الموضوع: ايه نظام قطع غيار النيون ؟؟؟؟

حد ياجماعة عندو حل في قاعدة النيون ال 97 الي تحت قبل الريداتير لاني بجيب الحشو الهندي الي بيتباع في السوق مبتقعدش فيها شهر ولا شهرين بالكتير اوي وفي حد قالي اصبها كاوتش من غير فراغات بس سالت الميكانيكي قالي انها مش حلوة حتخالي العربية تتهز هيا واقفة حاتبقى ناشفة عالعربية محادش عندو حل للموضوع دة خاصة واني روحت للجزيرة في شامبليون وقالي حاجيبلك طقم حشو قواعد امريكي وفعلان جابهولي بعد كام شهر المهم ركبتو (وركبتو صح) خدو بالكم ومقعدش حتى نص الفترة الي بيقعدها الهندي

القاعدة دي موجودة جديدة كاملة (القاعدة الحديد بالكاوتش الحشو) في الوكالة في التوفيقية سعرها 300-350 جنيه

السلام عليكم
بالفعل اكتشفت ان الديفيرة فيها مشكلة اما عن المشكله الاكبر انى لا اجد الدفيرة وهى دفيرة المتور
وجدت اكثر من ثلاث انوع شيه دفيرتى لكن ليس هى وجارى البحث
وارجوا منكم ان كان احد يعرف اماكن قعط غيار للنيون يكون كتر خيرة
اما بالنسبة لقاعده المتور انا لسة مغير الثلاث قواعد موجوده فى الحرافين عند محل اسمه المصرى امام محل الشبراوى هيقولك مش عندى قولة انا عايزها هيجبلك قواعد اصلى ب 550جنية
هى غالية بس انضف كتيييير من الهندى والحشو والكلام ده
قطع غيار النيون غالية حتى فى الخارج لان النيون من فصيلة الدودج

المشاركة الأصلية كتبت بواسطة amirenstein

السلام عليكم وكل سنة وانت طيب...

بالنسبة لقطع الغيار الجديدة للنيون غالبا موجودة في شارع شامبليون .. أما الاستيراد فموجود في الحرفيين والوكالة (التوفيقية) وفي ناس في شارع فيصل وعند فندق سياج في المريوطية

ماكينة الزجاج في النيون قوية على فكرة وممكن تكون مشكلة كهربا في علبة الزراير مش الماكينة .. وعلى العموم في شارع شامبليون يكشفولك ولو ما لاقوهاش يشوفولك ماكينة زيها أو قريبة منها مش مشكلة ده لو العيب في المايكنة أصلا ..

روح في شامبيلون عند واحد اسمه الاسطى فهمي بتاع الزجاج والأبواب .. لسة مصلح الزجاج عنده يوم الخميس ..

سلام

محتاج ديفيرة متور ضرورى تعرف حد

اسأل عند الحاجة في صقر قريش او عند جمال الأسيوطي (الامريكية سنتر) في الحرفيين

وفي كمان واحد اسمو القبيصي في المريوطية في خلف فندق سياج
وواحد اسمو فوزي الخواجة في شارع فيصل
وفي الحرفيين ناس كتير تاني مش فاكر اساميهم جابو نيون برضو

المشاركة الأصلية كتبت بواسطة ahmedzaki11

اسأل عند الحاجة في صقر قريش او عند جمال الأسيوطي (الامريكية سنتر) في الحرفيين

انا من صقر قريش والحاجة اغلب قطع غيارها نيون 2000 وسألتها ومعندهاش
اما جمال الاسيوطى عنده ثلاث انصاص لنيون ومعندوش غير ديفيرة ومختلفة عن ديفيرت عربيتى
وانا مسبتيش حد فى الحرافيين
موضوع كهرباء النيون مش سهل لان المواصفات مختلفة حتى الكنترول فى اكتر من نوعيين
وعلبة الفيووز حتى اللاريهيات اللى بتركب داخل علبة الفيوز فى منها 5 رجول وفى 4 رجول
لو حد يعرف حد فى بورسعيد او اى محافظة انا اروح مفيش مشكله

المشاركة الأصلية كتبت بواسطة ahmedzaki11

وفي كمان واحد اسمو القبيصي في المريوطية في خلف فندق سياج
وواحد اسمو فوزي الخواجة في شارع فيصل
وفي الحرفيين ناس كتير تاني مش فاكر اساميهم جابو نيون برضو

رحت للقبيصى عنده بس مش هتصدق موجوده الزاى رحت المخزن عنده لقيت جبل ضفاير اشكال واللوان فوق بعضها والمفروض ندور عليها تفتكر رفضت لا والله جلست انا وصديقى والعامل نضرب غتص داخل جبل الضفاير بلا فايدة سيبت العامل لتانى يوم وهو بيدور وبرضوا بلا فايدة

.....
اما عن الخواجة فارجوك اعطينى عنوانه او اوصف العنوان وجنبة اية شارع فيصل كبيييييير جدا

واشكركم على مساعدتكم لى ومنجلكوش فى ديفيرة