نفسي الرجالة في مصر يبطلوا حاجتين؛ التدخين والمعاكسة

**M.Osman** · 22-07-2010 01:46 AM

والله البنات بقت هيا إلي بتعاكس اليومين دول والله

من غير هزار
دا بيحصل بجد و كتير كمان

_______________

هي فعلاً بقت حاجة غريبة ان اللي بيدخل الكافيه يشرب نيسكافيه بس يحس انه فرفور

بس بجد كويس ان فيه حد زي صاحب الموضوع :)

**blazer** · 22-07-2010 01:46 AM

ألحمد لله لا بدخن و لابعاكس :d:d
كل واحد لو فكر فى انى اللى قدامه دى ممكن تكون اخته او امه اعتقد لو عنده نخوه او شائبه رجوله مش هيعمل حاجه ليها ولو حتى نظره شيطان

وعلى فكره بقى دلوقتى هما اللى بيعاكسوا

المشاركة الأصلية كتبت بواسطة a7med_pharma

ياراجل
كارفور والبورش الصفرا ..يشهدوا عليك

وانا شااااااااااهد

**نور القمر** · 22-07-2010 01:48 AM

المشاركة الأصلية كتبت بواسطة walidadel

كلمتين حلوين والله بس مين اللي يسمع بقي الكلام ده حضرتك

او لو كل واحده تحافظ علي نفسها لبيتها و جوزها كان الحال هايبقي افضل من كده بكتير لكن تقعد في البيت بمنظر و لما تنزل الشارع منظر تني خالص ... ربنا يهدي

الموضوع اكبر من اهتمام بمنظرها وهي خارجة واهمالها لنفسها في البيت .. يمكن دي طبيعة الانسان عموما يعني الرجالة كمان يبقه خارج من البيت على سنجة عشرة وفي البيت اشعث اغبر

على سبيل الامثلة اللي بشوفها يعني لما واحدة ترد على التليفون وهي بترقق صوتها ولما تلاقي المتصل بنت صوتها يرجع لطبيعته !!!
واحدة زميلها يقولها يا قمر ويا جميل وعسل اسود منيل بنيلة ويبقه عاجبها اسلوب كلامه معاها بالطريقة دي !!! وتشجعه على الاستمرار ال يعني كدة بقت قمر بجد وهي شكلها يقطع الخميرة من البيت اصلا
واحدة تقلع الدبلة وخصوصا لو دبلة زواج مش خطوبة ... طب عايزة تتخطبي على جوزك يعني ولا ايه !!!
واحدة تقدم خدماتها الجليلة لزمايلها الذكور في الشغل فقط ونفس الخدمات مش بتتقدم للزمايل الاناث لو اتطلبت منها !!
واحدة في الاربعينات لا شكل ولا منظر ولا شياكة وواقفة مع صاحب سوبر ماركت في العشرينات تهزر وتسمع كلام غزل وهي فرحانه بنفسها ومصدقة نفسها !!!!
واحدة تسيب زميلاتها البنات وتقعد مع زمايلها الرجالة وهاتك يا هزار وضحك بصوت عالي !!!

**WalidAdel** · 22-07-2010 02:00 AM

المشاركة الأصلية كتبت بواسطة نور القمر

الموضوع اكبر من اهتمام بمنظرها وهي خارجة واهمالها لنفسها في البيت .. يمكن دي طبيعة الانسان عموما يعني الرجالة كمان يبقه خارج من البيت على سنجة عشرة وفي البيت اشعث اغبر

على سبيل الامثلة اللي بشوفها يعني لما واحدة ترد على التليفون وهي بترقق صوتها ولما تلاقي المتصل بنت صوتها يرجع لطبيعته !!!
واحدة زميلها يقولها يا قمر ويا جميل وعسل اسود منيل بنيلة ويبقه عاجبها اسلوب كلامه معاها بالطريقة دي !!! وتشجعه على الاستمرار ال يعني كدة بقت قمر بجد وهي شكلها يقطع الخميرة من البيت اصلا
واحدة تقلع الدبلة وخصوصا لو دبلة زواج مش خطوبة ... طب عايزة تتخطبي على جوزك يعني ولا ايه !!!
واحدة تقدم خدماتها الجليلة لزمايلها الذكور في الشغل فقط ونفس الخدمات مش بتتقدم للزمايل الاناث لو اتطلبت منها !!
واحدة في الاربعينات لا شكل ولا منظر ولا شياكة وواقفة مع صاحب سوبر ماركت في العشرينات تهزر وتسمع كلام غزل وهي فرحانه بنفسها ومصدقة نفسها !!!!
واحدة تسيب زميلاتها البنات وتقعد مع زمايلها الرجالة وهاتك يا هزار وضحك بصوت عالي !!!

حضرتك الامثله اللي قولتيها دي لا تمثل واحد علي عشره من اللي بشوفه كولاد بقي بتخرج و نسهر و بنروح مناطق كتييييييييييييييييييييييي ر و ممكن اقولك امثله كتير اوي بس انا اكتشفت ان كلهم مجتمعين في نقطه واحده و هيا انهم عندهم مشاكل نفسيه فبيهربوا منها بالاساليب المختلفه دي و بردوا صعب ان الواحد يعلق او ينتقض الاسلوب لانك بكده هاتبقي بتدخلي في شونهم الخاصه بس الواحد بيقول ربنا يسترها علي اللي نعرفهم من الانحطاط الاخلاقي دا لان مابقاش في تفرقه مابين واحده محجبه او منتقبه و مابين واحده متبرجه زي مابيقولوا العاطل في الباطل و خلاص اهو كله نازل يتعاكس و احنا بنحب نعاكس ربنا يستر
بس علي فكره عجبتني حتة اشعت اغثر دي مع اني يصعب عليا فهم مثل هذه الكلمات بس حاسستني اد ايه ان منظره زباله في البيت

**Donzi** · 22-07-2010 02:05 AM

الموضوع دة فعلا مستفز جدا اذا كان التدخين ولا المعاكسة لان الاتنين مافيهمش ايييييييييييييي فايدة من هي نوع و نفسي اعرف اللي بيعملوهم بيعملوهم ليه ..... لان فعلا بتكون احيانا كتير البنت محتشمة - بغض النظر عن محجبة او لا - و برضو بتتعاكس و احيانا بيكون كلام بذىء و جادش للحياء جدا طب ليه كدة طيب ايه الدافع و ايه وجه الاستفادة

زمان على ايام امهاتنا كانو كلهم بيلبسو فساتين قصيرة و مفتوحة و ماكنش في حجاب اصلا و مع ذلك ظاهرة المعاكسة دي ماكنتش موجودة !!!!!
و التدخين : ريحة و حشة و شكل وحش وفلوس على الفاضي و ضرر بالصحة و اذية للي حواليك ........ ليه بقى كل دة ؟؟

.

**M.Osman** · 22-07-2010 02:09 AM

حد خد باله ان عنوان الموضوع يقصد الرجالة و بعدين "اكتشفنا" ان الستات كمان طلعوا بيدخنوا و بيعاكسوا !!؟؟

**Mzeid** · 22-07-2010 02:10 AM

المشاركة الأصلية كتبت بواسطة donzi

و التدخين : ريحة و حشة و شكل وحش وفلوس على الفاضي و ضرر بالصحة و اذية للي حواليك ........ ليه بقى كل دة ؟؟

.

و الله ناس كتير بشوفهم ماسكين الموبايل و مفتاح العربية و علبة السجاير المستوردة بيتباهوا بيهم قصاد الناس

**نور القمر** · 22-07-2010 02:12 AM

المشاركة الأصلية كتبت بواسطة walidadel

بس علي فكره عجبتني حتة اشعت اغثر دي مع اني يصعب عليا فهم مثل هذه الكلمات بس حاسستني اد ايه ان منظره زباله في البيت

اشعث اعتقد منكوش الشعر

... الاحسن الرجالة تحلق على درجة صغيرة والستات كمان

اغبر من الغبار

-

-

الموضوع: نفسي الرجالة في مصر يبطلوا حاجتين؛ التدخين والمعاكسة

LinkBack

أدوات الموضوع

عرض

-

-

-

المواضيع المتشابهه

حاجتين

بفكر فى حاجتين

عملت حاجتين غلط

نفسي .. نفسي .. نفسي .. نفسي اروح اسكندرية

بجد نفسي نفسي في ورشة فيها الاتي

الكلمات الدلالية لهذا الموضوع

المفضلات

المفضلات

ضوابط المشاركة