مناقشة حول جينا بعد 100000 كيلو :)

**Tarek Gen 2** · 22-07-2010 03:29 AM

السلام عليكم يا رجالة المنتدى
انا كان لية فكرة كدة عايز اعملها
انا عايز الموضوع ده يبقى بين زى فريقين
فريق فيه ملاك 2009 و 2010 و التانى فيه 2006 و 2007 و 2008 و طبعا ده بالنسبة للجين تو
احنا كملاك جدد فينا اللى لسة مكملش ال5000 او ال10000 مثلا عندنا بعض المشاكل و الهواجس و الخوف اللى اكيد الملاك القدام مروا بيها و واجهتهم و اتصرفوا فيها زى التيل قطع الغيار خصوصا الناس اللى بتتعامل برة التوكيل
احنا كلنا مجمعين ان العربية زى الفل و تمام اوى و مبسوطين بيها بس و بعدين طب و أدام هتبقى ايه ؟؟؟!!! احنا فى منا اللى مش هيقدر يغير العربية دى قريب و عايزها تعيش معاه
اللى انا اقصده انها عربية ممتازة جداااااااااااااااااااااا اوى و كله تمام بس كمان سنتين تلاتة طب كمان 7 سنين مثلا موقفها هايبقى ايه
انا عايز الملاك الأدامى يقولونا اخبار العربية ايه دلوقتى مقارناً بلما اشتروها
ايه اقوى المشكلات و اتصرفوا فيها ازاى
انا مثلا شفت ما يقرب من 30 موضوع تيل ولا واحد عرفت اخلص منه بحاجة و زى ما دخلت زى ما خرجت منه
الناس اللى مبترحش التوكيل بتجيب الحاجة اللى بتعوزها منين و هل بسهولة و الاسعار بالنسبة للتوكيل ؟؟
هل العربية استهلاكية لحاجتها اوى بمعنى انك كل شوية بتعوز تغير حاجة
اداء التكييف بالنسبة لساعة ما اشتروها و اداء السحب و اداء الماتور و صوته ؟؟
بعد ال60000 بتعملوا ايه و بتصينوا العربية ازاى ؟
و اللى عنده سؤال يسأل برضه و القدام يجوبونا بقى
بأختصار كدة الجين تو بعد ال100000 عاملة ازاااااااااى و مصارفها و ادائها و متطلباتها ؟؟
انا عارف ان الاسئلة كتير اوى بس انا مش عايز اجابة على كل سؤال تحيدا انا عايز اوصل لحاجة من كل رد مش اكتر سواء بالايجاب او بالسلب
ربنا يباركلنا كلنا و يبعد عننا و عن أسرنا الشر و يدينا خير عربياتنا قولوا امين فى اخر ردكوا
شكرااا مقدمااااا

**midosalah** · 22-07-2010 05:21 AM

موضوع هايل بس للاسف انا مش معايا جين2 بس انا متااااااااااابع بشغف

**Raul_7** · 22-07-2010 06:21 AM

موضوع جامد قوي فعلا, يا ريت الملاك القدام ينورونا ويقولولنا عن تجربتهم.

أنا فعلا واحد مش ناوي يغير قبل عالأقَل 5 سنين من دلوقتي إن شاء الله.

**jisso82** · 22-07-2010 09:22 AM

فكرة جميلة يا طارق و أتمنى فعلا من الناس القدام العاليين فى العربية يشاركوا زى الأستاذ خالد حمدى و توت عنخ أمون لأنهم من أقدم الناس اللى جابوا العربية على المنتدى و فعلا بيحاولوا يفيدوا كل ما تجيلهم الفرصة

**pedro732000** · 22-07-2010 09:25 AM

بص ياباشا انا كنت يوم 13/7 كنت روحت عاملة الفحص المجانى وظبط مع ايمن عشان عندى مشكلة تقريبا من المساعد الامامى يمين وانا هناك شوفت عربيات كتير من المنتدى بس للاسف مشفتش صحبهم وبالصدفة فكرة واحد تانى صاحب عربية فيهم فطلع صاحب عربية جين نحاسى والعربية عملها معها 60000كم وديه تانى مرة يجى فيها التوكيل بعد صيانة 1000 والسبب عطل فى العربية مش عوزها تدور وكان على الدائرى جنب التوكيل وهو شغال فى شرم ومش دايخ على حاجتها وبيشكر فيها اوى بس العربية متهانة منه جامد مش متصانة خالص يعنى الكبوت فيه خبطة فمفتوح سنة وهكذا......
هاستاذن صاحب الموضوع فى الصور ديه

**Tarek Gen 2** · 22-07-2010 09:58 AM

المشاركة الأصلية كتبت بواسطة pedro732000

بص ياباشا انا كنت يوم 13/7 كنت روحت عاملة الفحص المجانى وظبط مع ايمن عشان عندى مشكلة تقريبا من المساعد الامامى يمين وانا هناك شوفت عربيات كتير من المنتدى بس للاسف مشفتش صحبهم وبالصدفة فكرة واحد تانى صاحب عربية فيهم فطلع صاحب عربية جين نحاسى والعربية عملها معها 60000كم وديه تانى مرة يجى فيها التوكيل بعد صيانة 1000 والسبب عطل فى العربية مش عوزها تدور وكان على الدائرى جنب التوكيل وهو شغال فى شرم ومش دايخ على حاجتها وبيشكر فيها اوى بس العربية متهانة منه جامد مش متصانة خالص يعنى الكبوت فيه خبطة فمفتوح سنة وهكذا......
هاستاذن صاحب الموضوع فى الصور ديه

اتفضل يا جميل من غير استأذان ده موضوع عشان يفيدنا كلنا ان شاء الله و ان شاء الله نطلع بحجات تطمنا و تزيح قلقنا ده
و كتر خيرها اوى انا لو مكان العربية افتح الباب و اعمل خمسة ارميه بيها و يفضل فى مكان بلا رجعة زى كوبرى او جبل و اشوفلى موزة كدة اركبها مكانه مش مدورش بس

**jisso82** · 22-07-2010 10:59 AM

المشاركة الأصلية كتبت بواسطة tarek gen 2

و كتر خيرها اوى انا لو مكان العربية افتح الباب و اعمل خمسة ارميه بيها و يفضل فى مكان بلا رجعة زى كوبرى او جبل و اشوفلى موزة كدة اركبها مكانه مش مدورش بس

هههههههههههههههه تعليقك جامد يا طارق أنا برده بتضايق أوى من الناس اللى بتهين عربياتها كده و ببقى مبسوط جدا و سعيد من الناس اللى واخدة بالها من عربياتها أوى مهما كانت قديمة .

**Mohamed.Kader** · 22-07-2010 12:49 PM

السلام عليكم
أكيد شوفتوا الموضوع داا http://www.nilemotors.net/Nile/163139-2-95-a.html
لو الناس اللي عدوا الــ 60000 كم نمزا الموضوع دا أكيد هيبقى مفيد لمناقشة موضوع حضرتك وعن نفسي لأنا الليومين دول بشطب في االــ 100000 كم والعربية الحمد للة مفيهاش حاجة غير أني غيرتت الدينامو علىى الــ 90000 كم والعربية محافظ عليها من جوا وبرة الشوارع محافظة بردوا ععليها وبالنسبة للصياناات العربية بدأت تنتشر بس تروح لأي صنايعي نضيف بيشتغل في الــ أوبل/لانسر/كورولا أكيد هتلاقي عندوا سابق خبرة بالعربية هيفيدك فتربيط العفشة وتغيير السيور والزيوتت طبعا في البنزينة بس كنت طول الفترة اللي فاتت بستخدم شل للموتور وبدأت أحط موبيل 10000 لأول مرة قولت أجربوا ولغايط دلوقتتي رهيييب