YouTube - How to polish out wheel scratches
عرض للطباعة
بجد مش عارف اشكر حضرتك كفاية ازاي :) باشا انتا ربنا يخليك و يكرمك :) الفق شكر على الفيديوهات ديه كلها :)
الشكر لله احنا فى المنتدى ده بنخدم بعض كل اللى عارف حاجه بيقول للتانى عشان كلنا نستفيد
اولا انا لسه ملقتش الفيديو اللى انا قلت لك عليه (سامحنى)
بس اقدر اوصفهولك
1-هو رفع العربيه (زى مبترفعها فى البنزينه عادى)و فى حد جواها تانى عشان لما يقوله هات الاولانى والعجل يلف براحه سلانسيه كده.
2-جاب نوعين صتفره (بصراحه مش فاكر كام و كام)و كان بيخلى العربيه على الغيار الاول و بيسبت الصنفره عليها عشان تصنفرها و تخليها ميه وحده زى ما الجهاز بيعمل فى الفيديو.و كان بيبل الصنفره دائما بالماء.
3- بتلاقى بعد كده مكان الخربشه راح شويه فاضل بس التنعيم (و هنا بيجى دور النوع التانى من الصنفره ايضا بالماء)
4- بتلاحظ ان مكان الخربشه راح خالص (و لكن مكان الصنفره غير لون الجنط شويه :خلاه عامل زى الستانلس كده بيلمع اوى يعنى و لون فارق عن الجنط شويه)
5- هو فى الفيديو شال اللون القيم من الجنط كله عن طريق ماده سائله كدهو الصنفره (الكلام ده لو هتغير لون الجنط بلون تانى خالص مختلف)
6- نظف الجنط كويس و سيبه ينشف
7- رش ماده لونها فاتح عشان الجنط يقبل الرش و كمان يثبت و سابها تنشف.
8-رش الجنط بسبراى حرارى بطريقه معينه و رشه كذا وش و ترك فتره بين كل وش و التانى عشان ينشف
9- لمع الجنط كويس و حط عليه بوليش و لمعه تمام التمام
و ان شاء الله اول مهلاقيه هبعتهولك او هعمل موضوع جديد خاص بتصليح الخدوش )
خش يا باشا على اليوتيوبو جوجل بس اكتب الكلمه صح بالانجليزى و هتلاقى كل جاجه بالاسبلنج الصح فى المانيوال بتاع العربيه كمان(هتلافى مقالات و فيديوهات كتبر مغرقه الدنيا بس انت دور و شوف)
و لو عاوز تعمل فيا جميله لو عرفت اى معلومه مفيده او تجربه شخصيه فى العربيات يا ريت متبخلش علينا.
و السلام ختام
شكراً للمعلومات