتملك وهنا بالسعودية لاتستطيع ان تمتلك حتى السيارة التى تشتريها بمالك الا بعد موافقة الكفيل ، وللاسف نحن فتحنا الباب على البحرى واقسم بالله لو تم اخذ قرار بمنع تملك الاجانب لنزلت الاسعار مرة اخرى ولكن للاسف المصالح قبل مصر دائماً
+100000000000000
و كمان لو تم وقف دخول المستثمرين العرب ..... لتوقف بناء منتجعات جميلة مثل تلك
مع وجود نُخبة كبيرة من الأغنياء المصريين و هم الأغلبية في عمليات الشراء و ليس العرب
أي بلد ذو أقتصاد رأسمالي يجب أن يكون التملك فيها مفتوح
مع تحفظي على الأسعار المُبالغ فيها جدا
و شكرا
أنا لو معايا المبلغ ده و عايز أشتري هاشتري
ببساطة لأنني بشتري المكان أكثر من الشقة
يعني أنا منطقة زي المهندسين
لو أدوني فيها شقة ببلاش مرحش أقعد فيها و لا المعادي و لا الزمالك و لا وسط البلد
أنا بحب الأماكن الهادية المتطرفة و يُستحسن لو كانت كومباوند ( حي مغلق على سكانه )
و طبعا السعر عالي قوي بصراحة و لكنه يستاهل
اعتقد ان من الافضل وقف الشراء وليس الاستثمار والفرق كبير وواضح بينهم 000 فليس كل من يقوم بالاستثمار يفرض المشترى ، وللاسف غالبية المشترين فى الرحاب ومدينتى هم من العرب ويمكنك ان تراجع ذلك مع احد مسئولى الشركة ، واى بلد ذو اقتصاد راسمالى ليس من شروطة التملك الحر بدليل ان السعودية ذو توجة اقتصادى راسمالى ومع ذلك لاتستطيع ان تمتلك اى شبر ارض بها وغير مسموح ، وبلاد كثيرة مثل انجلترا تستطيع ان تقوم بشراء شقة بها ولكن يفرض عليك ضريبة للعقار وتكون عالية حسب علمى
وكل بلد ولة ظروفة وكل بلد يقيم ظروفة حسب ظروف ابنائة سواء كان الاتجاة راسمالى او اشتراكى او حتى بوذى المهم مصلحة ابنائة
واننى اتسأل عن اى فرد يرغب فى ترك التملك مفتوح هل ترى معى ان الاسعار بهذا الشكل لايستطيع عليها اى مصرى مهما كان دخلة الا فئة قليلة على الاصابع
الأسعار دي رخيصة على فكرة:)
في Up Town Cairo سعر المتر كان ب 7000 جنية من سنة فاتت:):) يعني صحبك الغلبان دة بتاع مدينتي يدوبك يقدر علي شقة 100 متر دلوقتي في Up Town :d
بالنسبة لإنجلترا
يتم مُعاملة كل الملاك مُعاملة واحدة .............. معندهومش خيار و فاقوس
يعني لو عندي بريطاني الجنسية و جاري مصري
أحنا الأثنين بندفع نفس قيمة الضرائب العقارية
و بأركن في الشارع ما دمت بدفع زي أهل البلد من ضرائب
و الضرائب العقارية دي على كل الناس و بنفس القيمة
و أنا عارف إن السعودية مُختلفة شوية ........... و ده ميخليهاش صح
الإستثمار معناه التملك ............ و بما أن السعودية غنية من دخل البترول فلا تحتاج إلى مستثمرين أجانب أو عرب
أما مصر فالوضع مختلف
لو تم وقف التملك الأجنبي سيتوقف الإستثمار الأجنبي و معناه توقف دخول أموال و رؤس أموال جديدة في شريان الإقتصاد الوطني
و بالنسبة للأسعار .......... هي فعلا مُبالغ فيها و لكن ليس بسبب العرب وحدهم
فالمواد الخام أسعارها في ازدياد ( حديد - أسمنت - نقل )
و أسعار الأيدي العاملة أيضا في ازدياد و هناك تضخم في حجم الأسعار لا يقابله إنتاج مماثل في الإنتاج العام
و السعودية ظروفها مُختلفة تماما و كلياً عن مصر
و أنا أرى أن النظام السعودي ليس هو الأفضل و خصوصا موضوع الكفيل هذا الذي يتحكم في مخاليق الله من العرب الغير سعوديين
المهم ............ المصاريف كتير يا يا جماعة ........... و الشركات طماعة تريد تحقيق أرباح كبيرة
و على فكرة يا أستاذ محمد
هناك مشاريع كثيرة و تجمعات سكنية كثيرة خاوية لا تجد من يشتريها
لا عرب و لا مصريين و ذلك لتطرف مكانها أو غيره من الأسباب الأخرى
و بعدين هذا الازدياد في الأسعار سيتوقف تلقائيا بمجرد تشبع السوق
و شكرا
فالمواد الخام أسعارها في ازدياد ( حديد - أسمنت - نقل )
و أسعار الأيدي العاملة أيضا في ازدياد و هناك تضخم في حجم الأسعار لا يقابله إنتاج مماثل في الإنتاج العام
و السعودية ظروفها مُختلفة تماما و كلياً عن مصر
و أنا أرى أن النظام السعودي ليس هو الأفضل و خصوصا موضوع الكفيل هذا الذي يتحكم في مخاليق الله من العرب الغير سعوديين
المهم ............ المصاريف كتير يا يا جماعة ........... و الشركات طماعة تريد تحقيق أرباح كبيرة ( اقتباس )
على فكرة كل كلامك مضبوط مائة فى المائة ولاخلاف عليه ولكن طبعا لو رجعت لوراء بعض الشىء ايام ماكان ممنوع التملك للاجانب كانت الاسعار رخيصة وعملية ولكن منذ ان بدأ التملك وبدأت الاسعار بتزيد اكثر واكثر عشرات المرات ، وعلى فكرة الاستثمار لادخل له بالتملك لان الاستثمار لايعنى ان اقوم بتمليك اراضى او شقق للاجانب وهذا يكون حسب نظام كل بلد يعنى النملك فى بعض الدول يكون لمدد معينة ومعرفتى ان دبى التملك بها لمدة 99 عام فقط وليس لنهاية العمر كما سمعت وقرات سابقا من بعض الاخوة ، ولاخلاف بيننا فى ان من اسباب رفع الاسعار المواد الخام وايضاً الطمع خاصة واننى ازيدك من الشعر بيت
السادة المستثمرين وخاصة طلعت مصطفى يأخذ اللارض من الدولة المتر بخمسون جنية فقط ويقوم ببيعة للمواطن بأكثر من اربعة الاف جنية
عموما اللهم ارحمنا من جشع هؤلاء
واليك تحياتى
الحمد الله على كل شئ
يا جماعة كلام جميل بس المشكلة إنه بعيد عن الواقع ولا كأننا مش من مصر
الناس بتتخانق علشان تحجز الشقق في الرحاب ومدينتي مع اسعارها الفظيعة المخيفة دي وفي ناس بتعمل حوارات علشان تاخد شقق في أماكن مميزة
وفعلاً الرحاب ومدينتي دلوقتي بقت واجهة السكن المميز للي يقدر يدفع فقط و بقت كومباوند للقادرين بس .بذات المراحل الجديدة اللي اسعارها بقت بالملايين أما المراحل الأولى اسعارها كنت رخيصة جداً لذلك في فصل واضح في التصميم و المكان بين المراحل القديمة والجديدة
في واحد صاحبي من حوالي ٥ سنين واخد الشقة ال-١٢٥ م بحوالي ١٢٥ ألف جنيه في المرحلة الأولى دلوقتي نفس المساحة بس المرحلة التاسعة بحوالي ٧٥٠ ألف جنيه وأكتر كمان لو مكان مميز بس مع فرق التصميم والتشطيب والمكان داخل المدينة طبعاً
عموماً الرحاب دلوقتي بقت مش لأي حد خلاص واللي إشترى شقة زمان بتجيبله ٥ أو ٦ أضعاف دلوقتي .
وربنا العاطي بقى
Thanks
Eng.Sherif Shaker
السلام عليكم يا جماعة
حد شاف الاعلان الجديد بتاع اهرام الجمعة
وحدات من 42 الى 96 م2
انا اتصلت بيهم امبارح و اخدت شوية بيانات
بالنسبة للشقة ال 59 م2 اللى المعمارى موجزد فى الاعلان و الصراحة هو عملى و مستغل المساحة كلها و مش هتحتاج تسند باب الشقى برجلك زى محمد صبحى معمل
مقدم حجز 10900
دفعة تعاقد بعد 3 اشهر 10900
16 قسط ربع سنوى 10900
قسط شهرى * 17 سنة 1090
دفعة استلام بعد 45 شهر 11350
و كدة يبقى تمن الشقة ال 59 م2 ب 430 الف جنية بعد 17 سنة
بعنى المتر عدى ال 7 الاف جنية
واية كمان الشقة على الطوب
و بيقول ان اشتراك النادى هدية فوق البيعة و المنطقة حلوة على ممشى كبير و جنب السنتر و معرفش اية
ووديعة الصيانة عند الاستلام مقليش مبلغها دلوقتى بس تعمل حسابك ب 15 الف بالميت
وبيقول ان فى وحدات بابعاد معينة خلص الحجز عليها الجمعة بس
اية رايكم فى الكلام دة
59 متر بـ 430 الف !!!
ماشاء الله ...
ودي اربع غرف و صاله ومطبخ وحمامين و تراس ولا متقسمه ازاي ؟!!!!!!
الشقق دى إشتراك النادى لوحده بـ 32000
حضرتك تدفع مقدم 4000 جنيه والباقى على 60 شهر يعنى مفيش حاجة فوق البيعة!!
والشقق مش متشطبة تشطيب داخلى يعنى على الطوب.
انا روحتلهم السبت لقيت زحمة موووووووت وكأن الشقق ببلاش ، والله الناس بتتحايل على موظفين المبيعات يشوفولهم شقة!
اصلهم زودوا السعر 5% يوم الأحد بعد ما إتباع على لسان واحد من المبيعات 120 عمارة يوم الجمعة و السبت إضرب بقة فى 10 شقق!! :3gears:
سينتهي السوق العقاري المصري....
كما انتهي السوق العقاري الامريكي..
.
.
.
ارتفاع غير طبيعي في الآسعاربسبب العرض والطلب
عجز عن السداد....من ملاك العقارات....
افلاس للبنوك.......وعدم قدرتها علي تحصيل اموالها ...
تدهور للاقتصاد...وهبوط حاد في سعر الصرف للعملة...
وهي دي برضة كانت سبب ازمة تايوان من كام سنة....وشرق آسيا كلة..
الرهن العقاري....هو سبب خراب اي اقتصاد في العالم.....
:dots:
حد جرب يسال فى اعمار؟
الشقه 179 متر ب مليون و 500 الف
الشقه 200 متر ب مليون و 900 الف
الشقه 236 متر معديه 2 مليون
يجماعة معلش ياريت الناس تبص على نقطة محددة
تقسيط عشر سنين يعنى الطبيعى ان سعر الشقة يبقى الضعف علشان الفايدة
يعنى الشقة اللى بمليون دى حتشتريها كاش دلوقتى بنص مليون
يعنى الشقة 179 متر بنص مليون
يبقى المتر متشطب ب 2800 جنيه
على مستوى الاسعار دلوقتى اعذرونى يبقى حلو جدا
والله مبشتغل فى طلعت مصطفى
كمان حاجة ..الشقة 179 (125+50 م حديقة ) الاسعار الي حضرتك قولت عليها كمثال ولا سعرها فعلا ؟
لان انا فاكر انها بالتقسيط مجموع سعرها 800 تقريبا ..
ياجماعة الاسعار بتاعت مدينتي دي مبالغ فيها جدا جدا جدا لأن طلعت مصطفي بيبيع الشقة (اللي لسه مظهرتش على وش الارض) بأسعار سنة 2018 يعني وقت المدينة ياضوب مايقى ليها منظر على وش الارض. يعني هو بيبيع ليك الهوا النهاردة بسعر الشقة بعد 10 سنين ويمكن اكتر كمان
لا هو مفيش كاش وده نتيجة زى مفهمت ان البنك العربى الافريقى شريك ليه فى المشروع
ثانيا طلعت مصطفى بيبيع على حس الرحاب واللى عمله فيها وشوف الاسعار فيها عملت ازاى
اخيرا برده انا مش بدافع والاسعار خيالية بس محدش يقارن بين سعر شقة كاش وسعر شقة تقسيط اربع سنين وشقة تقسيط عشر سنين
مفيش اى وجه للمقارنة
وده مش طلعت مصطفى بس
شوف اى حد مقسط على 8 سنين على الاقل حيتضاعف تمن الشقة علشان الفايدة