ببساطه
عربيه مستعمله بسعر من ستين لثامنين الف استعمال شاق لاسره لها زيارات كثيره للارياف ولها مميزات السيارات الحديثه وتتحمل عدد من الركاب عاده من اربعه لخمسه
ارجو انها متكونش صعبه
ومفيش من المقترحات تتضمن سيارات زيرو
واسف على الاطاله
عرض للطباعة
ببساطه
عربيه مستعمله بسعر من ستين لثامنين الف استعمال شاق لاسره لها زيارات كثيره للارياف ولها مميزات السيارات الحديثه وتتحمل عدد من الركاب عاده من اربعه لخمسه
ارجو انها متكونش صعبه
ومفيش من المقترحات تتضمن سيارات زيرو
واسف على الاطاله
تويوتا ياريس - ميتسوبيشى لانسر
الخلاصه
تويوتا كورولا
كورولا 2002 - 2005 , مع العلم انى عمرى ما ركبتها بس عمرى ما سمعت عنها كلمة وحشة بصراحة
هيونداي الالنترا مستعملة خدمة شاقة واسعة و قطع غيار متوفرة و استهلاك ممتاز للبنزين
بس عيبها انها بتحك في المطبات لما تكون كاملة العدد مع العلم انك لو اخدت المطب بالراحة مش هتحك معاك
الميجاان تستحمل الضرب بالجزمة ...بس قطع غيارها عالية شوية ..
الانسر البومة ..لو لقيتها هتكون مناسبة جدا ...ةمتهيقلى هتكون احسن اختيار من رائيى ...وافضل من الكرولا فى الخدمة الشاقة
كورولا اعتقد
بومة احسن من الكرولا فى الخدمة الشاقة !!!!!!!!!!!
مع احترامى لوجهة نظر حضرتك بس الكلام ده مش صحيح بالمرة انا معايا كرولا 2002 و كان معايا لانسر 2006 من حوالى سنة لما حبيت اجدد بعت البومة مش الكرولا و على فكرة انا كنت بجهز شقة اخويا و كنت ساعات بجيب اسمنت و كام علبة سيراميك و لزوم البناء كنت بجيب فى العربيتين و بعد ما خلصت البناء اللانسر كانت عايزة تغير عافشة (قالولى كدة فى التوكيل) مع انها كانت مكملتش 45 الف و الكرولا ما شاء الله بترسها اسمنت فى تشطيط شقتى دلوقتى و مابتقولش لقة و معروف ان عافشة اللانسر زبالة و عافشة الكرولا و الالنترا ناعمين جدا فاعتقد ان الكرولا هتكون مناسبة اكتر لصاحب الموضوع
ده رأيى و ياريت ماتزعلش منى ولولا اختلاف الاراء لبارت السلع
Jeep Cherokee من 55 ل85 ألف حسب الموديل
http://i756.photobucket.com/albums/x...ain_lifted.jpg
Chevrolet Forntera حوالي 70 ألف
http://i756.photobucket.com/albums/x...uRodeosnow.png
LandRover Discovery من 70 ل90 ألف
http://i756.photobucket.com/albums/x...ery_V8i_01.jpg
ودة رأيي, عربية 4x4 تستحمل أي طريق وواسعة تاخد 5 مرتاحين وممكن تعتمد عليها في السفر الكتير.... .
اكيد مفيش اى زعل نهائى ...بالعكس دية اراء وكل واحد لية رائيو وفى الاخر بنحاول كلنا نوصل صاحب الموضوع لاقصى افادة .......
انا ركبت العربيات دية .. و فعلا الكرولا عفشتها مريحة اكتر من الانسر بس تقريبا مع كل مطب مها كان نوعة بتحك فية بضمير حتى لو اتنين ركبين ورا ..الانسر ماسكة نفسها اكتر وانشف شوية من الكرولا (الشكل القديم) على الطرق الغير ممهدة ..+ ان الانسر قعدتها اوسع من الكرولا ....يعنى التويتا اعتمادية اكتر بس الانسر لو اتابعت هتكون برضك كفائة ...
اوكتافبا ايه فور 2006
شكرا للجميع على التفاعل الرائع
بس اقتصاديه التشغيل شيء مهم
عشان كدا الجيب صعب شويه
بس ايه الاحسن كورولا ولا لانسر ولا اوكتافيا
اولا سيبك من الاوكتافيا مش بتاعة بهدلة و هتاكل منك بنزين كتير عشان 1600
يبقى انت تختار من اللانسر او الكرولا و بما ان الكرولا معايا بقالها 8 سنين و اللانسر قعدت معايا 3 سنين و بعتها هقولك بواقع خبرتى ايه الفرق بينها و انت الى تحكم
التكييف الكرولا احسن بكتيييييير اللانسر تكيفها ضعيف جدا و بشهادة قسم المتسوبيشى هنا فى المنتدى و بشهاده جميع اصحابى الى معاهم لانسر ممكن الى بيسوق مش هتكون مؤثرة معاه اوى لكن لو حد قاعد ورا هيتعب اوى لكن الكرولا تكييف جبار و يمكن يكون افضل كمان من الباسات الى هيا اصلا تكييفها ممتاز(معايا باسات دلوقتى) والى مخلى الكرولا تكييفها جامد انه بيسقع حلو و كمان الكرولا مفهاش فلتر تكييف ه الهوا شدته جامدة جدا و على طول شديد لكن اللانسر لو الفلتر اتوسخ التكييف بيفقد 50% من قوته
المطبات الكرولا احسن طبعا عشان اعلى لكم الفرق ده مش مهم عشان اللانسر كمان عالية و عمرها ما حكت معايا حتى لو معايا اوزان ورا
العفشة لصالح الكرولا بفرق كبير + الثبات على الطريق لصالح اللانسر
الوسع فى الكنبة الخلفية اللانسر اوسع فى العرض و فى مساحة الاقدام للى قاعد فى الخلف و لو اولاد حضرتك الى هيعدو ورا كبار يبقى اللانسر احتنلمه انما لو اطفال مثلا 13 14 سنة الكرولا هتكون كويسة فى الحالة دى
استهلاك البنزين معرفش الصراحة عشان اللانسر بتاعتى كانت 1600 بس اعتقد لو ال2 1300 مش هيكون فى فرق واضح فى البنزين
قطع الغيار منتشرة و تقريبا الاسعار زى بعض و اى ميكانيكى بيفهم فى النوعين
التقفيل من الداخل ال2 ممتازين
اخر حاجة بقى لو هتجيب مستعمل الكرولا حالة نضيفة 2004 او 2005 حواليين ال 80
انما لو لنسر 2007 حالة نضيفة 72
مع اعتبا ان ال2 اوتوماتك 1300
مرسيدس زلمكة 200 أواخر ثمانينات
شكل جميل + سرعة لما تحب تجري + قوة لما تحب تفتري + 5 أو 6 أو أكثر لما تحب تشيل + منظر لما تحب تروح الأرياف أو أي حته فيكي يابلد + باشا راكب العربية حتى لو شعرك منحكش "لا مؤاخذه"
و شكراً