السلام عليكم ورحمه الله وبركاته
كنت عايز اعرف مميزات وعيوب تركيب الكتاوت ؟
:11:
عرض للطباعة
السلام عليكم ورحمه الله وبركاته
كنت عايز اعرف مميزات وعيوب تركيب الكتاوت ؟
:11:
الكتاوت هو عبارة عن سويج بس بمكان مال انت تدوسو بايدك عشان يشتغل ..انت تديه كهرباء ويقوم بتوصيل الدائرة لان الكهرباء بتعمل مجال مغناطيسي بيقوم بسحب عتلة وتتغلق الدائرة ....من عيوبه انه البلاتين الموجود في الملامسات ممكن يتلف بعد الاستعمال الطويل .
الكتاوت ....أسم دارج لدى الصنايعيه
وفى هندسة الكهرباء
يسمى الريلاى relay
وأيضا بيسمى مفتاح كهربى يتم التحكم فى فتحه وغلقه عن بعد
remote control on /off switch
فمثلا
المفتاح الكهربى العادى ( اللى فى الحيطه ) لازم تدوس عليه بصباعك علشان توصل أو تفصل الكهرباء من مصدر التغذيه
الكهربى ( السلك اللى داخل للشقه )
عن مصدر الأستهلاك الكهربى ( زى اللمبات الكهربيه بانواعها )
الكتاوت بأه ....وأنت فى مكانك
بيخليك تفصل وتوصل الكهرباء آليا ( عن بعد )
شبه قصة الريموت كده ( مع الفارق طبعا )
________________________
أما طريقة عمله كهربيا فليه طريقته ( حسب تصميمه الخاص )
وأعتقد ملوش لزمه الدخول فى التكنيك الهندسى لتصميمه
علشان منكلكعش الأمور
كل حاجه ياجميلاقتباس:
طيب نجيب من الاخر هل للكتاوت لما تركب فى العربيه ليها مساوىء او عيوب :36_1_37[1]:
زى ماليها مميزات فليها عيوب
مش بيقولك فى المثل
الحلو ميكملش
:C_laugh[1]:
مميزات الكتاوت
1- سهولة التحكم فى وصل وقطع التيار دون تدخل العنصر البشرى
أى بيتم الفصل والوصل ( عن بعد طبقا لنظرية تشغيله )
ومن عيوبه
1- خداع عملية التوصيل وعدم جودتها مع وجود ضعف فى ملف التحكم فى الوصل والفصل
2- أحتياجه لمهاره كهربيه خاصه للتعرف على جودة آداءه لوظيفته
3- تآكل أطراف التلامس الكهربى مع وجود ضعف فى ملف التحكم
وقد يحدث تلاحم لطرفى التوصيل ( يلطع الكتاوت ) مع توافر فرصة الشرر الكهربى
عند وجود ثغره هوائيه بين طرفى كونتاكت الكتاوت
كنت قريت هنا ان الواحد لما يركب لمض او لمض شديدة يعني للفوانيس الامامية لازم يركب معاها كتاوت علشان تشتغل بكامل كفائتها
هنا الكتاوت وظيفتها ايه ....................؟؟
كلمة كتاوت اعتقد متاخده من الانجليزية cut out
نفس الوظيفه الموضحه من قبلاقتباس:
هنا الكتاوت وظيفتها ايه ....................؟؟
بالظبطاقتباس:
كلمة كتاوت اعتقد متاخده من الانجليزية cut out
ولقطوها المصريين وعربوها
انا قريت اللي مكتوب من قبلاقتباس:
نفس الوظيفه الموضحه من قبل
وعرفت انها بتفصل وتشتغل زي الريموت
سؤالي ايه علاقو ده بكفائة لمبة كهربائية في فانوس العربية ؟
بص يا يا باشا الموضوع ده انا سألت السؤال هناك
http://www.nilemotors.net/Nile/163544-tungsram.html
صاحب الموضوع كاتب
طيب عايز افهم ايه دور الكتاوت في الوظيفة دياقتباس:
الخلاصه لمبات ممتازه ولازم تتركب علي كتاوت علاشان تطلع قجره اللمبه كامله وعلاشان دراع النور ميسحش
وظيفة الكتاوت ( الدخيل ) فى دايرة النور العالىاقتباس:
طيب عايز افهم ايه دور الكتاوت في الوظيفة دي
هو تقصير المسافه التى يمشيها التيار الكهربى من البطاريه الى لمبات النور العالى
وجعل التيار يسير فى طريق قصير من البطاريه الى الكشافات مرورا بالكتاوت
ولا يسرى التيار فى طريق طويل من البطاريه ثم زراع النور ثم اللمبات
وبالتالى الأستفاده من أكبر جهد كهربى خارج من البطاريه للكشافات
دون حدوث فقد كبير فى الجهد الكهربى نظرا لأننا قمنا بتقصير المسافه الكهربيه
من البطاريه لكشافات النور العالى
ممكن طريقة تركيب الكتاوت
يعنى لو هركب فوجات ومعاها كناوت
تتوصل ازاى
شكرا يا باشمهندس سمير على المعلومات
صديقى العزيز باش مهندس سمير احب ازود على كلامك ان الحمل فى الدايرة بتاعت الكتاوت اللى بيقفلها دراع النور بيكون صغير جدا لانه يدوب بيشغل ملف مغناطيس يقفل دايرة النور اللي هية حعليها الحمل العالى بتكون النتيجة انه بيحمى دراع النور
لو راكب على كلاكس بيحمى مفتاح الكلاكس وهكذا
والله اعلم