ياريت يا جماعة اللي يعرف الطريق من القاهرة الي دمياط يوصف لي علي اعتبار ان نقطة البداية من القاهرة ( الدائري) ولكم جزيل الشكر
عرض للطباعة
ياريت يا جماعة اللي يعرف الطريق من القاهرة الي دمياط يوصف لي علي اعتبار ان نقطة البداية من القاهرة ( الدائري) ولكم جزيل الشكر
1- حضرتك هاتنزل من الدائري علي طريق السويس الصحراوي في أتجاه السويس
2- هاتكمل لحد مدينتي و بعدها هتلاقي يوتيرن شمال
3- بعد اليوتيرن هاتدخل يمين مدخل مدينة الشروق
4- من المدخل هاتكمل علي طول لحد ماتطلع طريق الاسماعيلية
5- هاتأخد يمينك مع الطريق و تكمل في طريق الاسماعيلية
6- بعد ماتعدي قيادة الجيش الثاني هتلاقي دخلة شمال الي طريق بورسعيد هاتكمل منها و هايكون علي يمينك كافيتريا النجوم و محطة بنزين
7- هاتكمل علي طول الي بورسعيد و قبل بورسعيد بحوالي 5 كم هتلاقي يوتيرن شمال تلف منه و بعد كده يمين من الطريق الدائري الي دمياط
المسافة الاجمالية من أول نزلة الدائري علي طريق السويس الي مدخل دمياط حوالي 250 كم
الطريق ده أحسن و أنظف من أي طريق تاني بس خلي بالك من الرادارات في :
- طريق الاسماعيلية قبل مركز الطب العالمي (السرعة 90 كم/ساعة)
- قبل بوابة الاسماعيلية الصحراوي فيه رادار
- عند قرية أبوخليفة طريق الاسماعيلية/بورسعيد
- قبل محطة الوزن علي طريق بورسعيد
- عند أول دخلة الدائري في أتجاه دمياط فيه رادار
و لو فيه أي أستفسار أنا تحت أمرك و توصل بالسلامة أن شاء الله
مع خالص تحياتي
م/ سمير الشهاوي
ربنا معاك فى كل سافريه ويسلم طريقك
هو الوصف جميل جدا بس فيه تعديل بسيط يسهل الامور بدل ماتنزل طريق السويس كمل فى الدايرى وانزل نزلة طريق الاسماعلية
وتوصل بالسلامة