القاهرة و بغداد The Frog Effect
The Frog Effect لمن لا يعرفه هو ان الضفدع ( كائن برمائي من ذوات الدم البارد ) اذا وضعته فجأه في وعاء به ماء مغلي سيقفز بسرعه الي خارج الوعاء .. بينما لو وضعته في الوعاء و هو به ماء عادي سيظل قابعا .. و اذا قمت بتسخين الماء ببطء .. ببطء .. سيصل الي الغليان بدون ان تقفز الضفدعة حتي تموت
فاكرين بغداد من 2003 و لمدة 3 -4 سنين كده .. انفجار يموت فيه 20 .. حادث يموت فيه ثلاثين .. كل يوم .. كأنهم كتاكيت !!!
سامعين عن قتلي حوادث الطرق مؤخرا في القاهرة .. من 10 سنين كان فيه حوادث .. بس بتاع قتيل في اليوم .. دلوقتي العدد وصل اكتر ثلاثين مرة بس ببطء .. ببطء .. حتي اصبحنا لا نشعر بالوكسة اللي احنا فيها .. ما كان سيقرأ من 10 - 20 سنة عن انه كارثة قومية و يوم حداد .. اصبح خبر تقرأه عادي جدا .. بل اقسم انه حادث نقل كبير أو مقطورة يوميا لن يتسبب في أي حداد و لا مظاهرات ولا طلب باقالة الحكومة أو المرور ...
فهل نحن ( الضفادع المصرية - بس مش بتوع البحرية ) سنظل هكذا حتي .. نمـــــــــــــــوت ؟!!!