مشروع عمري

**rateb79** · 22-07-2010 01:55 PM

انا متشكر اوي يا جماعه علي التشجيع و ربنا يباركلكم حمد المصري و محمد هاني و علي حسني شكرا علي الاقتراح و محمد الفوال متشكر جدا علي اللينكات مفيده جدا ربنا يكرمك احمد 4000 و صني متشكر علي النصيحه و شكرا يا هشام باشا علي التشجيع

**zkralla** · 22-07-2010 02:06 PM

ربنا يوفقك وييسرلك الحال
ده الى اقدر عليه معنديش اى معلومات تفيدك

**شريف** · 22-07-2010 10:19 PM

المشاركة الأصلية كتبت بواسطة ahmed4000

ربنا يوفقك
بس نصيحة اخوية لازم لما تبدا مشروع تبقى فاهمه كويس وعارف خفاياه وعندك تخطيط واضح علشان متخسرش فلوسك

انا مش قصدى احبطك والله ب س دى نصيحة اخوية

+1

-

**Dr_Mido** · 23-07-2010 04:40 AM

جربته زمان و اتخنقت منه

الاول هتعمل سجل تجارى وبطاقه ضريبيه على المقر بتاعك تمام ككدة ودى اى محامى هيعملهالك

عملت السجل و البطاقه كدة خطوة خلصت

تانى خطوة تعمل ليك لوجو ودافتر فواتير وختم عليه رقم البطاقه والسجل وتروح كل شهر او شهرين على حسب شغلك لاى محاسب يظبطلك الحسابات علشان لو معملتش كدة هتتعب قوى بعدين

بعد كدة سعادتك هتنزل تروح تعرف اسعار الحاجات اللى انت هتشتغل فيها ايه

هتنزل تلف على المطابع تاخد عروض واسعار و تحدد انت هتشتغل فى ايه لو طباعه ورقيه هتروح لبتوع المطابع اللى فى منطقه عابدين لو هتشتغل يفط او اى حاجه تناى مش هعرف افيدم فيها

هتنزل كمان تعرف اسعار الورق ايه وتعرف مكاتب فصل الالوان اسعارهم ايه واعمل علاقات كويسه من مكاتب فصل الالوان و اصحاب المطابع بس دى معلوماتى اللى ااقدر افيدك بيها