الانوس مش بتغرز

**sala7** · 22-07-2010 11:00 PM

انا معايا لانوس ببدال هههههههههههههههههههه يعني عمري ما هغرز ان شاء الله
ده انا حتى بفكر اجبلها سندات ههههههه

**dr_mak** · 23-07-2010 01:37 AM

بالنسبة للناس الي بتقول الوزن.....انا كنت شايل كراسي وشمسية في الشنطة والعربية كانت محملة بني ادمين كتير

بالنسبة للناس الي بتقول حظ ......انا كنت بدخل بيها على الشط كل يوم ولامرة غرت

بالنسبة للناس الي بتتريق وبتقول هي بتعوم ولا بتطير ......هو دايما الشعب المصري كدة بيداري جهلة بالتريقة والسخرية لكن مينفعش يستفيدو من كلام غيرهم

بالنسبة للكاوتش .....مقاسة 13 عادي وكنت ضابط الهوا قبليها على 30

**E30power** · 23-07-2010 06:53 AM

ببساطة مكنتش ناتش بالعربية وبتفرق من دوسة لدوسة سواق تانى والحمل والوزن كان متوزع بطريقة مسعداك فى العربية ...وبرضك حظك حلو:]:]

انا الانوس غرزت بيا لحد نص الاكصدام ومرضتش تطلع الا ب 5 رجالة جم شالوها والله ما مبالغة .......

وبعدين الانوس جميلة وعشرية اة ...بس برضك مش الى نقول عليها انها عمرها ما بتغرز مهما كاااانت

**sala7** · 23-07-2010 10:35 AM

بلاش يا سيدي كلمة (حظ) اللي مديقاك .. هنقول نصيبك حلو ... قضاء الله و قدره معاك كان رحمة ليك انها ما تغرز

حضرتك بس قلت ( جهل الشعب المصري ) .. يعني حضرتك قلت عليا جاهل وانا مش جاهل و قلت على ناس كتير اخوانك جاهلة و هما مش كدا ...
هل حضرتك شايف انه الجهلة اللي زي حالتنا مش من حقهم يهزرو و يضحكوا ؟؟؟؟
هل حضرتك شايف ان علشان عربيتك ما غرزتش و جيت تناقشنا في حاجة اساسا مش في ايد اي حد غير الله عز و جل تقوم مطلعنا جهلة ؟؟؟ و ننا كمان بنداري جهلنا ؟؟ طب وهندريه ليه (وفوق كل زي علم عليم).. يا سيدي احنا جاهلين و مش عارفين ايه سبب عدم عربيتك انها تغرز ... ممكن بقا في الحالة دي تتصل باللي صنعوها و تسألهم هي ما غرزتش مع حضرتك بالذات ليه ؟؟؟

احنا مش بنهزر و نسخر ولا احنا بتريق ... احنا اساسا مش في حوار للمناقشة عن عطل حصل او في مشكلة ده حوار مفتوح و الكل كان بيتكلم بمنتهى الذوق و الاحترام من وجهة نظري و مافيهاش حاجة لو الناس هزرت شوية

شكراً

**nab!l** · 23-07-2010 10:47 AM

المشاركة الأصلية كتبت بواسطة dr_mak

بالنسبة للناس الي بتقول الوزن.....انا كنت شايل كراسي وشمسية في الشنطة والعربية كانت محملة بني ادمين كتير

بالنسبة للناس الي بتقول حظ ......انا كنت بدخل بيها على الشط كل يوم ولامرة غرت

بالنسبة للناس الي بتتريق وبتقول هي بتعوم ولا بتطير ......هو دايما الشعب المصري كدة بيداري جهلة بالتريقة والسخرية لكن مينفعش يستفيدو من كلام غيرهم

بالنسبة للكاوتش .....مقاسة 13 عادي وكنت ضابط الهوا قبليها على 30

اسلوبك وحش اوى يااستاذى
حضرتك غلطت فى الاعضاء( اللى تكرمو ودخلو على موضوعك ) بشكل مباشر
طب عربيتك مغرزتش
خلاص
خير
الحمد لله
المطلوب بقى نعمل ايه
على فكره الخارقه لانوس غرزت قبل كده معايا عاااااااااااااااااااااااا دى يامان

**Hossam_Hassan** · 23-07-2010 11:12 AM

عندى نظرية ساذجة شوية بس يمكن

اللانوس تقيلة فى طلعتها شوية، موتورها مش عفى فى لفات الموتور اقل من 2000، و بيتهيألى العجل كل ما لف بسرعة العربية بتغرز اكتر، فيمكن علشان كده مش بتغرز.

**mohmswailam** · 23-07-2010 12:13 PM

أعتقد(وده رايى الشخصى) ان فيه سببين هما الاهم
أولا طبعا ارادة ربنا
ثانيا أسلوب سواقة حضرتك
انما قصة وزن العربية دى ليها مجرد دور بسيط

على فكرة انا كان معايا 128 وكنت بادخل بيها عالرمل وهى محملة عادي يجى 20 مرة لغاية مرة كدةحصل انها غرزت
ولما فكرت فى السبب لقيت انى انا اللى غلطت فى المرة دى بانى هديت اوى زياده عن اللزوم

**dr_mak** · 23-07-2010 05:33 PM

المشاركة الأصلية كتبت بواسطة sala7

بلاش يا سيدي كلمة (حظ) اللي مديقاك .. هنقول نصيبك حلو ... قضاء الله و قدره معاك كان رحمة ليك انها ما تغرز

حضرتك بس قلت ( جهل الشعب المصري ) .. يعني حضرتك قلت عليا جاهل وانا مش جاهل و قلت على ناس كتير اخوانك جاهلة و هما مش كدا ...
هل حضرتك شايف انه الجهلة اللي زي حالتنا مش من حقهم يهزرو و يضحكوا ؟؟؟؟
هل حضرتك شايف ان علشان عربيتك ما غرزتش و جيت تناقشنا في حاجة اساسا مش في ايد اي حد غير الله عز و جل تقوم مطلعنا جهلة ؟؟؟ و ننا كمان بنداري جهلنا ؟؟ طب وهندريه ليه (وفوق كل زي علم عليم).. يا سيدي احنا جاهلين و مش عارفين ايه سبب عدم عربيتك انها تغرز ... ممكن بقا في الحالة دي تتصل باللي صنعوها و تسألهم هي ما غرزتش مع حضرتك بالذات ليه ؟؟؟

احنا مش بنهزر و نسخر ولا احنا بتريق ... احنا اساسا مش في حوار للمناقشة عن عطل حصل او في مشكلة ده حوار مفتوح و الكل كان بيتكلم بمنتهى الذوق و الاحترام من وجهة نظري و مافيهاش حاجة لو الناس هزرت شوية

شكراً

ببتستهزا للمرة التانية وبقول اتصل على صنعو العربية

؟؟؟؟ على العموم انا اسف لو غلط في حضرتك

وهزر ياباشا براحتك انا هستحملك برضة

**dr_mak** · 23-07-2010 05:36 PM

المشاركة الأصلية كتبت بواسطة hossam_hassan

عندى نظرية ساذجة شوية بس يمكن

اللانوس تقيلة فى طلعتها شوية، موتورها مش عفى فى لفات الموتور اقل من 2000، و بيتهيألى العجل كل ما لف بسرعة العربية بتغرز اكتر، فيمكن علشان كده مش بتغرز.

تقريبا دة الي بيدور في دماغي ...الله ينور عليك ....والي خلاني فكرت في كدة انا كانت معانا شاهين 1600 وكانت كل يوم بتنزل في الرملة وكنا بنقعد نشيل فيها وطبعا الشاهين ماتورها عفي عن الانوس بكتير

**ramyraby** · 24-07-2010 10:21 AM

المشاركة الأصلية كتبت بواسطة dr_mak

انا كانت معانا شاهين 1600 وكانت كل يوم بتنزل في الرملة وكنا بنقعد نشيل فيها وطبعا الشاهين ماتورها عفي عن الانوس بكتير

الشاهين دفع خلفي يا محترم يعني ممكن تغرز على الاسفلت

الموضوع: الانوس مش بتغرز

LinkBack

أدوات الموضوع

عرض

-

-

-

-

-

-

-

المواضيع المتشابهه

بعد الانوس

فوج الانوس

مع كل اسف , انا بعت الانوس....

رفع الانوس

حتي الهمر بتغرز يا جدعان

الكلمات الدلالية لهذا الموضوع

المفضلات

المفضلات

ضوابط المشاركة