تعمل ايه في المواقف دي؟

**SunSet** · 22-07-2010 12:48 AM

المشاركة الأصلية كتبت بواسطة zkralla

باقطع العلاقه

لو اصحاب ماشي لكن لو اخوك او ابوك او قريبك , برضه حتقاطعه؟

**ابوهاشم** · 22-07-2010 12:58 AM

مع الاسف الشديد النوعيات دى اصبحت شئ اساسى فى الحياه
بنقابلهم كل يوم وفى كل مكان
ومبقاش ينفع نقول نقاطعهم والا هنقاطع الدنيا كلها
بس المثل بيقول (اعرف صاحبك وعلم عليه)
يعنى اتعامل معاهم بحرص شديد
والله الواحد مابقاش عارف يحرص من مين ولا مين

**A7MED_PHARMA** · 22-07-2010 01:02 AM

المشاركة الأصلية كتبت بواسطة muslima

لو اصحاب ماشي لكن لو اخوك او ابوك او قريبك , برضه حتقاطعه؟

سيبك من قريبك
لكن لو أبوبا وأخويا ..هتبقا صعبة أوي
وهعرف إن علاقتي بأبويا أو أخويا مصلت لمرحلة حرجة..ومحتاجة تعديل أساسي

**زينة الله** · 22-07-2010 08:57 AM

ربنا كبير فعلا لكن اللي اقصده ان فيه مواقف بيكون ما ينفعش كأنثى تبقي فيها وحيدة
صعب احساس انك تضطري تبقي انثي وراجل في ذات الوقت

فعلا صعب انك تضطرى تبقى انثى و راجل فى نفس الوقت لكن مش مستحيل ، و لما تكون دى الطريقة الوحيدة أمامك لحماية نفسك لازم تبقى فعلا راجل و ربنا بيعين الواحد ، و فعلا ياما بنات بميت راجل زى ما بيقولوا

طبعا احيانا يكون ده مش بإيدك, اللي اقصده لو ده حصل فعلا.... انا حصل لي موقف كدة من فترة وادماني بمعنى الكلمة و وده مرتبط بالسؤال اللي بعده لما فجأة تصرف أهوج غير مسئول من حد تلاقي حد تاني بيهاجمك وانت مش فاهمة ليه

إحساس صعب جدا

معاكى ان الاحساس بالظلم صعب جدا لكن اصبرى واحتسبى عندالله وحاولى توضحى موقفك و إن ما وجدتيش استجابه فوضى امرك لله و شوفى مصلحتك و اشغلى نفسك بحاجة مفيدة و حاولى تتجاهلى الموضوع حتلقيه بيصغر و يتلاشى

عندك جق بس يبدو اننا حنخسر كل الناس

دى حاجة مش بايدينا دى من اعمالهم ازى نأتمن خائن و المهم اننا نكسب نفسنا وبروا مش نقاطعهم بس معاملة ماتجرحناش و لا تخسرنا

طيب لما بتقابليه بيبقى عادي؟ لان في ناس من البرودة بمكان انهم يسألوكي ويفتحواهم الموضوع رغم انك بتتجاهلي الكلام عنه

حاولى تتجنبى الناس اللى بتصر تفتح معاكى الموضوع اللى مضايقك لفترة حتى يهدأ الموضوع وتهدأ نفسك و لكن لو اضطرتى جوبيهم باجابات مقتضبه و مختصرة جدا و قفلى على الموضوع و ما فيش مانع تبينى انك متضايقه من الكلام فى هذا الموضوع و تركبى الوش الخشب ، صدقنى مش حيفتحوا الموضوع دا معاكى تانى و عن تجربة

أخيرا ربنا معاكى تخرجى من الازمة دى على خير وتتعلمى منها وتبقى اقوى ان شاء الله

**SunSet** · 22-07-2010 09:50 AM

المشاركة الأصلية كتبت بواسطة tifana2010

فعلا صعب انك تضطرى تبقى انثى و راجل فى نفس الوقت لكن مش مستحيل ، و لما تكون دى الطريقة الوحيدة أمامك لحماية نفسك لازم تبقى فعلا راجل و ربنا بيعين الواحد ، و فعلا ياما بنات بميت راجل زى ما بيقولوا

معاكى ان الاحساس بالظلم صعب جدا لكن اصبرى واحتسبى عندالله وحاولى توضحى موقفك و إن ما وجدتيش استجابه فوضى امرك لله و شوفى مصلحتك و اشغلى نفسك بحاجة مفيدة و حاولى تتجاهلى الموضوع حتلقيه بيصغر و يتلاشى

دى حاجة مش بايدينا دى من اعمالهم ازى نأتمن خائن و المهم اننا نكسب نفسنا وبروا مش نقاطعهم بس معاملة ماتجرحناش و لا تخسرنا

حاولى تتجنبى الناس اللى بتصر تفتح معاكى الموضوع اللى مضايقك لفترة حتى يهدأ الموضوع وتهدأ نفسك و لكن لو اضطرتى جوبيهم باجابات مقتضبه و مختصرة جدا و قفلى على الموضوع و ما فيش مانع تبينى انك متضايقه من الكلام فى هذا الموضوع و تركبى الوش الخشب ، صدقنى مش حيفتحوا الموضوع دا معاكى تانى و عن تجربة

أخيرا ربنا معاكى تخرجى من الازمة دى على خير وتتعلمى منها وتبقى اقوى ان شاء الله

شكرا ليك على كلماتك الحكيمة

الحمد لله
من المواقف اللي ذكرتها هو موقف واحد شاغلني حأتصرف فيه ازاي لاني عارفة اني ممكن ادي رد فعل
لكن لو على الوجع وضرورة الاستغناء فدي اشياء ربنا بيقدر الانسان انه يتكيف ويوجد حلول لنفسه عشان يقدر يعيش ويتعايش

**zkralla** · 22-07-2010 02:03 PM

عتاب الندل اجتنابه

**SunSet** · 22-07-2010 04:12 PM

المشاركة الأصلية كتبت بواسطة zkralla

عتاب الندل اجتنابه

تقريبا حأجتنب كل الناس

**n_i_t_e** · 26-07-2010 04:06 PM

المشاركة الأصلية كتبت بواسطة muslima

لو لجأت لحد وباعك او تجاهلك؟
مش هروحله تانى أبدا و هاخد جنب منه على طول الا لو هو فتح الموضوع و برر موقفه و اقتنعت

لو حد وقع بينك وبين حد تاني؟
هاحاول الاقى أي فرصة عشان أعمل مواجهة بينا احنا التلاتة و افضحه فيها ده لو لقيت الفرصة دي طبعا

لو لقيت فجأة حد بيتهمك بحاجة ما عملتهاش؟
الحركة دي بتجننى..لو الشخص ده عزيز عليا هحاول أبرر موقفى بس هكون زعلان أوي منه و لو مش عزيز هيكون اسلوبى هجومي و عدوانى و هيتبهدل

لو إأتمنت حد على شئ وخانك؟
رسالة محترمة منى أقوله فيها انى وثقت فيه و اعتمدت عليه لكن هو خان الأمانة و ربنا يعوض عليا...لو ضميره صاحى هاشوف اسامحه و لا لأ و لو مردش أدينى علمت عليه بالأحمر

لو كان اللي عمل فيك شئ من ده قريب منك , تتصرف إزاى؟
لو هو قريب من قلبى بتكون صدمة قاسية طبعا

هل بتقطع علاقتك به؟ والا بتقصر معاه؟ هل بتعاتبه والا بتهاجمه؟
لو هو عزيز عليا أوي و جت فرصة أشوفه هعاتبه و لو مجتش مش هلف عليه رغم ان الصح و الأحسان انى أصل من قطعنى
أفتكرت دلوقتى موقف حصلى...صحبى الأنتيم فى الكلية ... كنا مش بنسيب بعض و كنا صحاب أوي أنا و هو و بس. و بعد لما اتخرجنا اتصل بيا قاللى انه خطب و زعلت انى اخر من يعلم و اثناء خروجنا مكنش بيقولى بميعاد الفرح و بعدها بكام شهر يتصل يقولى انه مجوز من فترة كام شهر كأنه كده خلص ضميره ساعتها حسيت انى كنت حاجة صغيرة أوي بالنسبة له و كلمته مرة واحدة أطمن عليه بعدها بفترة كأنى بديله فرصه أخيرة يتواصل معايا بس مكلمنيش تانىو لا أنا بقيت أكلمه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

**azmeralda** · 27-07-2010 09:46 AM

المشاركة الأصلية كتبت بواسطة muslima

لو لجأت لحد وباعك او تجاهلك؟

لو حد وقع بينك وبين حد تاني؟

لو لقيت فجأة حد بيتهمك بحاجة ما عملتهاش؟

لو إأتمنت حد على شئ وخانك؟

لو كان اللي عمل فيك شئ من ده قريب منك , تتصرف إزاى؟

هل بتقطع علاقتك به؟ والا بتقصر معاه؟ هل بتعاتبه والا بتهاجمه؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

بالنسبة للقرايب لهم وضع خاص لأن الأسلام أمرنا بعدم قطع الرحم وفى الحديث لا يدخل الجنة قاطع رحم
و من سره ان يبسط له فى رزقه وينسأله فى اثره فليصل رحمه
وايضا ان رجلا قال يا رسول الله ان لى قرابة اصلهم ويقطعونى واحسن اليهم ويسيئون الى واحلم عنهم ويجهلون على فقال لئن كنت كما قلت فكأنما تسفهم المل ولا يزال معك من الله ظهير عليهم مادمت على ذلك
وطبيعى ده يكون صعب جدا لأن دخول الجنة فىه جهاد الا ان سلعة الله غالية الا ان سلعة الله الجنة
و حفت الجنة بالمكاره فلما حد قريبك يعمل حاجات فظيعة حاولى بكل قوتك لا تقاطعه لكن الوصل له طرق كتير التكنولوجيا دلوقتى مساعدانا مش لازم بقى ائتمنه على اسرارى بعد كده ونجرب العتاب لو معانا دليل والنتيجة هى اللى هتبين ان كان ينفع ولا فعلا هو من نوعية عتاب الندل اجتنابه
لكن على رأى سهير البابلى فى ريا وسكينة :يشنقونا ونسكت لهم!

وبعدين مش اللجؤ ده لازم نختار فيه ،كده يبقى اما اسأنا الأختيار او ربنا شاء ان كفاية نفضل مخدوعين لغاية كده لازم الأنسان ده يبان على حقيقته لأن يمكن هيبقى فى موقف قدام اهم وكان هيضرنا فيه او هيخوننا اكتر من كده

لو حد اتهمنى بحاجة معملتهاش اسوأشىء الشعور بالظلم لازم اثبت موقفى بكل الطرق
وتعملى ايه انت بقى لوحد قريبك هو اللى لجأ لك العمر كله ووقفت جنبه وأول ماربنا كرمه وظروفه اتحسنت اول حاجة قرر يعملها يتخلص منك ويخبى عليكى

او واحدة صاحبتيهالجأتلك فى مشكلة وكانت مصرة تتطلق ونصحتيها نصيحة مخلصة لوجه الله لما طبقتها انقذت حياتها وبرضه قررت تتخلص منك وتتجاهلك وتخبى عليكى مع انك مستفدتيش منها بأى حاجة ومشاكلها كانت شغلك الشاغل وبتتنكدى عشانها بصحيح

الحل الوحيد فى الدنيا دى اننا نحط ربنا قدامنا فى اى تصرف فلو عملتى خير واترد لك شر من الشخص ده مش هتزعلى لأنك مش مستنية الرد منه هو لكن من ربنا وصدقينى المقابل هتلاقيه فى حد تانى

والجأى لله اولا وادعيه يقابلك فى الناس المخلصين الطيبين اللى فى الدنيا لأنهم الثروة الحقيقية

-

الموضوع: تعمل ايه في المواقف دي؟

LinkBack

أدوات الموضوع

عرض

-

-

-

-

-

-

-

المواضيع المتشابهه

كن غبياً فى بعض المواقف

انا مش عارف اعمل ايه فى المواقف دى !!!

إزاى أتصرف في المواقف ده

ما هي اطرف المواقف لك مع سيارتك

ادخل قول لنا بتعمل اه فى المواقف دى؟

الكلمات الدلالية لهذا الموضوع

المفضلات

المفضلات

ضوابط المشاركة