الموضوع: ممكن تفكروا معايا لو سمحتم

ياجماعة عايزك تفكروا معايا

الحمد لله انا واخواتى معانا مبغ 150 الف وما ينفعش نعمل مشروع خاص دلوقتى

المبلغ ده عايزين نستثمره

قولنا نجيب شقة كويسة فى الشروق او العبور وناجرها منها تحافظ على قيمة الفلوس ومنها تجبب ايجار كويس كل شهر

بس برضه لقينا المبغ ده يجيب قطعة ارض فى منطقة فى الارياف وممكن نبنى عليها دور واحدة واحدة نزود دور وناجر البيت كله ويجيب مبلغ كويس

دلوقتى ايه رايكم كقيمة استثمارية لمدى متوسط خمس سنين مثلا مين احسن شقة فى مدينة جديدة ولا بيت فى منطقة شعبية
السوال التانى هل فعلا موضوع الايجار مجدى ولا لا لانى فيه ناس بتقولنا الايجار بيبقى منظور والسكان بتوع مشاكل

انا محتاررررررررررررررررررررر ررررر
ايه را يكم

المشاركة الأصلية كتبت بواسطة akram

حاجة تانية ,

فيه ناس بتعمل شراكة بعدد أسهم و بتبني عمارة و لما تتباع أي حاجة تتقسم بالنسب دي ,
الموضوع ده جامد جداّ ...

+ فكره حلوه جدا
بس ليها عده مخاطر
اولا : لازم تبقى عارف الناس اللى هتدخل معاهم فى الشراكه دى كويس
وتعرف انت داخل بكام وهتاخد كام
هل هتاخد نصيب فى شقه يعنى نص شقه مثلا ولا هتاخد شقه كامله او شقه و نص
هل هتاخد مشاركتك دى فلوس يعنى هو هيبيع و يديللك نصيبك ولا انت تتصرف ؟
خللى باللك ان الموضوع دا ربحه مش سريع زى ما الناس متخيله يعنى تبنى وتانى يوم تبيع
دى ارزاق وانت و نصيبك
ممكن تبيع قبل ما تبنى الطوب و ممكن تقعد سنتين تلاته على ما تبيع حاجه
ربنا معاك وانا رأى لو ملكش فى سكه المشاركه انك تشترى شقه فى مدينه جديده فى حته عليها طلب لأيجار الشقق
هتجبللك دخل محترم لن يقل عن 700 جنيه مثلا
( لان المبلغ 150 الف لن يكفى لشراء شقه واسعه او فى مكان غالى)