لو لجأت لحد وباعك او تجاهلك؟
حصل معايا مرة ومن وقتها والحمد لله بقول دعاء (الله لايحيجني لحد) لدرجة اني فعلا لو ليا حاجه عند حد بستغنى عنها ولا اني اتذلل لحد وبكره المثل القائل (لوليك حاجه عند الكلب قوله ياسيدي) لان المثل ده معناه اننا نقدس المصالح...
لو حد وقع بينك وبين حد تاني؟
حصلي برضو كده
وللاسف اللي وقع بيني وبين صاحبي اساسا ميهمنيش في حاجه انما صاحبي اللي صدقه وصدق عليا حاجات من واحد خسيس ده اللي كان يهمني
ورحت لصاحبي عشان اقوله ان مفيش حاجه من اللي اتقالت فصدمني بانه قالي انا مصدق عليك كده فطبعا معملتش حاجه ومشيت وكل اللي بيني وبينه من يومها سلام فقط
مع ان الخسيس اللي قال عليا كلام محصلش جه اعتذرلي بعدها بسنة ولكن ولا يفرق معايا ده ولا ده
قلتله اعتذارك مقبول ومكلمتوش تاني
سلام فقط برضو
والله لا يوريكو لما صاحب يغدر بصاحبه...
لو لقيت فجأة حد بيتهمك بحاجة ما عملتهاش؟
لو هوا حد غالي عندي وانا عارف اني غالي عنده بقوله وانتا تصدق عليا كده؟
لو قالي اه يبقى بسلامته ولا يستاهل اني اوضحله حاجه لاني انا كنت فاكر انه عرفني وانا عرفته
لو قالي لأ ساعتها هثبتله ان الحاجات دي غلط واني معملتهاش وهوا هيفهمني اكتر من اي حد
لو إأتمنت حد على شئ وخانك؟
المؤمن لايلدغ من جحر مرتين
لو كان اللي عمل فيك شئ من ده قريب منك , تتصرف إزاى؟
والله هتبع كلام الرسول صلى الله عليه وسلم في كذا حديث
(أد الامانه الى من ائتمنك ولا تخن من خانك)
(المؤمن لايلدغ من جحر مرتين)
(لا تكن إمّعه ان احسن الناس احسنت وان اساؤوا أسأت ولكن وطنو انفسكم ان احسنو ان تحسنو وان اساؤوا ان تجتنبو اساءتهم)
هل بتقطع علاقتك به؟ والا بتقصر معاه؟ هل بتعاتبه والا بتهاجمه؟
هرجع واقول لو هوا حد كان غالي عندي قوي هعاتبه
ان فهم الموقف وخلص الموضوع فبها ونعم
لقيت اللي قدامي أساء ليا اكتر فبالتالي انا اخطأت من الاساس لما جعلته غالي عندي واكتفي بان يكون بيني وبينه سلام فقط
وانا مش مطلوب مني اثبت لحد اني كويس ولا لأ هوا مقتنع اوكي مش مقتنع بسلامته..
تحياتي