نصيحه لوجه الله في سياره جديده

**farfora20082008** · 21-07-2010 10:59 AM

اسمحولي اضحك الاول بس هقولكم بعدين

انا ليا طلب نصيحه واستفسار

ابدأ بطلب النصيحه

انا ناوي ان شاء الله اجيب عربيه جديده مع كونتاكت ومحتار بين

نيو اكسنت مانيوال
النترا مانيوال
النترا اتوماتيك

طبعا هتستغربو ايه يا عم ده : والله الموضوع بدأ معايا اني كنت مش عايز ادفع قسط اكتر من الف جنيه واكسنت كانت محققالي الموضوع ده بس انا بصراحه مش مستريح للاكسنت - انا من ساعت ما فكرت في موضوع العربيه من شهر وانا ماشي في الشارع عامل زي اللي بيدور علي عيله تايهه وبدور علي اي اكسنت او النترا لدرجه اني لما اشوفهم واقفين اقرب منهم واقعد ابص علي الصالون من ورا الازاز لحد ما في يوم هتقفش والناس تقول علي حرامي :) رغم اني ركبت الاتنين
بس انا لاحظت حاجه الاكسنت اللي بشوفهم تحس انها مسكينه ومشتكيه والالنترا تحس انها ماسكه نفسها وبتعبر عن فخامه وتقريبا معظم الالنتر كانو متصانين مش عارف ليه
انا عايز عربيه اصونها وتصوني ومش هابيعها الا لو هي زعلت مني وطلبت الطلاق بس والله هعاملها كويس وحاسس ان الالنترا هي اللي تنفع تفهمني وتديني فرصه اعاملها كويس
انا كنت عايز اوفر بس كل شويه العيل اللي جوايا يقولي يا راجل 50 جنيه مش مشكله زياده في القسط وانا اسمع كلامه لحد ما وقل القسط 1200 جنيه مع الالنتر الاتوماتيك :( بس انا نفسي فيها بالذات اللون البتنجاني عاجبني قوي وماشي مع النضاره بتاعتي

يا ريت حد يفكر معايا لاني كل ما اكلم حد يقولي اتنيل اتجوز احسن - طيب ما انا بدور علي عروسه ومش لاقي ولسه اخوكم مرفوض رفضه زباله بعد ما خطبت وقريت فاتحه ابوها اتصل يعيطلي ويقولي يابني انا مش مستريحلك مش عارف ليه " الحلال في البلد دي بقي صعب قوي يا جماعه والناس بقت وحشه بشكل "

ويا ريت تقولولي ايه رأيكم في كونتاكت

نيجي للاستفسار :

انا سمعت ان الحكومه الذكيه :b4_039: بتاعتنا هتعمل التوقيت الشتوي في رمضان وبامانه انا مش فاهم ليه حد يا ريت يفهمني

انا مش متابع الاخبار بس هل ده عشان حكومتنا قلبها طيب وصعبان عليها الشعب يصوم في الصيف فتفطره ساعه بدري !!! لو كده انا عندي فكره احسن
يخلونا نصوم من المغرب للفجر او نصوم صوم المخده كل ما نجوع نتغدي بس طبعا بعد ما يجيبوا كومبارس ويلبسوه جبه وقفطان ويطلع يفتيلنا ان عادي اننا مش نصوم في الحر او نصوم عن الاكل والشرب لاء مثلا واحنا طبعا شعب طيب وهنصدق

وعلي رأي المؤرخ الجهبز حسن الاسمر " الطيب في الزمان ده بيقولو عليه عبيط "

وعجبي

اسف علي الاطاله

اه صحيح كنت هنسي اقولكم ليه انا بضحك في الاول
اصلي كتبت الموضوع ده كذا مره وكل ما اضغط " اعتمد الموضوع " النت يبوظ الظاهر ان الحكومه مخاويه واللهم اما احفظنا مبتحبش يجي سيرتها بس انا راسي والف جزمه لافضل اكتب

**mshmshm3** · 21-07-2010 11:33 AM

بص يا سيدي لما كنت بتكتب الموضوع في الاول والموضوع ما يتكتبش على المنتدي علشان عنوان الموضوع كان كبير عن اللازم ده سبب او يمكن النت عندك كان في مشكلة

ثانيا ما تجبش عربية مش مقتنع بيها علشان هاتلككلها وكل شوية هاتبقي حاسس ان فيها العبر هات الالنترا افضل من الاكسنت وطالما هاتجيب الالنترا هاتها اوتوماتيك وريح نفسك ومبروك مقدما

**adel1212** · 21-07-2010 11:45 AM

نصيحة اخوية
اوعى تشترى عربية مش راضى عنها 100*100

انا غلطت الغلطة دى و مش عايز حد يكررها

اختار
بعينك
وقلبك
وعقلك

**farfora20082008** · 21-07-2010 12:31 PM

متشكر قوي لردكم وانا هستخير ربنا واجيب ان شاء الله النترا

بس محدش قالي ايه رأيكم في كونتاكت ولا حد بجد فهمني ايه السبب في موضوع رمضان ده

**adel1212** · 21-07-2010 01:31 PM

بالنسبة لكونتاكت كار مش حقدر افيدك
وموضوع رمضان انا زيك بتفرج وخلااااااص على كل حاجة
بمنتهى الصبر والايمان

**andlo** · 21-07-2010 02:20 PM

بص ياسيدي بالنسبة لموضوع رمضان غيروا وقت او مغيروش وقت الاذان هوه هوه مش بيتغير لإنه محدد في القرأن ومحسوب بحسابات معقده من غير اي إنحرافات يعني ممكن اسواء حاجه 7 دقائق واقلها 2 دقيقه وكل عام والجميع بخير وبعدين الحكومه مش بتفكر فينا في النواحي دي حتي من ساعة ما خلصت علي جيوبنا بقينا شعب زبالة ميستهالش وشكلهم إشترونا وهما مش مقتنعين فإوعي تعمل زيهم وإشتري الالنترا علي بركة الله

**ASHRAF74** · 21-07-2010 04:45 PM

المشاركة الأصلية كتبت بواسطة farfora20082008

اسمحولي اضحك الاول بس هقولكم بعدين

انا ليا طلب نصيحه واستفسار

ابدأ بطلب النصيحه

انا ناوي ان شاء الله اجيب عربيه جديده مع كونتاكت ومحتار بين

نيو اكسنت مانيوال
النترا مانيوال
النترا اتوماتيك

طبعا هتستغربو ايه يا عم ده : والله الموضوع بدأ معايا اني كنت مش عايز ادفع قسط اكتر من الف جنيه واكسنت كانت محققالي الموضوع ده بس انا بصراحه مش مستريح للاكسنت - انا من ساعت ما فكرت في موضوع العربيه من شهر وانا ماشي في الشارع عامل زي اللي بيدور علي عيله تايهه وبدور علي اي اكسنت او النترا لدرجه اني لما اشوفهم واقفين اقرب منهم واقعد ابص علي الصالون من ورا الازاز لحد ما في يوم هتقفش والناس تقول علي حرامي :) رغم اني ركبت الاتنين
بس انا لاحظت حاجه الاكسنت اللي بشوفهم تحس انها مسكينه ومشتكيه والالنترا تحس انها ماسكه نفسها وبتعبر عن فخامه وتقريبا معظم الالنتر كانو متصانين مش عارف ليه
انا عايز عربيه اصونها وتصوني ومش هابيعها الا لو هي زعلت مني وطلبت الطلاق بس والله هعاملها كويس وحاسس ان الالنترا هي اللي تنفع تفهمني وتديني فرصه اعاملها كويس
انا كنت عايز اوفر بس كل شويه العيل اللي جوايا يقولي يا راجل 50 جنيه مش مشكله زياده في القسط وانا اسمع كلامه لحد ما وقل القسط 1200 جنيه مع الالنتر الاتوماتيك :( بس انا نفسي فيها بالذات اللون البتنجاني عاجبني قوي وماشي مع النضاره بتاعتي

يا ريت حد يفكر معايا لاني كل ما اكلم حد يقولي اتنيل اتجوز احسن - طيب ما انا بدور علي عروسه ومش لاقي ولسه اخوكم مرفوض رفضه زباله بعد ما خطبت وقريت فاتحه ابوها اتصل يعيطلي ويقولي يابني انا مش مستريحلك مش عارف ليه " الحلال في البلد دي بقي صعب قوي يا جماعه والناس بقت وحشه بشكل "

ويا ريت تقولولي ايه رأيكم في كونتاكت

نيجي للاستفسار :

انا سمعت ان الحكومه الذكيه :b4_039: بتاعتنا هتعمل التوقيت الشتوي في رمضان وبامانه انا مش فاهم ليه حد يا ريت يفهمني

انا مش متابع الاخبار بس هل ده عشان حكومتنا قلبها طيب وصعبان عليها الشعب يصوم في الصيف فتفطره ساعه بدري !!! لو كده انا عندي فكره احسن
يخلونا نصوم من المغرب للفجر او نصوم صوم المخده كل ما نجوع نتغدي بس طبعا بعد ما يجيبوا كومبارس ويلبسوه جبه وقفطان ويطلع يفتيلنا ان عادي اننا مش نصوم في الحر او نصوم عن الاكل والشرب لاء مثلا واحنا طبعا شعب طيب وهنصدق

وعلي رأي المؤرخ الجهبز حسن الاسمر " الطيب في الزمان ده بيقولو عليه عبيط "

وعجبي

اسف علي الاطاله

اه صحيح كنت هنسي اقولكم ليه انا بضحك في الاول
اصلي كتبت الموضوع ده كذا مره وكل ما اضغط " اعتمد الموضوع " النت يبوظ الظاهر ان الحكومه مخاويه واللهم اما احفظنا مبتحبش يجي سيرتها بس انا راسي والف جزمه لافضل اكتب

بص يا باشا انا شايف ان الالنترا 2011 الاو

توماتك افضل مصر مبنفعش فيها الا الاوتوماتك

**ADELHASANALSHAAIRYN6** · 06-08-2010 07:58 PM

النترا طبعا واللون البتنجاني ماشى مع الجو العام مش بس مع لون الشمبر

**uubaby2000** · 07-08-2010 01:01 AM

ههههههههههههههههههههههههه هههههههه معلش خيرها فى غيرها على فكرة انا بعمل زيك والله كل مااعدى على عربية ابص فالصالون بتاعها واتفرج عليها وهى ماشية والموضوع ده وقعنى فى مشاكل كتيييييييييييييييير عربيات تقف ومعاكسات وحاجة قرف . على فكرة النيو اكسنت مع واحد قريبى وبيشتكى منها انها بتعوم بعد ال80 ازاى معرفش !! انا كنت ناوية اجيب الاوتوماتك بتاعها مستعمل بس لما سمعت كدة شلت منها وبما انها بتعوم عوم بعوم قلت لنفسى اشترى بيكانتو جديد

**ezzatfox** · 07-08-2010 02:59 AM

المشاركة الأصلية كتبت بواسطة uubaby2000

ههههههههههههههههههههههههه هههههههه معلش خيرها فى غيرها على فكرة انا بعمل زيك والله كل مااعدى على عربية ابص فالصالون بتاعها واتفرج عليها وهى ماشية والموضوع ده وقعنى فى مشاكل كتيييييييييييييييير عربيات تقف ومعاكسات وحاجة قرف . على فكرة النيو اكسنت مع واحد قريبى وبيشتكى منها انها بتعوم بعد ال80 ازاى معرفش !! انا كنت ناوية اجيب الاوتوماتك بتاعها مستعمل بس لما سمعت كدة شلت منها وبما انها بتعوم عوم بعوم قلت لنفسى اشترى بيكانتو جديد

مفيش عربية بتعوم على 80 الا لو راكب تكتوك .. قولى لقريبك يظبط الزوايا .. و لو مبيعملش صيانة للعربية يروح يكشف على العفشة و يربطها .

الموضوع: نصيحه لوجه الله في سياره جديده

LinkBack

أدوات الموضوع

عرض

نصيحه لوجه الله في سياره جديده - انشر الموضوع فى :

-

-

-

-

-

المواضيع المتشابهه

نصيحه لوجه الله

نصيحه لوجه الله

نصيحه لوجه الله

نصيحه من اخ لوجه الله

نصيحه للى عاوز يشغل عربيته بالريوت(نصيحه لوجه الله)

الكلمات الدلالية لهذا الموضوع

المفضلات

المفضلات

ضوابط المشاركة