-
الشراء نصيب!!!!
سبحان الله بعد اللف والدوران والمقارانات وكمان حجزت الاكسنت السبورت وغيرت الحجز للألنترا وكنت حاجز عند الطارق ورايح يوم الجمعة الماضية عشان استلم لقيت العربية لسة ما جهزتش وعملت معاهم مشكلة وقاللي يا أما تغير اللون يأما تغير العربية وانا اسلمك النهاردة روحت وانا محتار جدا وكانت الصني واقفة في المعرض وعجباني بصراحة المهم صليت استخارة وحسيت اني مرتاح للصني وصورتها مش عايزة تغيب عن عيني المهم رجعت استلمت الصني نبيتي abs مانيوال واخدت 5000 جنية كمان من حق الالنترا وقعدت في الجراج لحد يوم الاثنين رحت رخصت الصبح وطلع معايا مندوب من المعرض خلصنا كل حاجة بسرعة الحمد لله المهم انا حاليا عامل حوالي 250 كيلو والعربية الحمد لله كل يوم اقتناعي بيها بيزيد وحاسس ان ربنا وفقني للصح والحمد لله العربية اتخبطت النهاردة خبطة صغيرة في الشنطة (طبيعي كنت مستنيها الحمد لله) وركبت فرش وأرضية من عند جينز كار اللي الاعلان بتاعهم في لوحة اعلانات المنتدى.
السؤال بقى
انا يوم ما استلمت العربية كانت عاملة 50 كيلو وفولت العربية 92 اخدت حوالي 48 لتر ومشيت لغاية دلوقتي 200 كيلو المهم البنزين اقل من النص دلوقتي هل ده طبيعي ولا كدة استهلاكها عالي مع العلم اني شغلت التكييف على فترات لن الجو لا يطاق بس ما عدتش 2.5 RPM بالكتير والمسافة كلها تقريبا جوة البلد؟؟؟؟؟
وسؤال كمان وهو افضل مركز أعمل فيه صيانة فين وهل بالحجز ولا على طول ورقم تليفونهم كام؟؟؟؟؟؟
عشان عايز أسأل على تركيب وحدات الرفع ضروري لأني بنسى الازاز كتير قوي مفتوح
وشكرا ويا ريت تتقبلوني عضو جديد في أسرة نيسان
-
ياباشا ربنا يباركلك فيها هو فعلا نصيب شوف كنت في اكسنت اسبورت و بعدين الانترا و بعدين صني بس الحمد لله خير
بالنسبه للبنزين تقريبا كويس و هما بعد اول صيانه العربيه هاتتظبط اكتر في موضوع البنزين ده و هيا تقريبا صيانة ال 5 الاف
بالنسبه للتوكيل هو افضل واحد توكيل السبع اللي في المعادي بس مش عارف اسامي اوي بس هو تقريبا عند نادي كده مش فاكر اسمه ايه ممكن اي حد من الاعضاء يوصفه لحضرتك كويس و في توكيل كودرن مونورز اللي عند المطار دا بردوا كويس و عن تجربه شخصيه
بالنسبه للحجز انا روحت مرتين تلاته التوكيل و عمري ماحجزت مش عارف ليييه الصراحه لاني ماحستش بفرق اوي لما احجز او مش حاجز ممكن بردوا اي حد من الاعضاء يكون حجز قبل كده يكلم حضرتك عن موضوع الحجز دا و ربنا يكفيك شر الطريق ياباشا
-
الف مليون مبروك و ربنا يعطيك خيرها و يكفيك شرها اختيارك موفق ان شاء الله
-
اولا اهلا بحضرتك فى اسرة نيسان , ومنورنا يافندم بوجودك معانا وبمشاركاتك وارائك الفعالة معانا ان شاء الله
بالنسبة الى قصة الاستهلاك البنزين صعب يتحدد قبل صيانة الالف
الحاجة التانية حضرتك بتقول عامل 250 كيلو , فمفروض انك متشغلش التكيف , لانك لسه فى التليين وحاول تستحمل لغاية من تعدى الالف وتعمل صيانة الالف
بالنسبة الى صياناتك افضل مكان تعمل فيه صيانات وترتاح معاه هو السبع , وده موجود فى المعادى عند نادى وادى دجلة
وده لينك فى الارقام
http://www.nilemotors.net/Nile/21218-a.html
بالنسبة الى تركيب الكماليات عليك وعلى مودرن فرع ابو رواش , وده احسن ناس عندهم كماليات وبيكون عليها عروض كل فترة , ولو عايز حاجة من هناك انا تحت امرك
وده موضوع فى الكماليات اللى عندهم
http://www.nilemotors.net/Nile/153920-2010.html
والقسم عندنا فى موضوعات كتير مهمة مثبتة ممكن تفيد حضرتك لو اتطلعت عليها
وتحت امرك فى اى استفسار
-
-
الف مبروك و ربنا يوفقك فى اختيارك
فعلا استهلاك البنزين الحقيقى لا يقاس دلوقتى
-
مبروووووووك بجد ربنا اكرمك وفقك بعربية محترمة
ربنا يباركلك فيها ويكفيك شرها
واهلاً بيك عضو جديد فى اسرة نيسان
-
الف مبروك واهلا بيك وربنا يبارك لك فى سيارتك
-
الف الف مبروك و اهلا بيك عضو من اعضاء نادي نايل موتورز نيسان
-
والله يا جماعة انا مش عارف اقول ايه انا حاسس اني في وسط اسرة جميلة قوي ومترابطة قوي ويارب اكون عضو مفيد مش مجرد مستفيد في القسم
وشكرا ليكم كلكم وعغلى ردودكم الجميلة وعلى عرضكم للخدمات زاكيد لو احتجت حاجة مش هالجأ غير لأخواتي في القسم
Content Relevant URLs by
vBSEO 3.6.0 PL2