مساعده عاجله

**mahmoudseleim** · 21-07-2010 04:33 PM

السلام عليكم عندي سياره لادا 2105 موديل 83 الحاله العامه جيده جدا في مشكله ظهرت لي العربيه بتاكل زيت تقريبا كل 5 ايام ازدود كيلو غيرت الجوان ومفيش فايده مع العلم انه لا يوجد تسريب اسفل السياره او في اي مكان

**mahmoudseleim** · 21-07-2010 04:44 PM

مفيش اي رد خالص

**Adham** · 21-07-2010 05:31 PM

حاجة من اتنين

1- يوجد تسريب زيت من جوانات و ممكن نقول رشح زيت و لو كدة دور العربية شوية و انت واقف و بص تحتها حاتشوف بقعه زيت تحتها من مكان التسريب

او العربية فيها مشكلة في وش السلندر و الزيت بيخش في المياة و ساعتها حاتلاقي مياة الردياتير مزيتة - او تلاقي طحينة في غطاء الزيت من جوة بس دة مش وارد في حالتك لان ساعتها المياة تزود الزيت مش تنقصة

2- الموتور خفيف و بياكل زيت
حاتلاقي فية دخان ازرق من الشكمان او من الفايظ

**photon** · 21-07-2010 08:02 PM

الكلام ده مظبوط 100%
بس علشان تعرف المكنه خفيفه و عاوزه عمره ولا لاء لازم تاخد بالك من الزيت الى موجود فى العربيه قبل ما تزوده و تشوفه بيتحرق بسرعه ولا لاء
لوكان بيتحرق بسرعه و بيقل كده يا معلم لازم عمره او على الاقل عاوزه طقم شنابر