الموضوع: القول الفصل في صوت الرجرجه بالمطبات الصغيره...عصارة التجربه

اولا اوجه الشكر للاخ ahmed_h_g لانه هو اللي حط ايده علي العيب بالضبط
وانا ظليت الف وادور لحد ما رجعت لنفس النقطه اللي هو قال عليها

اما بخصوص صوت الرجرجه اللي ممكن تسمعه من العربيه من ادام وتحس ان الصوت ده جي من عند العجل
فهو مشكله لانه بيحسسك ان فيه شئ سايب في العربيه وناس بتتعايش معاه وتنساه وناس بتبقي متضايقه وعايزه تخلص منه ... اخوكم بقا من الصنف التاني ده وفضلت احفر لحد ما قضيت عليه

اسباب الصوت:
----------------
له اربعة اسباب لا خامس لهم ومتسمعش اي حد يقولك ان له سبب غير دول
1-بلية العجله



2-صليبة الكوبلن الداخلي


3-قواعد الموتور



Uploaded with ImageShack.us

4-الاسكاترا


بدأت رحلتي مع الصوت عندما اشتريت السيارة ووجدت بها هذا الصوت(هيونداى اكسيل)
واول شئ شك فيه العفشجي كانت صليبة الكوبلن وغيرناها ولا جديد
فقال لي دي قواعد الموتور وابتدينا ندعمها ونربطها ولكن لا فائده
ثم قال انها بلية العجلة وبالتالي غيرناها ايضا وظل الصوت

في الاثناء دي كان اخونا ahmed_h_g قال لي انها الاسكاترا (علبة الدركسيون)
ولكن ظل العفشجي يبدل ويغير
وانا ادفع

الي ان قال ممكن تكون من الاسكاترا فعلا وبالفعل اتضح ان الصوت كان منها
واختفي الان ولاحظت ان الاسكاتر بتعصب العربيه وتشدها بطريقه كبيره
لدرجة ان الباب كان بيزيق مع حدوث صوت الرجرجه اختفي تزييق الباب بعد تغيير الاسكاترا

اذا لكل من عاني من هذا الصوت
لا تفكر سوي في تلك الاسباب الاربعه
بلية العجله يمكن الكشف عليها والعربيه واقفه وتهز العجله بعنف بايديك
لو لاحظت اي حركه للعجله (بوش يعني)مهما كان بسيط ممكن يكون هو سبب الصوت

او قواعد الموتور بانك تدي العربيه غيار وتفتح الكبوت وتهز العربيه وتلاحظ الموتور لو فيه حركه يبقي هو

او الاسكاترا ودي محتاجه متخصص

او صليبة الكوبلن الداخلي


ارجو اكون افدتكم لاني بقالي اكتر من 40 يوم وانا ورا الصوت ده
وحبيت انقل لكم التجربه بامانه وافيدكم زي ما استفدت منكم

موفقين