يا جماعه لو سمحتوا كنت عاوز استفسر منكم عن الهيونداى الماتريكس و ايه اللى المفروض الواحد بيخلى باله منه فى العربيه لما يجى يستلمها و كده مستنى ردودكو هى موديل 2008 نبيتى
عرض للطباعة
يا جماعه لو سمحتوا كنت عاوز استفسر منكم عن الهيونداى الماتريكس و ايه اللى المفروض الواحد بيخلى باله منه فى العربيه لما يجى يستلمها و كده مستنى ردودكو هى موديل 2008 نبيتى
اتأكد من رقم الشاسية والموتور الى مدهملك وطبقة بالمبايعة الى هيدهالك وورق الافراج الجمركى بتاعها ثانيا هى بيجى معاها استبن وكريك ومفتاح العجل ومفتاح الكريك ومفتاح 12 10 وكتاب التشغيل بتاعها والضمان بتخدة لما تيجى تروح تعمل صيانة الالف كيلو وربنا يباركلك فيها ومتنساش تبقى حنين عليها فى اول 2000 كيلو
ممكن أسألك استلمتها بعد أد أية ؟
شكرا يا جماعه و مستنى باقى الردود و الحقيقه انا لسه مستلمتهاش
ايه يا جماعه معقوله محدش عنده علم بالماتريكس رغم انى اللى اعرفه ناس كتير فى المنتدى معاهم ماتريكس
ايه يا جماعه ارجو الرد بسرعه لأن الاستلام قرب
إتأكد من كل اللي فات و هأزود الولاعة و الإريال و في بلاستكة صغيرة بيتقفل بيها مكان الإريال لما يتشال لازم تحافظ عليها علشان تركبها لما تغسل العربية و تشيل الإريال و تلف حول العربية و تشوف لو فيها أي تجريحات أو أي حاجة كدة ولا كدة و تجرب كل الأنوار قبل ماتمشي من الأجانس و تجرب الراديو و التكييف لمدة ثواني بس تتأكد إنة بيشتغل و بس كدة و ربنا يديك خيرها و يكفيك شرها و ماتنساش تدبح حاجة لله و ربنا يستر طريقك و طريقنا كلنا . اللون النبيتي جميل بس أنا عربيتي القديمة كانت نبيتي علشان كدة حبيت أغير .
الف شكر على رد حضرتك
الف مبروك مقدما
اول حاجة لف حول العربية وخذ باللك من اللون اتاكد من فوانيس الشبورة سليمة لانها اول حاجة فى العربية من تحت جرب الكاسيت التكييف الزجاج الكهرباء اسمع صوت الموتور شوف الاستبن الكوريك مفتاح العجل مفك عادى وصليبة فى مفك واحد كتيب الضمان العربية وكتيب ضمان الكاسيت والاريال
الف شكر يا استاذ باسم على نصيحة حضرتك و كنت عاوز اعرف هو الاستلام بعد دفع الفلوس مدته اد ايه
لو حاجز فى غبور تقريبا مابين خمس ايام واسبوع اما لو فى معرض برة بتستلم على طول
انا حاجزها فى معرض غبور اللى عماد الدين و لما كلمتهم انهارده قالولى معندهمش فكره العربيه هتيجى امته و انا كنت حاجز يوم الاثنين اللى فات و الصراحه الكلام ده ضايقنى لأنهم كانوا قايلينى هيسلموهالى بدرى على قد ما يقدروا و دلوقتى بيقولولى مش عارفين العربيه هتيجى امته
طب لو كاش ماتشترى من اى موزع معتمد غبور وتستلم على طول
ما انا خلاص دفعت الفلوس لغبور
عمتا كل تاخيرة وفيها خيرة وربنا يعمل الية فية الخير
الف شكريا استاذ باسم و معلش بتعب حضرتك معايا
احنا كلنا هنا اخوات وعيب تقول كدة وانا تحت امرك فى اى استفسار